(හිරාන් ප්රියංකර ජයසිංහ)
රට වළං නිෂ්පාදනයට අවශ්ය අමුද්රව්ය සපයා ගැනීමේ බරපතල ගැටළු හේතුවෙන් මේ වන විට තමන් සිය වෘත්තිය අතහැර දමමින් සිටින බව පුලිච්චාකුලම වළං ගම්මානයේ කර්මාන්තකරුවෝ පවසති.
වළං නිෂ්පාදනයට අවශ්ය ‘ඕ වැල්ල’ නැමති මැටි වර්ගය සපයා ගැනීමට නොහැකි වීම මෙම ගැටළුවට හේතුවී තිබේ.
ශ්රී ලංකාව තුළ මැටි ලිප් නිෂ්පාදනයට ප්රසිද්ධියක් උසුලන පුලිච්චාකුලම රට වළං කර්මාන්තකරුවෝ තනි ලිප සහ ලිප් දෙක නිෂ්පාදනයේදී සුවිශේෂ හැකියාවක් දක්වති. ඊට අමතරව ඔවුහු මැටි වළං නිෂ්පාදනයට ද සුවිශේෂ දස්කම් දක්වති.
තම මුල් පරම්පරා ඉන්දියාවෙන් පැමිණි බව පවසන ඔවුහු පුලිච්චාකුලම ගම්මානයට සංක්රමණය වීමෙන් පසු කිසිදු ගැටළුවකින් තොරව කර්මාන්තයේ නිරත වූ බව ද කියති. වසර 60 කට වැඩි කාලයක් පාරම්පරික රට වළං කර්මාන්තයේ නිරත වන තමන් තුන්වන පරම්පරාව නියෝජනය කරන්නන් බව ඔවුහු කියා සිටිති.
ප්ලාස්ටික්, ඇලුමිනියම් ඇතුළු වෙනත් දෑ වලින් සිදුවන හානිය මැටි වළං වලින් සිදු නොවන බවත් ශරීර සෞඛ්යහට හිතකර බවත් මෙම මැටි වළං කර්මාන්තකරුවෝ කියති.
එසේ නමුත් රට වළං කර්මාන්තය ආරම්භ කර දශක කිහිපයක් ගතවන්නටත් පෙර බොහෝ පිරිසක් කර්මාන්තය අතර ඇත්තේ අමුද්රව්ය සපයා ගැනීමේ ගැටළුව හේතුවෙන් බවත් එය විසඳීම සඳහා කිසිදු බලධාරියකු ඉදිරිපත් නොවූ බවත් ඔවුහු වැඩිදුරටත් පැවසූහ.
පුලිච්චාකුලම රට වළං නිෂ්පාදකයින්ගේ සංගමයේ සභාපති එස්. ආනන්දන් මහතා මේ සම්බන්ධයෙන් දැක්වූයේ මෙවැනි අදහසකි.
“පුලිච්චාකුලම රට වළං කර්මාන්තයට තිබෙන්නේ වසර 60 කට වැඩි ඉතිහාසයක්. අද අපි අසරණ වෙලා ඉන්නේ මේ කර්මාන්තයට ගන්න ‘ඕ වැල්ල’ සපයා ගැනීමට බැරිවයි. මේ අමුද්රව්ය පුත්තලම දිස්ත්රික්කයේ නැහැ, තිබෙන්නේ කුරුණෑගල දිස්ත්රික්කයේ. ඒවා ලබාගැනීමට රාජ්ය ආයතන අපිට නිසි අවසරය ලබා දෙන්නේ නැහැ. ඒ නිසා විශාල පිරිසක් කර්මාන්තය අතහැර විවිධ රස්සාවලට ගිහින්. අපි මේ කර්මාන්තය ආරක්ෂා කරගන්න පුදුම සටනක් කරනවා. ”
“ මේ කර්මාන්තකරුවන් අවස්ථා කිහිපයකදී මට හමුවී තිබෙනවා. කළ යුතු දේ මම ඔවුන්ට දැන්වූවා. ‘ඕ වැල්ල’ පස තිබෙන්නේ කුරුණෑගල දිස්ත්රික්කයට අයත් භූමිවලයි. අදාළ ක්රමවේදයන්ට අනුවයි මේ කටයුතු කළ යුත්තේ. අපි සුදානම් උදව් කරන්න” යැයි පුත්තලම දිස්ත්රික් ලේකම් එන්. එච්. එම්. චිත්රා්නන්ද මහතා කීවේය.
ආරක්ෂාව යන වචනය පුළුල්ව අර්ථ විවරණය වන්නකි. බුද්ධ ධර්මයෙන් මේ සඳහා ලබා දී ඇති ප්රමුඛත්වය ත්රිපිටකය තුළින් මැනවින් ප්රකට වේ. තථාගත බුදුරජාණන් වහන්ස
ශ්රී ලංකාවේ ආර්ථිකය කඩා වැටීමට හේතු සෙවීමේ දී ප්රධාන හේතුවක් ලෙස පෙනී යන්නේ ලංකාවේ බදු ක්රමයේ ඇති දුර්වලතා සහ අපේක්ෂිත බදු ඉලක්ක කරා ගමන් කිරීමට ර
දියතලාව නරියාකන්ද (ෆොක්ස්හීල්) මෝටර් රථ හා යතුරු පැදි ධාවන තරගයක් අතරමැද දී සිදුවූ අනතුරකින් තරගය නරඹමින් සිටි පුද්ගලයන් හත් දෙනකු මරුමුවට පත්වී තවත්
නෙත් මානයට නොගැටෙනතාක්බොහෝ සොඳුරු ඉසව්වන් අනාගතයට සුරක්ෂාවේ. එවන් සොඳුරු වූ මානයන් මිනිසාගෙන් වහන් වන තාක් තවත්බොහෝ කල්පවතිනු ඇත. එවන් සොඳුරු වූ ප්
විශ්ව විද්යාල ප්රතිපාදන කොමිසමට අනුව රාජ්ය විශ්වවිද්යාලවලින් පිරිනමන උපාධි පාඨමාලා අතරින් වියදම්කාරී තත්වයෙන් දෙවැනි තැනට පත් වන්නේ එම්. බී බී.
ඉදිරි මාස 6ක කාලය ඇතුළතදී මේ රටේ ජාතික මැතිවරණයක් පැවැත්වීමට නියමිතය. ව්යවස්ථානුකූලව මීළඟ ජනාධිපතිවරණය ලබන සැප්තැම්බර් මැද සහ ඔක්තෝබර් මැද කාලය ඇතු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
’ඕ වැල්ල’ත් සමඟ වියැකී යන රට වළං කර්මාන්තය
ජෝය්ස් Sunday, 03 February 2019 12:51 PM
වැල්ල ඕනෑ නම් ගෙවලා ගන්න.. නිකං ඉල්ලන්න එපා.
Matipahana Monday, 04 February 2019 04:42 AM
කැනීම් කරන තැන්වලින් අදාල ද්රව්ය ගත්තට පස්සේ ඒ තැන් පොකුණු, වැව්, ජලාශ බවට පත් කරලා මිරිදිය මසුන් සංචාරක වැනි ව්යාපෘති බවට හරවනවා නම් හොඳයි. ඒ වගේ පුළුල් දැක්මක් දේශපාලුවන්ටත් නෑ.. අපේ ගොන් මිනිස්සුන්ටත් නෑ.