“මල්ලී...අරුන් අර කුඹුක් ගහ කැපුවා නේද?
අපිට බැරි වුණානේ ඒක ආරක්ෂා කර ගන්න...
මේ කුඹුක් ගහ පිහිටියේ මහනුවර පතිරාජයන්ගේ නිවෙසත් මගේ නිවෙසත් පිහිටි ප්රීම්රෝස් ගාඞ්න්හිය. අප දෙදෙනාගේ නිවෙස අතර පිහිටි හිස් ඉඩමක වූ මේ කුඹුක් ගස ඉඩම මිලදී ගත් නව අයිතිකරුවන් විසින් කපා ඉවත් කරන ලදී. ඒ පිළිබඳ “පතී” අයියා අදත් සිටින්නේ දැඩි කනස්සල්ලකින්ය. පරිසරයට බෙහෙවින් ආදරය කරන පරිසරවේදියකු වන ඔබට මා දකින විටම මතකයට නැගෙන්නේ ඒ කුඹුක් ගසය. පරිසරයට ඔබ දක්වන නොකැළැල් ආදරය කොතෙක්දැයි මම දනිමි. ඒ ආදරයෙන් අපේ රට යහපත් ලෙස වෙනස් කිරීමට, සිනමාව නම් වූ ඒ විශිෂ්ට කලා මාධ්ය අත්හදා බැලීමට අවශ්ය වූ සිනමාකරුවකු වේ නම් අපට මුලින්ම මතකයට එන්නේ අපේම ආදරණීය සහෝදරයකු, මිතුරෙකු, ගුරුවරයෙකු, ගමන් සගයකු වන “පතී” අයියාය. ඒ අපි සැවොම ආදරයට ඔබ අමතන ආකාරයයි.
දේශීය සිනමාව, වමේ දේශපාලනය, රටේ සංස්කෘතිය, අපේකම, මනුෂ්යත්වය, අන්යෝන්ය සහයෝගය, එකිනෙකා පිළිගැනීම, යහපත් ලෙස ඇහුම්කන් දෙමින්, වැදගත් ලෙස ඉඳහිට උපදෙස් දෙන මිනිසකු ලෙස ජීවත්වෙමින්, ජනතාවාදී සිනමාකරුවකු ලෙස ගතකරන, ඔබේ සිතිවිලි තවමත් නැවුම්ය. තාරුණ්යයෙන් පිරිපුන්ය. විටෙක යහමඟ පෙන්වන ගුරුවරයකු ලෙසින්ද, තවත් විටෙක සමීප මිතුරකු වශයෙන්ද අප සමග හෘදයාංගමව ඇසුරු කරන ඔබට ජීවිතය පිළිබඳ වෙනම දැක්මක් තිබේ. ඔබ සතු වන නිහතමානී වූත්, ගැඹුරුවූත් පුළුල් දැක්ම හැමදාකම අපේ සහෝදර සිනමාකරුවන්ට, ශ්රී ලංකා සිනමා අධ්යක්ෂවරුන්ගේ සංසදයට ඉතා වැදගත්ය.
“මේ රටේ චිත්රපට බෙදාහැරීම සම්බන්ධයෙන් තවමත් සාධාරණ ක්රමවේදයක් නෑ නේද?”
මේ ගැන ඔබ විශේෂයෙන්ම කනස්සල්ලෙන් කතා කරන්නේ එය අදත් හෙටත් දවසේ මේ රටේ සමස්ත සිනමා කලාවේත්, කර්මාන්තයේත් පොදු ප්රශ්නය වන නිසාය.
සිනමාව මුදල් උපයන ව්යාපාරයක්ම ලෙස බොහෝ දෙනා හඳුනා ගත්තද ඔබ තමන් ඉපයූ සිනමා මාධ්යය වෙනුවෙන් වැය කළ, සිනමාව ජීවිතය කරගත් සිනමාකරුවෙක් වෙයි. තවමත් නොවිසඳුණු දේශීය චිත්රපට බෙදාහැරීම සහ ප්රදර්ශනය පිළිබඳ වූ අර්බුදයට විසඳුම් සෙවීමට සිනමා අධ්යක්ෂවරුන් වශයෙන් 2012 වසරේ දී අධ්යක්ෂවරුන්ගේ සංසදය ගොඩනැගීම සඳහා අප කිහිප දෙනකු එක්ව කතා කළ ඒ මුල් අවදියේ දී සිටම අප අතර සිටි ජ්යෙෂ්ඨ ශ්රේෂ්ඨයා ඔබම වෙයි. එදා සිට අද දක්වාම ඒ වෙනුවෙන් ඔබ දක්වන සහයෝගය, ලබාදෙන ගුරුහරුකම් අපත් සමඟ එක්වී ප්රකට කරන නිහතමානී මනුෂ්යත්වය, ඔබ තුළ සිටින සිනමාකරුවාගේ පරාර්ථකාමී දැක්ම අප පරපුරේ සිනමාකරුවන්ට පවා ඉමහත් පූර්වාදර්ශයක් වනු ඇතැයි මගේ හැඟීමයි.
පතී අයියේ ඔබ කෙදිනකවත් තමන්ගේ පෞද්ගලික වාසිය වෙනුවෙන් සිනමාව සම්බන්ධ තීරණවල දී පෙනී නොසිටින, අපගේ ගෞරවය දිනන, අපේ සංසඳයේ ජ්යෙෂ්ඨතම විධායක කාරක සභිකයා වෙයි. සාධාරණ ලෙස චිත්රපට බෙදාහැරීම හා ප්රදර්ශනය වෙනුවෙන් අප සංසඳය විසින් සකස් කරන ලද යෝජනාවලිය සඳහා ඔබ පෙනී සිටින්නේ අනාගතයේ දී රටේ යහපත් සිනමාවක් යළි ඇති කිරීමේ ඉමහත් වූ බලාපොරොත්තුව කැටි කරගෙනය. ඔබ විශ්වාස කරන්නේ වාණිජ අතින් සාර්ථක වන සිනමාවට මෙන්ම කලාත්මක අතින් සාර්ථක වන සිනමාවටත් අප රටේ සිනමා ශාලාවල දී සහ චිත්රපට බෙදාහැරීමේ නිසි අවධානයක් ලැබිය යුතු බවය.
ඔබ අපට පති අයියාය. සිනමාවට ධර්මසේන පතිරාජය. රටට ආචාර්ය ධර්මසේන පතිරාජය. එහෙත් ඔබ කිසිදිනක ඔබගේ වටිනාකම් පිළිබඳ පුරාජේරු දොඩන අයෙක් නොවේ. ඔබ ඔබගේ සිනමාව ගැනම උදම් අනන පුද්ගලයෙක් ද නොවේ. ඔබ ඔබගේ ඇසූපිරූ තැන් පිළිබඳ අධි තක්සේරුවකින් සිතන හැසිරෙන අයෙක් ද නොවේ.
එහෙත් ඔබ දස දහසක් පරිකල්පනයන්ගෙන්, පොහොසත්, ජීවිතයේදී අප අත්විඳින සියල්ල සිනමාව ලෙස පිළිගනිමින් එකී මිනිස් ජීවිතවල ඇතුළාන්තයට කිමිදී එය සිනමාව නම් වූ මහා මැජික් එක හරහා අප වෙත ගෙන එන නිර්ව්යාජ සිනමාකරුවකුම බව මගේ හැඟීමය.
2017 ක් වූ ජූනි 26 වැනි සඳුදා, ශ්රී ලංකා ජාතික චිත්රපට සංස්ථාවේ, තරංගණී සිනමාශාලා පරිශ්රයේදී ඔබගේ දශක පහක යුග මෙහෙවර ඇගයු “පතීට පනහයි” හරසර උළෙලේදී ශ්රී ලංකා සිනමා අධ්යක්ෂවරුන්ගේ සංසඳයේ අපහටත් ඔබට සිනමා අධ්යක්ෂවරුන්ගේ ගෞරවනීය කෘතවේදිත්වය දැක්වීමට මහඟු අවස්ථාවක් ලැබිණ. එහිලා ගරු සම්මානය පිරිනැමීමට පෙරාතුව කියැ වූ අප සංසඳයේ හේතු පාඨයෙන්ම මේ සටහනට විරාම තබමි.
ආචාර්ය ධර්මසේන පතිරාජ සිනමාවේදියාණෙනි,
ඔබගේ සිනමාව තීර්ණය යනු,
එතෙක් මෙරට පැවත ආ සිනමා සම්ප්රදායේ
තීරණාත්මක හැරවුම් ලක්ෂය සේම,
ශ්රී ලාංකේය සිනමා ධාරාවේ අනාගතය
සුසාධනය කළා වූ අද්විතීය කැරැල්ල ලෙස ද,
දේශීය සිනමා වංශකතාව තුළ විරචිතය.
කුප්රකට සම්මතයන් පුපුරවා ලූ,
සීමා පවුරු බිඳ හෙලූ ඔබ,
සිනමා විෂයයෙහිලා න්යායාත්මක සහ සිද්ධාන්තමය දැනුමෙන් හෙබි
සැබෑ ප්රාමාණිකයෙකි. පර්යේෂකයෙකි, බුද්ධිමතෙකි.
එමෙන්ම
යහපත් සිනමා සංස්කෘතියක් අපේක්ෂා කොට
මෙරට ඉතිහාසයේ පළමුවැනි වරට
ශ්රී ලාංකේය සිනමා අධ්යක්ෂවරු එක්සත්ව බිහි කළ
ශ්රී ලංකා සිනමා අධ්යක්ෂවරුන්ගේ සංසඳය උදෙසා
ඔබ ඉටුකරන අනුපමේය පුරෝගාමී මෙහෙවර
අප සංසඳය නිබඳවම
ගෞරව සම්ප්රයුක්තව අභිවාදනය කරමු
සිනමා අධ්යක්ෂවරුන්ගේ සංසඳය මගින් පෙබවාරි 8 වැනිදා චිත්රපට සංස්ථාවේ තරංගනී ශාලාවේ ආචාර්ය ධර්මසේන පතිරාජයන් වෙනුවෙන් උත්සවයක් සංවිධානය කර තිබේ. එහිදී “අහස්ගව්ව”, “සොල්දාදු උන්නැහේ”, ස්වරූප සහ “මතුයම් දවස” චිත්රපට ප්රදර්ශනය කිරීමට නියමිතය.
ශ්රී ලංකා සිනමා අධ්යක්ෂවරුන්ගේ සංසඳයේ
සභාපති,
බෙනට් රත්නායක
රටේ පවත්නා ආර්ථික අර්බුදය මෙරට අධ්යාපනයට ද බලපා ඇතැයි මෑත කාලයේ වඩාත් විමසීමට ලක් වූ කාරණයකි. එහෙත් මෙය පුළුල්ව සහ ගැඹුරින් සාකච්ජාවට ලක් විය යුතු එක
ජාතියේ මහා සංස්කෘතික මංගල්යය ලෙස සැළකෙන සිංහල හා හින්දු අලුත් අවුරුද්ද උත්කර්ෂවත් ලෙස පැවැත්වීමට හැකි වී ඇති බව පසුගිය දිනවල මහජනතාවගේ විවිධ ක්රිය
දේශපාලනය “ගරු සේවයක්” බවට පත්ව තිබූ යුගයක් අතීතයේ තිබිණි. උපයා ගෙන තිබූ වත්කම්ද මහජන සේවයට කැප කළ එම ගරු කටයුතු මහජන නියෝජිතයා සරල අල්පේච්ඡ ජීවිතයක් ග
ශ්රී ලංකාව මුල්වරට විදේශ ණය ගෙවීම තාවකාලිකව අත්හිටුවන බව 2022 අප්රේල් 12 වැනි දින ශ්රී ලංකා මහ බැංකුව නිවේදනය කළේය. ඒත් සමගම ශ්රී ලංකාව බංකොලොත් රටක් බ
ජෙනරාල් සර් ජෝන් කොතලාවල ආරක්ෂක විශ්වවිද්යාලයේ වෛද්ය පීඨයේ වෛද්ය උපාධිය සඳහා මෙරට ශිෂ්යයන්ට මුදල් ගෙවා ඇතුළුවීමට පහසුකම් සැලසීම සඳහා වන යෝජනාව
ලෝකායන විද්යාව අනුව ලංකාවට අයත්වෙන්නේ කුම්භ ලග්නයයි. 2024 අලුත් අවුරුදු ආරම්භය සිදුවී එක් සූර්ය මාසයක් ගතවීමට පෙරාතුව මෙතෙක් පැවති ලංකාවේ ග්රහචාරය ද
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
නොමියෙන නමක් තියා ගිය පතී
Sanath Kandy Monday, 29 January 2018 09:30 AM
ආචාර්ය ලෙස්ටර් ජේම්ස් පීරිස්ගෙන් පසු මෙරට බිහිවූ විශිෂ්ඨතම සිනමාවේදීයා ඔහුයි. 70 දශකය, සිංහල සිනමාවේ ස්වර්ණමය යුගය බවට පත් කළේ පතිරාජයන් ඇතුළු වම් ඉවුරේ සිනමාකරුවන් විසිනුයි. පුහු ජාතිවාදී දේශපාලන චරිතයක සැබෑ ජාතිකත්වය ප්රශ්න කරමින් ඔහු නිර්මණය කළ කඩුල්ල අදටත් මෙරට බිහිවූ උසස්ම ටෙලි නාට්යය ලෙස සැළකේ. ගෞරවනීය දම් රද පුතණුවණි, ඔබට සුබ ගමන්...
chaminda Saturday, 03 February 2018 04:13 AM
ඇයි මල්ලි අපිට බැරිවුනේ අපේ වත්තේ කුඹුක් ගහක් හිටවාගන්න? අයියා කෙසේ වෙතත් මල්ලී නම් පරිසරය රකින හැටි අපි දන්නවා. කෙසේනමුත් සිනමාව සම්බන්ධයෙන් පති මහත්තයා විශිෂ්ඨයෙක්...