නිවර්තන වනාන්තරවල සිදුකරන ශාක හෙළීම් හේතුවෙන් ඒවායේ වෙසෙන සත්ත්ව විශේෂවලට දැඩි බලපෑමක් සිදුවන බවත් කිරි බී වැඩෙන සතුන් හෙවත් ක්ෂීරපායී සතුන් සහ උභයජීවීන් මේ අතරින් වඩාත් අවදානමට ලක්වන බවත් පර්යේෂකයෝ කියති.

ඔවුන් මේ බව ප්‍රකාශ කරන්නේ ලෝකයේ විවිධ රටවල පර්යේෂකයන් විසින් සිදුකළ සමීක්ෂණ වාර්තා 50ක දත්ත පදනම් කරගනිමිනි.

මෙහිදී පෙනීගොස් ඇත්තේ වනාන්තර හෙක්ටයාරයකින් විශාල ගස් තුනක් හෝ හතරක් වැනි ඉතා සුළු ප්‍රමාණයක් හෙවත් ඝන මීටර 38ක ප්‍රමාණයක වපසරියක ගස් කපා දැමුවහොත් එහි සිටින ක්ෂීරපායී සත්ත්ව විශේෂ ප්‍රමාණය අඩකින් අඩුවන බවයි. එසේම වනාන්තර හෙක්ටයාරයක ගස් හයක් හෝ හතක් හෙවත් ඝන මීටර 63ක පමණ ප්‍රමාණයක් හෙළිපෙහෙළි කළහොත් එහි සිටින උභයජීවීන්ගේ ප්‍රමාණය ද අඩකින් අඩුවන බව පර්යේෂකයෝ කියති.

මෙවැනි ශාක විනාශ කිරීම් වනාන්තරයේ සිටින සියලු ජීවීන්ට බලපාන්නේ අහිතකර අයුරිනි.