වසර මිලියන 152කට පෙර ජීවත් වී වඳවී ගිය බව කියන මුහුදු උරගයෙකුගේ ෆොසිලයක් ඉන්දියාවෙන් සොයාගැනීමට විද්‍යාඥයින් පිරිසත් සමත් වී ඇතැයි වාර්තා වේ.

ඉන්දියාවේ බටහිර ගුජරාටි ප්‍රාන්තයේ කුච් දිස්ත්‍රික්කයෙන් මෙම ෆොසිලය හමුවී ඇති අතර මෙම වර්ගයේ මුහුදු උරගයෙකුගේ ෆොසිලයක් ඉන්දියාවෙන් හමුවූ ප්‍රථම අවස්ථාව මෙය බව පැවසේ.

දෙවන භූගෝල යුගය හෙවත් මිසසොයික යුගයට අයත් ගල්ගුහාවක තිබී මෙය හමුවී ඇත.

මෙම ගවේෂණය කළ මහාචාර්ය ගන්ට්පාලී ප්‍රසාද් මහතා පවසන්නේ මෙය මීටර් 5.5ක දිගකින් යුතු සම්පූර්ණ ෆොසිලයක් වන බවයි. හිස්කබලේ අස්ථි කිහිපයක් සහ වලිගයේ අස්ථි කිහිපයක් පමණක් දක්නට නොලැබෙන බව ඒ මහතා වැඩිදුරටත් පවසයි.

මෙම ෆොසිලය හමුවීමත් සමග ඩයිනෝසර් යුගය සම්බන්ධව අනාවරණය නොවූ බොහෝ තොරතුරු සොයා ගැනීමට හැකියාව ලැබෙනු ඇතැයි විද්‍යාඥයෝ විශ්වාස කරති.

(බීබිසි පුවත් ඇසුරිණි - 085)