(ගයාන් සූරියආරච්චි)

රිවස් ගියරයක් සහිත ඉලෙක්ටි‍්‍රක් ස්මාර්ට් යතුරුපැදියක් ළඟදීම වෙළෙඳපොළට රැගෙන ඒමට බලාපොරොත්තු වන බව මෝටර් රථ නිෂ්පාදනයේ දැවැන්තයකු වන බී.එම්.ඩබ්ලිව්. සමාගම පවසයි.

‘ බී.එම්.ඩබ්ලිව්. මොටෝරාඞ් කන්සෙප්ට් ලින්ක්’ ලෙස මෙම යතුරුපැදිය හඳුන්වන අතර අති විශේෂිත බැටරි ඇසුරුමකින් සමන්විතවේ. සංවේදක තිරයක් සහිත ඩෑෂ් බෝඩයක් මෙහි නිර්මාණය කර ඇත. යතුරුපැදිය පදවන්නා සෘජුවම ඔන්ලයින් කැලැන්ඩරයට සම්බන්ධ කළ හැකි අතර එමගින් පදවන්නාට ගමන් කිරීමට අවශ්‍ය ස්ථානය යතුරුපැදිය නිතර අවබෝධයෙන් සිටී. 

මෙම යතුරුපැදියේ ආසනය ධාවකයාට අවශ්‍ය පරිදි ස්වයංක‍්‍රීයව සකසා ගැනීමේ හැකියාව ඇත. මෙය ඉතා වේගවත් යතුරුපැදියක් බව පවසන සමාගම එහි වේගය පිළිබඳව වැඩි විස්තර දැනට මාධ්‍යවෙත ලබා නොදෙන බව පැවැසේ. මෙය සාම්ප‍්‍රදායක යතුරුපැදිවලින් වෙනස්ම ආකාරයේ හැඩයකින් යුතු යතුරු පැදියකි.

(ඩේලි මේල් ඇසුරෙනි)