ඩයිනෝසර් යුගයට නෑකම් කියන අතිශය  දුර්ලභ මෝර වර්ගයේ සත්ත්වයකු පෘතුග්‍රිසි විද්‍යාඥයින් පිරිසක් විසින් සොයාගෙන ඇතැයි වාර්තා වේ.
 
පෘතුග්‍රිසියේ ඇල්ගාව් මුහුදු තීරයේ මීටර් 700ක් පමණ ගැඹුරින් ට්‍රොලර් යාත්‍රාවක පැටලී සිටියදී මෙම සත්ත්වයා හමුවී ඇත.
 
මෙම සත්ත්වයා අවුරුදු මිලියන 80ක පමණ කාලයක සිට පැවතගෙන​ එන බැවින්  සාගර විද්‍යාඥයින් විසින් ජීවී පොසිලයක් ලෙස හඳුන්වා ඇත. ලොකයේ මෙවැනි විශේෂ කිහිපයක් පමණක් හමුවන බවද විද්‍යාඥයින් පවසති.
 
සිහින් දිගු සර්පයෙකුගේ වැනි ශරීරයකින් සමන්විත මෙම සතා පිරිමි සතෙකු වන අතර මීටර් ‍1.5 ක් දිගකින් යුක්ත වේ. කෙසේ වුවද විද්‍යාඥයින් පවසන්නේ මෙවැනි සතුන්ගේ ජීව විද්‍යාත්මක දත්ත සහ පරිසර සාධක සම්බන්ධව තවමත් අධ්‍යනය කර ඇත්තේ ඉතා සුළු වශයෙන් බවයි.
 
ජපානයේ , නවසීලන්තයේ , අත්ලාන්තික් සාගරයේ ගැඹුරු මුහුදේ වෙසෙන බැවින් මොවුන් සම්බන්ධව අධ්‍යනය කිරීම පහසු නොවන බවද ඔවුහු පවසති.
 
(බීබීසි ඇසුරිණි - 085)