එක් සියදිවි නසා ගැනිමකින් තවත් පුද්ගලයින් විසි දෙනෙක් සියදිවි නසා ගැනීමට පොළඹවන බව සමීක්ෂණයකින් අනාවරණය කරගෙන ඇති බව ශ්‍රී ලංකා සුමිත්‍රයෝ සංවිධානයේ සභාපති කුමුදුනී ද සිල්වා මහත්මිය පවසන්නීය.
 
මේ මස 10 දා ට යෙදෙන ලෝක සියදිවි හානි වැළැක්වීමේ දිනය වෙනුවෙන් කොළඹ හෝටන් පෙදෙස ශ්‍රී ලංකා සුමිත්‍රයෝ මුලස්ථානයේ පැවති වැඩමුළුවකට එක්වෙමන් කුමුදුනී මහත්මිය මේබව ප්‍රකාශ කළාය.
 
‘ඔබේ දිවියේ වෙනසක් දකින්න - මිනිත්කුවක් වෙන් කරන්න‘ මෙවර ලෝක සියදිවි හානි වැළැක්වීමේ දිනයේ තේමාව වී ඇත.
 
සැම වසරකම සිය දිවි හානිකරගැනීම හේතුවෙන් ලෝකය තුළ ලක්ෂ 08 – 10 අතර පිරිසක් ජීවිතය අහිමිකරගන්නා අතර සැම තත්පර 40 ට වරක්ම ලෝකයේ කොතැනක හෝ එක් සිය දිවි හානිකරගැනීමක් සිදුවන බවද කුමුදුනී මහත්මිය ප්‍රකාශ කළාය.
 
1995 වන විට ශ්‍රීලංකාව සිය දිවි නසා ගැනීම  අතින් ලොව ප්‍රථම ස්ථානයේ සිටි අතර මේවනවිට ශ්‍රී ලංකාව 04 වැනි ස්ථානයට පත්ව ඇති බවත් එසේවුවද එය සතුටුවිය හැකි මට්ටමක් නොවන බවත්  සභාපතිවරිය කීවාය.
 
 044