නවසීලන්තයේ සාවුන් මර්දනයට වෛරසයක්

කරදරකාරී ලෙස වැඩිවන සාවුන්ගේ ගහනය පාලනය කිරීම සඳහා වෛරසයක් හඳුන්වා දීමට නවසීලන්තය සැලසුම් කර ඇතැයි වාර්තා වේ.

රටේ සමහර ප්‍රදේශ වල වසංගතයක් ලෙස සාවුන් වැඩිවන්නට පටන්ගෙන ඇති අතර "රැබිට් හිම්මරොජික් ඩිසීස් වෛරස්" ලෙස නම්කර ඇති මෙම වෛරසය මාර්තු මාසයේ එම ප්‍රදේශ වලට නිදහස් කිරීමට බලාපොරොත්තු වන බව බලධාරීහු පවසති.

කෘෂිකර්මාන්තයේ යෙදෙන්නන් මෙම ක්‍රියාව අගය කලද බොහෝදෙනකු මේ සම්බන්දව විරුද්ධත්වය පල කර ඇත්තේ සුරතල් සතකු වන සාවාට මෙයින් උපද්‍රවයක් ඇතිවෙයැයි සැක පල කරමිනි.

1930 වර්ෂයේ නවසීලන්තයට මෙම සාවුන් හඳුන්වා දී ඇති අතර තෘණ භූමි උලා කෑමෙන් හා වගා බිම්වල බෙන හෑරීමෙන් කෘෂිකාර්මික ක්ෂේත්‍රයට කරදරකාරී සතකු බවට පත්වී ඇත. මේ හේතුවෙන් වාර්ෂිකව බොහෝ පාඩු සිදුවන අතර මොවුන් මර්දනය කිරීම සඳහා ද රජයට විශාල මුදලක් දැරීමට සිදුවී ඇත.

වෙඩි තැබීම, වස දැමීම, වැටවල් ගැසීම වැනි ක්‍රම සාවුන් මර්දනය කිරීමට යොදා ගත්තද වැඩිවන ගහනය හමුවේ ඒවා නිශ්පල ක්‍රියාවන් බවට පත්වී ඇතැයි රජය පවසයි.

අනෙක් සතුන්ට මෙම වෛරසයේ බලපෑමක් නැති අතර මෙය ශරීර ගතවී දින කිහිපයකින් සාවුන් මරණයට පත්වන බව සඳහන් වේ.

(බීබිසි ඇසුරිණි - 085)

අදහස් (11)

නවසීලන්තයේ සාවුන් මර්දනයට වෛරසයක්

Gihan Thursday, 01 March 2018 02:04 AM

ඔය වෛරස් එක හාවුන් තුල වර්ධනය වෙලා මිනිස්සු සහ අනෙක් සතුන්ටත් බලපාන ලෙස අනුවර්ථනය වෙනවාමයි. එතකොට සොරිම තමා. මේවා මෝඩ තීරණ.

: 12 116

samFriday, 02 March 2018 11:00 PM

ගිහාන්, ඔබ කියන දේ මතභේදාත්මකයි. වෛරස් භාවිතයෙන් සාවුන් මැරීම 1950 පමණ සිට (මික්සෝමා වෛරසය) ඕස්ට්‍රේලියාවේ සිදු කෙරෙනවා. සාවුන් එයට ප්‍රතිරෝධයක් වර්ධනය කරගත් නිසා 1995 දී වැඩිදියුණු කල වෛරසයක් නිකුත් කළා. එයින් සාවුන් මිලියන හයසීයක් පමණ මියගියා. නමුත් එය කිසිම ආහාර දාමයකට ඇතුළු වී (ඕස්ට්‍රේලියාවේ සාවුන්ට විලෝපිකයන් වෙන්නේ ඩින්ගෝ නම් බල්ලන් පමණයි). වෙනත් සතුන්ට හෝ මිනිසුන්ට (මේ දක්වා, එනම් වසර විසි තුනකදී) පැතිරුණේ නැහැ.

: 1 88

thejTuesday, 13 March 2018 07:58 AM

මේ වගේ අනිත් අයව දැනුවත් කරන දේවල් පොස්ට් කරන එක හරිම හොද වැඩක් . ස්තුතියි ඔබතුමාට..............

: 0 2

ravi Friday, 02 March 2018 04:09 AM

ඔය ක්‍රමය මිට කලින් ඕස්ට්‍රේලියාවේ කලා, ඒගොල්ල සාර්ථක ප්‍රතිපල ලබාගෙන තියෙනවා

: 0 16

kamal Friday, 02 March 2018 11:24 AM

ඒ කියන්නේ ලඟදීම අපේ සුපිරි වෙළද සැලවල්වල ප්‍රොමෝෂන් හා මස් බලාපොරොත්තු වන්න.

: 33 237

සෙනෙවි Friday, 02 March 2018 12:48 PM

මේක නම් මහා පහත් වැඩක්...

: 39 303

U Siriwardane Saturday, 03 March 2018 06:27 AM

මේ රට ගවයින්, බැටළුවන් පාලනයට ප්‍රසිද්‍ධයි. මේ රටේ සත්ත්ව පාලනයට එකතු වූ තවත් එක් මානව බලපෑමක් පමණයි මේ විස්තර කරන්නේ.

: 0 10

Mahee Tuesday, 06 March 2018 03:05 PM

නවසීලන්තයේ කෘෂිකර්මාන්තය ඔවුන් පණ වගේ ආරක්ෂා කරන දෙයක්. ඒකත් එක්ක ඔවුන් අනික් දේවල් පටලවාගන්නේ නැහැ. අපි නම් අයාලේ යන අය නිසා මැරෙන දරුවන් ගැන හිතනවට වඩා අයාලේ යන සුනඛයින් ගැන හිතනවනේ.

: 0 39

dilip Wednesday, 07 March 2018 07:41 AM

ඒකට මෙහෙ රිලව් ඌරෝ සේරම වගා විනාශ කරනවා, ගොවියා රජ වෙලාලු ඉන්නේ ....?

: 0 32

hasantha Thursday, 08 March 2018 04:19 PM

අපේ පැත්තේ රිලව් බෝවෙලා හරිම වදේ. ගහක ගෙඩියක් තියාගන්න නෑ. ඔක්කොම විනාස කරලා අන්තිමේට ගෙවල් වලට පනින තත්වෙටත් ඇවිල්ල. පොල් ගස් තියෙන අපි දැන් පොල් ගන්නෙත් කඩෙන්. කාට පැමිණිලි කලත් වැඩක් උනේ නෑ. මහජන මුදල් වලින් යැපෙන නිලධාරීන්ගේ අලස බව හරිම පිළිකුල් සහගතයි.

: 0 8

අචලා Friday, 09 March 2018 06:56 AM

අපි ඔය වගේ දෙයක් කරා නම් සත්ව අයිතීන් කඩවෙනවා කියලා කෑගහයි. ඒ ගොල්ලන්ට තමයි හොද මානව හිමිකමුයි, සත්ව අයිතීනුයි කඩන්න.

: 1 15

ඔබේ අදහස් එවන්න

නැණ කොසුව

මල් වලට මීමැස්සන්ගේ ශබ්දයට සවන්දීමේ හැකියාවක්

2018 දෙසැම්බර් මස 31 2273 1

මල් වලට මීමැස්සන්ගේ ශබ්දයට සවන්දීමේ හැකියාව පවතින බව ඊශ්‍රායල විද්‍යාඥයින් පිරිසක් විසින් සිදු කරන ලද පර්යේෂණයකින් අනාවරණය වී ඇත.

විද්‍යා ලෝකයේ විශ්මිත සොයා ගැනීමක්

2018 දෙසැම්බර් මස 03 2151 0

විද්‍යා ලෝකය මවිත කරමින් මකුළුවන් අතර ද කිරිදෙන අම්මලා සිටින බව චීනයේ දී කළ පර්යේෂණයකින් අනාවරණය වී ඇත.

පදවන්නෙකු නැති යතුරු පැදියක්

2018 සැප්තැම්බර් මස 14 6058 3

පදවන්නෙකු නොමැතිව ධාවනය කර හැකි යතුරු පැදියක් බී එම් ඩබ්ලිව් ආයතනය මඟින් හදුන්වා දී තිබේ. පර්යේක්ෂකයෝ මෙමගින් මාර්ග අනතුරු අවම කරගැනීමට අපේක්ෂා කරති.

ගූගල් සම නිර්මාතෘගෙන් පියාඹන මෝටර් තැනීමේ ව්‍යාපෘතියක්

2018 ජුනි මස 12 7110 1

ලොව ප්‍රකට ගූගල් වෙබ් අඩවියේ සම නිර්මාතෘවරයෙකු වන ලැරී පේජ්ගේ මූලිකත්වයෙන් ආරම්භ වූ පියාඹන මෝටර් රථ තැනීමේ ව්‍යාපෘතිය මේ වන විට සාර්ථක වෙමින් පවතින බ

ප්ලූටෝ මත මිදුණු මීතේන් ඇතැයි විද්‍යාඥයෝ පවසති

2018 ජුනි මස 01 3521 2

ප්ලූටෝ ග්‍රහයා මත අයිස් බවට පත්වුණු මීතේන් තිබෙන බවට සාක්ෂි ලැබී ඇතැයි විද්‍යාඥයෝ පවසති. සයන්ස් ජර්නල් සඟරාවේ පල කර ඇති මෙම පර්යේෂණ තොරතුරු මගින් හෙළි

ලුණු ජලයෙන් දිරාපත්වන බෝතලයක්

2018 මැයි මස 25 4211 1

ඩර්හම් සරසවියේ රසායන විද්‍යා උපාධිධාරියෙකු වන 27 හැවිරිදි ජේම්ස් ලොන්ක්‍රොෆ්ට් විසින් සති තුනක් තුළ ලුණු ජලයෙන් දිරාපත් වන බෝතලයක් නිපදවා තිබේ.