2011, 2012 වගේ කාලයේ එක්සත් ජාතික පක්ෂ නායක රනිල් වික්රමසිංහ දකුණේ දේශපාලනය කිරීම වගේම උතුරේ දේශපාලන ක්රියාකාරකම්වලටත් නිතර නිතර මැදිහත් වෙන්න උනන්දු වුණා. මහින්ද රාජපක්ෂට යුද ජයග්රහණයත් එක්ක ඇදී යන ආකර්ෂනය නැවත එක්සත් ජාතික පක්ෂය වෙතට ළඟා කර ගැනීම තමයි මේකෙ ප්රධාන අරමුණ වුණේ. දකුණේ දී මහින්ද රාජපක්ෂට යුද ජයග්රහණය නිසා ලැබුණු ආකර්ෂණය තරම් එකක් උතුරේ දී ලැබුණේ නෑ කියලා මතයක් තිබුණා.
යුද්ධයේ දී පීඩාවට පත්වුණු අයට යුද්ධයෙන් පස්සෙවත් ආණ්ඩුවෙන් ඒ හැටි අවධානයක් නොලැබීම ඒකට හේතු වුණා. ඒ අවස්ථාව තමයි රනිල් වික්රමසිංහ අරගන්න උත්සාහ කළේ. අපි උතුරු - නැගෙනහිර පළාත්වල කරපු සංචාරවලදී අපට තේරුණා ඒ ප්රදේශවල ජනතාව ඒ වෙන කොටත් බිඳුණු මානසිකත්වයෙන් හිටපු බව. ඉතිං අපි කල්පනා කළා මේ අවස්ථාව ප්රයෝජනයට අරගෙන ඒ ජනතාවට වැඩි වැඩියෙන් සමීප වෙන්න ඕනෑ කියලා රනිල් වික්රමසිංහ ඉලක්ක කළේ ඊළඟ ජනාධිපතිවරණයට යද්දි මේ උතුරු - නැගෙනහිර ඡන්ද ඉතාම තීරණාත්මක වෙයි කියලා.
මේ නිසා උතුරු - නැගෙනහිර ප්රදේශවල ජනතාවට සමීප වෙන්න පුළුවන් තෝරාගත් වැඩසටහන් සැලසුම් කරන්න කියලා රනිල් වික්රමසිංහ නායකතුමා මටත් උපදෙස් දුන්නා.
අපි විවිධ වැඩසටහන් සැලසුම් කරලා ඒවා ඒ ප්රදේශවල සංවිධානය කළා. ජනතා හමුවීම්, දේශපාලන ව්යාපාර, ප්රජා සත්කාර සේවා ආදී නොයෙක් දේවල් සංවිධානය කරන්න අපිට පුළුවන්කම ලැබුණා.
මේ අතරේ එක්සත් ජාතික පක්ෂයේ ප්රධාන පෙළේ ක්රියාකාරිකයෙක් අපිට අහිමිවීම අමතක කරන්නම බැරි සිදුවීමක්. ඒ තමයි දොස්තර ජයලත් ජයවර්ධන. එක්සත් ජාතික පක්ෂයේ ඉඳපු සුවිශේෂ චරිතයක් තමයි ජයලත් ජයවර්ධන කියන්නේ. පක්ෂයේ හැමෝම එක්ක ඉතාම සුහද ගනුදෙනුවක් තමයි ජයලත්ට තිබුණේ. මධ්යම සිවිල් සමාජය, ජාත්යන්තර සංවිධාන, මානව හිමිකම් පිළිබඳ සංවිධාන, දෙමළ ඩයස් පෝරාව වගේ කණ්ඩායම් එක්ක ජයලත් ජයවර්ධනට තිබුණේ ශක්තිමත් ගනුදෙනුවක්. මේ නිසාම ජයලත් විවිධ චෝදනාවලට පවා ලක්වුණා.
ජයලත් එක්සත් ජාතික පක්ෂයේ මන්ත්රීවරයෙක් මෙන්ම කලින් ඉඳලම පක්ෂයේ තරුණ පෙරමුණේ ක්රියාකාරී කෙනෙක්. එතෙන් දී ජයලත් මාත් එක්කත් සමීපව කටයුතු කළා. ජයලත් පාර්ලිමේන්තුව නියෝජනය කරන්න කලින් ඉඳලා ජනාධිපති ප්රේමදාසගේ සහ ජනාධිපති විජේතුංගගේ වෛද්යවරයා විදියට කටයුතු කළා. ඒ නිසාම පක්ෂය ඇතුළේ එදා ඉඳලම ජයලත් ජනප්රිය චරිතයක් වුණා.
1994 පාර්ලිමේන්තු මැතිවරණයේ දී ජයලත් ජයවර්ධන ජාතික ලැයිස්තුවෙන් පාර්ලිමේන්තු මන්ත්රීවරයෙක් විදියට තේරී පත් වුණා. ඊට පස්සේ තිබුණු හැම මැතිවරණයකදීම ඔහු තරඟ කරලා ජයග්රහණය කළා. ජයලත්ගේ විශේෂත්වය වුණේ මොනතරම් විවේචන එල්ල වුණත් තමන් පෙනී සිටිය මතය වෙනුවෙන් නොවෙනස්ව පෙනී ඉඳපු එක. ජයලත් උතුරේ ජනතාව වෙනුවෙන් කතා කළා බොහෝ අවස්ථාවල. ඒ වෙනුවෙන් පෙනී සිටිමින් වැඩ කටයුතු දෙකක් කළා. ඒ කාලේ පැවති චන්ද්රිකාගේ ආණ්ඩුවෙන් සහ රාජපක්ෂ ආණ්ඩුවෙන් බරපතළ චෝදනා එල්ල වෙද්දිත් ජයලත් තමන් කරපු වැඩ කටයුතු නැවැත්තුවේවත් අතහැරියේවත් නෑ.
ජයලත් ජයවර්ධනගේ සුවිශේෂිකත්වය තමයි ජාත්යන්තර මානව හිමිකම් සංවිධාන සමඟ තිබුණු සම්බන්ධතාව නිසාම පස්සෙ කාලෙක එක්සත් ජාතික පක්ෂයේ නියෝජ්ය ලේකම්වරයා හැටියට පත්වුණාම ඔහුට පැවරුණේ මානව හිමිකම් පිළිබඳ ක්රියාකිරීමේ වගකීම, රටේ මානව හිමිකම් වගේම පාර්ලිමේන්තු මන්ත්රීවරුන්ගේ අයිතිවාසිකම් කඩවීම්වලදීත් ඒවා ජාත්යන්තරයට අරගෙන යන්න ජයලත් නිතර කටයුතු කළා.
උතුරු - නැගෙනහිර සරණාගත පුද්ගලයින් පිළිබඳවත් ඔහු අවධානය යොමු කළා. ඒ ප්රදේශවල සයිරන් නලා බෙදා දීමේ කටයුතු ඇතුළු විවිධ වැඩ ක්රියාත්මක කළා. යුද්දෙ පැවැතුණු කාලෙත් නිතර නිතර උතුරු - නැගෙනහිර ප්රදේශවල ජයලත් සංචාරය කළා. උපතින් කතෝලික ලබ්ධිකයෙක් වුණත් ජයලත් උතුරු - නැගෙනහිර ප්රදේශයේ පන්සල් සංවර්ධනය කිරීමේ කටයුතුවලට ලොකු දායකත්වයක් දුන්නු කෙනෙක්. මේ වගේ වැඩ කටයුතු රාශියකට උනන්දුවෙන් මැදිහත් වුණු නිසාම ජයලත් ජයවර්ධන රටේම ජනප්රිය දේශපාලන චරිතයක් වුණා.
තව කොටසක් ලබන සතියට.
ප්රියන්ත කොඩිප්පිලි
අද ලංකාවේ හැමදාම හැම තැනම විවිධ ඉල්ලීම් දිනා ගැනීම සඳහා පොදු ජනතාව මෙන්ම රාජ්ය සේවකයින් ද වැඩ වර්ජන හා උද්ඝෝෂණ පවත්වති. ඔවුන්ගේ මේ උද්ඝෝෂණ වලින් වැඩි
මිත්රවරුනි දේශපාලනය සඳහා තිබිය යුතු ලොකුම සුදුසුකම් දෙක තමයි බුද්ධිය හා අත්දැකීම්. හොරුන්ට මැරයන්ට දේශපාලනය කරන්න බෑ. මේ පාර යටියන්තොට ආසනේට පෙරේරල
දෙමළ ඊළාම් විමුක්ති කොටි සංවිධානය (LTTE) විමුක්තිය උදාකර ගැනීම සඳහා තෝරා ගෙන තිබුණු ඝාතන සංස්කෘතියේ පළමු බිල්ල වූයේ දෙමළ ජාතිකයෙකි. ඔහු එවකට අගමැතිනි සි
ලංකාවේ දෙවැනි අගමැති ඔහුය. ඔහුගේ පියා ලංකාවේ ප්රථම අගමැතිය. ඔහු තුන් වරක් ලංකාවේ අගමැති ධුරය හෙබවූවේය. 1911 වසරේ ඉපදී 1973 දී එනම් 62 හැවිරිදි වියේදී මියගිය ත
කුල භේදය සම්බන්ධයෙන් උගුරට හොරා බෙහෙත් බීමේ ප්රතිපත්තියක් අනුගමනය කළ ජෝන් කොතලාවලට තවත් වරක් අපූරු ඇබැද්දියක් සිදුව තිබේ. වරක් ඔහුට ආධාර කළ උසස් යැය
පසුගිය නොවැම්බර මස 16 වැනිදා පැවැති ජනාධිපතිවරණයෙන් ගෝඨාභය රාජපක්ෂ මහතා ජයග්රහණය ලැබීමෙන් පසුව මහින්ද රාජපක්ෂ මහතා අගමැති ධුරයට පත්කර රජයක් පිහිට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මිතුරකුගේ අකල් සමුගැන්ම