අගමැතිවරයෙකු හෝ අගමැතිවරියකගේ ඩඩොක්කුවට (උකුලට) වමනය දැමීම බලවත් වරදකි. ලෝකයම පිළිගත් පාලකයෙකුට මෙවැන්නක් සිදුකිරීම බෙල්ලට තොණ්ඩුව නොව බෙල්ල ගහලා යන වැඩකි. මෙවැන්නක් ගුවනේදී සිදුවීම මහා ජංජාලයකි.
මා මේ ලියන්නට යන්නේ මීට වසර 30කට පෙර ශ්රී ලංකාවේ අහස් තලයේ සිදුවූ එක්තරා සිද්ධියක් ගැනය. මෙය සිදුවන විට “පයිලට්” හැරෙන්නට හෙලිකොප්ටරය තුළ හතර දෙනෙක් සිටියහ. ඉන් දෙදෙනෙකු මාධ්යවේදීන්ය. අනිත් දෙදෙනා ශ්රී ලංකාවේ මුල් පුටුවට තේරී පත්වූවන්ය. කොටින්ම කියනවා නම් ශ්රී ලංකාවේ පාලන තන්ත්රය සියතට ගත් දෙදෙනෙකි.
මේ පාලකයින් දෙදෙනාගෙන් එක් අයෙක් ලංකාවේ අගමැති ධුරයට තුන් වරක්ම තේරී පත්වූහ. ඒ සිරිමාවෝ බණ්ඩාරනායක මැතිනියයි. අනිත් තැනැත්තා 2015 දී අගමැති තනතුරටත් ඉහළ ධුරය වූ විධායක ජනාධිපති තනතුරට පත් මෛත්රිපාල සිරිසේනය. ඇය ලෝකයේ ප්රථම අගමැතිවරියයි. ඔහු ශ්රී ලංකාවේ හත්වැනි විධායක ජනාධිපතියි.
පොළොන්නරුවේ රැස්වීමක් ඇමතීමට සිරිමාවෝ මැතිනිය ගියේ හෙලිකොප්ටරයකිනි. මෙම රැස්වීම සංවිධානය කර තිබුණේ රජයේ සේවයෙන් ඉවත් වී දේශපාලනයට පිවිසි මෛත්රීය. මැතිනිය සමග මෙදින පොළොන්නරුවට පැමිණියේ මාධ්යවේදීන් දෙදෙනෙකි. එක් අයෙක් ගුවන් විදුලියේ අමරබන්දු රූපසිංහය. අනිත් තැනැත්තා ඡායාරූප ශිල්පී එඞ්වින් වීරසිංහය.
පොළොන්නරුවේ රැස්වීම පවත්වද්දී අමරබන්දු රූපසිංහ මදු විතෙන් හොඳටම සප්පායම් වී සිටියේය. රැස්වීම අවසන් වීමෙන් පසු සිරිමාවෝ මැතිනිය කන්තලේ පවත්වන තවත් රැස්වීමකට යාම සඳහා පැමිණෙන ලෙස මෛත්රිපාල සිරිසේනයන්ට පැවසුවාය. මේ අනුව අමරබන්දු සහ වීරසිංහ ද සමඟ ඔවුහු හෙලිකොප්ටරයෙන් කන්තලේ බලා පිටත් වූහ.
විනාඩි 20ක පමණ කාලසීමාවක් ඇතුළත හෙලිකොප්ටරය තුළ ගුවනේදී සිරිමාවෝ මැතිනිය සහ මෛත්රි කතා කළේ ජේ. ආර්. ගේ ආණ්ඩුව පෙරළන එක ගැනය. මේ දේශපාලන කතා සිදුවෙද්දී හෙලිකොප්ටරය තද සුළං පහරකට හසුවී ගැස්සුණේය. දවල් තරු බලමින් සිටි අමරබන්දු රූපසිංහ පැද්දී දෙකට නැවී සිරිමාවෝ මැතිනියගේ ඔඩොක්කුවට වමනය දමන්නට පටන් ගත්තේය. මුළු හෙලිකොප්ටරය පුරාම අරක්කු සහ වමන ගඳ පැතිරුණේය. සිරිමාවෝ මැතිනියගේ මුළු සාරියම වමනෙන් පිරී ගියේය.
ඉන්පසු හෙලිකොප්ටරය තුළ සිදුවූ වචන හුවමාරු පිළිබඳ විස්තර මෙම සටහනට ඇතුළත් නොකරමි. හෙලිකොප්ටරය කන්තලේ ගොඩ බැස්ස විට සිරිමාවෝ මැතිනියට සිදුවූයේ නිවසකට ගොස් සුද්ධ පවිත්ර වී ඇඳුම් මාරු කරගෙන රැස්වීමට යාමටය.
මෙම සිද්ධියෙන් පසුවද මැතිනිය අමරබන්දු සමඟ අමනාප නොවූවාය. ඔහුට ශ්රීලනිප ප්රකාශනය වූ “දිනකර” පත්රයේ සංස්කරණ කටයුතු ද බාර දුන්නාය. අමරබන්දු ගුවන්විදුලියේ තම මිතුරන් සමඟ අහසේදී මෙම කබරයා (වමනය) දැමීමේ සිද්ධිය නිතරම කියමින් ඔවුන් හිනැස්සුවේය.
අමරබන්දු රූපසිංහ ගුවන් විදුලි නිවේදකයෙකු, ප්රවෘත්ති සංස්කාරකවරයෙකු, පුවත්පත් කතුවරයෙකු හා කථිකයෙකු වශයෙන් උපන් හපන්කම් දැක්වූ අයෙකි. 1972 සිට 1977 දක්වා මා ගුවන්විදුලියේ ප්රවෘත්ති අංශයේ සේවය කළ නිසා ඔහු සමඟ කිට්ටු ඇසුරක් පැවැත්වීමට අවස්ථාව ලැබිණි. ඔහු ගුවන් විදුලි ප්රවෘත්ති ප්රකාශය ඉදිරිපත් කළ ආකාරය අති විශිෂ්ටය. ඔහු කිසිදාක තම දේශපාලන ප්රතිපත්ති වෙනස් නොකළ මාධ්යවේදියෙකි. ඔහු අකාලයේ මියගොස් දීර්ඝ කාලයක් ගත වී ඇත. එදා හෙලිකොප්ටරයේ ගිය ඡායාරූප ශිල්පී වීරසිංහ ගුවනින් යාපනයට යද්දී කලකට පෙර කොටි ප්රහාරයකට හසු වී ගුවනේදීම අවසන් හුස්ම හෙළුවේය.
දැන් ගුවනින් පොළොන්නරුවට යන විටදී “වමනය සිද්ධිය” මෛත්රි ජනපතිට සිහිපත් වනු ඇත. ඒ වනවිට මැදවච්චියේ මෛත්රිපාල සේනානායක සමඟ විරසක වී සිටි සිරිමාවෝ මැතිණිය පොළොන්නරුවේ මෛත්රිපාල සිරිසේන කරළියට ගෙන ඒමට ක්රියා කළාය. එම සිද්ධිය සිදුවී වසර 6කින් සිරිමාවෝ මැතිනිය තුන් වැනිවරටත් අගමැතිනිය බවට පත් වූවාය. ඉන් වසර 30ක් ගත වූ පසු මෛත්රිපාල සිරිසේන අගමැතිකම අබිබවා විධායක ජනාධිපති තනතුරට පත්වුණේය. මේ තරුණ ගැටයා අනාගතයේදී තම තනතුරත් අබිබවා යනු ඇතැයි සිරිමාවෝ රත්වත්තේ ඩයස් බණ්ඩාරනායක මැතිනිය එදා හෙලිකොප්ටරයේදී සිතන්නට නැත.
සිරී හීන්පැල්ල
නිව්යෝර්ක් නුවර සිට...
ඡායාරූපය : අන්තර්ජාලයෙනි
අද ලංකාවේ හැමදාම හැම තැනම විවිධ ඉල්ලීම් දිනා ගැනීම සඳහා පොදු ජනතාව මෙන්ම රාජ්ය සේවකයින් ද වැඩ වර්ජන හා උද්ඝෝෂණ පවත්වති. ඔවුන්ගේ මේ උද්ඝෝෂණ වලින් වැඩි
මිත්රවරුනි දේශපාලනය සඳහා තිබිය යුතු ලොකුම සුදුසුකම් දෙක තමයි බුද්ධිය හා අත්දැකීම්. හොරුන්ට මැරයන්ට දේශපාලනය කරන්න බෑ. මේ පාර යටියන්තොට ආසනේට පෙරේරල
දෙමළ ඊළාම් විමුක්ති කොටි සංවිධානය (LTTE) විමුක්තිය උදාකර ගැනීම සඳහා තෝරා ගෙන තිබුණු ඝාතන සංස්කෘතියේ පළමු බිල්ල වූයේ දෙමළ ජාතිකයෙකි. ඔහු එවකට අගමැතිනි සි
ලංකාවේ දෙවැනි අගමැති ඔහුය. ඔහුගේ පියා ලංකාවේ ප්රථම අගමැතිය. ඔහු තුන් වරක් ලංකාවේ අගමැති ධුරය හෙබවූවේය. 1911 වසරේ ඉපදී 1973 දී එනම් 62 හැවිරිදි වියේදී මියගිය ත
කුල භේදය සම්බන්ධයෙන් උගුරට හොරා බෙහෙත් බීමේ ප්රතිපත්තියක් අනුගමනය කළ ජෝන් කොතලාවලට තවත් වරක් අපූරු ඇබැද්දියක් සිදුව තිබේ. වරක් ඔහුට ආධාර කළ උසස් යැය
පසුගිය නොවැම්බර මස 16 වැනිදා පැවැති ජනාධිපතිවරණයෙන් ගෝඨාභය රාජපක්ෂ මහතා ජයග්රහණය ලැබීමෙන් පසුව මහින්ද රාජපක්ෂ මහතා අගමැති ධුරයට පත්කර රජයක් පිහිට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මැතිනියගේ ඔඩොක්කුවට වමනය කළ මාධ්යවේදියා