1960 ජූලි 20 වැනිදා මහ මැතිවරණයෙන් සිරිමාවෝ බණ්ඩාරනායක මැතිනියගේ නායකත්වයෙන් පිහිටුවනු ලැබූ ආණ්ඩුවට නියමිත කාලය ගෙවීමට නොහැකි වූයේ 1964 දෙසැම්බර් 03 වැනිදා පැවැති රාජාසන කතා ස්තුති යෝජනාව පරාජයට පත්වීම නිසා ආණ්ඩුව විසුරුවා හැරීමට සිදුවීම නිසාය. එයට හේතුව වූයේ ද ශ්රීලනිප පක්ෂ ආණ්ඩුවේම ඇමැතිවරයෙකු ප්රමුඛ මන්ත්රීවරුන් 14 දෙනෙකු රජයෙන් ඉවත් වී විපක්ෂයට යාමය.
එහි ප්රතිඵලයක් ලෙස 1964 දෙසැම්බර් 08 වැනිදා පාර්ලිමේන්තුව විසුරුවාහළ අතර, නාමයෝජනා ගැනීම 1965 ජනවාරි 11 වැනි දිනටත් මැතිවරණය පැවැත්වීමට මාර්තු 22 වැනි දිනටත් දින නියම විය. පාර්ලිමේන්තුවේ මංගල රැස්වීම 1965 අප්රේල් 05 වැනි දින ලෙස අග්රාණ්ඩුකාරවරයා දින නියම කරනු ලැබීය.
රාජාසන කතා ස්තුති යෝජනාවට විරුද්ධව ඡන්දය දුන් ඉඩම් වාර්මාර්ග හා විදුලිබල අමාත්ය පාර්ලිමේන්තුවේ සභානායක සී. පී. ද සිල්වා ප්රමුඛ මන්ත්රීන් පිරිස ශ්රී ලංකා නිදහස් සමාජවාදී පක්ෂය නමින් නව පක්ෂයක් ආරම්භ කර ඒ තුළින් මැතිවරණයට නාමයෝජනා භාර දෙන ලදී. එක්සත් ජාතික පක්ෂය එම පක්ෂයේ අපේක්ෂකයින් 10 දෙනකුට විරුද්ධව අපේක්ෂකයින් ඉදිරිපත් නොකර ඔවුනට සහාය දුන්හ.
මධ්යස්ථාන 32කදී අපේක්ෂකයින් 494ක් නාමයෝජනා දුන් අතර, දේශපාලන පක්ෂ නවයක් මැතිවරණ කොමසාරිස්වරයා පිළිගෙන තිබුණි.
1. එක්සත් ජාතික පක්ෂය
2. ශ්රී ලංකා නිදහස් පක්ෂය
3. ලංකා සමසමාජ පක්ෂය
4. ලංකා කොමියුනිස්ට් පක්ෂය
5. පෙඩරල් පක්ෂය
6. ද්රවිඩ සංගමය
7. මහජන එක්සත් පෙරමුණ
8. ජාතික විමුක්ති පෙරමුණ
9. විප්ලවකාරී ලංකා සමසමාජ පක්ෂය
මේ වන විට ඡන්ද කොට්ඨාස 145ක් සඳහා මන්ත්රීවරුන් 151ක් (බහු ආසන සමඟ) තෝරා ගැනීම සිදු කළ යුතු විය. වයස 18 තරුණ තරුණියන් ප්රථම වරට ඡන්දය පාවිච්චි කරනු ලැබුවේ ද මෙම මැතිවරණයේදීය.
නාමයෝජනා භාරගත් 1965 ජනවාරි 11 වන දින මන්ත්රීන් දෙදෙනෙක් තෝරන බහු ආසනයක් වූ දකුණු කොළඹ ආසනය සඳහා එක්සත් ජාතික පක්ෂයේ නියෝජ්ය නායකයා වූ ජේ. ආර්. ජයවර්ධන මහතා ද ලංකා සමසමාජ පක්ෂයේ බර්නාඞ් සොයිසා මහතා ද නිතරගයෙන් මන්ත්රීවරුන් ලෙස පත් වූයේ දේශපාලනයේ ගති ස්වභාවය ප්රදර්ශනය කරමිනි.
නිදහස ලබා ගැනීමට පෙර සිටම එ.ජා. පක්ෂය හා ලංකා සමසමාජ පක්ෂය එකිනෙකට ප්රතිවිරුද්ධ දේශපාලන මතිමතාන්තරවලින් යුත් පක්ෂ දෙකක් විය. එහෙත් මෙහිදී එම පක්ෂ දෙකේ නායකයින් දෙදෙනෙක් නිතරඟයෙන් තේරීපත්වීම වාර්තා ගත සිද්ධියකි. එතැන් පටන් මේ දක්වා මන්ත්රීවරයකු නිතරඟයෙන් තේරීපත්ව ඇත්තේ 1970 මැතිවරණයේදී වැලිමඩ ආසනයට පත්වූ ආර්. ඇම්. බණ්ඩාර මහතා පමණි.
බණ්ඩාරගම - සමරසේන මුදලිගේ
ඡායාරූප : අන්තර්ජාලයෙනි.
අද ලංකාවේ හැමදාම හැම තැනම විවිධ ඉල්ලීම් දිනා ගැනීම සඳහා පොදු ජනතාව මෙන්ම රාජ්ය සේවකයින් ද වැඩ වර්ජන හා උද්ඝෝෂණ පවත්වති. ඔවුන්ගේ මේ උද්ඝෝෂණ වලින් වැඩි
මිත්රවරුනි දේශපාලනය සඳහා තිබිය යුතු ලොකුම සුදුසුකම් දෙක තමයි බුද්ධිය හා අත්දැකීම්. හොරුන්ට මැරයන්ට දේශපාලනය කරන්න බෑ. මේ පාර යටියන්තොට ආසනේට පෙරේරල
දෙමළ ඊළාම් විමුක්ති කොටි සංවිධානය (LTTE) විමුක්තිය උදාකර ගැනීම සඳහා තෝරා ගෙන තිබුණු ඝාතන සංස්කෘතියේ පළමු බිල්ල වූයේ දෙමළ ජාතිකයෙකි. ඔහු එවකට අගමැතිනි සි
ලංකාවේ දෙවැනි අගමැති ඔහුය. ඔහුගේ පියා ලංකාවේ ප්රථම අගමැතිය. ඔහු තුන් වරක් ලංකාවේ අගමැති ධුරය හෙබවූවේය. 1911 වසරේ ඉපදී 1973 දී එනම් 62 හැවිරිදි වියේදී මියගිය ත
කුල භේදය සම්බන්ධයෙන් උගුරට හොරා බෙහෙත් බීමේ ප්රතිපත්තියක් අනුගමනය කළ ජෝන් කොතලාවලට තවත් වරක් අපූරු ඇබැද්දියක් සිදුව තිබේ. වරක් ඔහුට ආධාර කළ උසස් යැය
පසුගිය නොවැම්බර මස 16 වැනිදා පැවැති ජනාධිපතිවරණයෙන් ගෝඨාභය රාජපක්ෂ මහතා ජයග්රහණය ලැබීමෙන් පසුව මහින්ද රාජපක්ෂ මහතා අගමැති ධුරයට පත්කර රජයක් පිහිට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
එකම අසුනෙන් මැති සබයට නිතරඟයෙන් ගිය පක්ෂ දෙකක නියෝජිතයෝ