1940 ජුනි 17 දින රුවන්වැලි මහා සෑයේ කොත් පැලඳවූ දිනයයි. එදින සුභ මොහොතින් රුවන්වැලි මහා සෑයේ කොත් පැලඳවූ ස්වදේශ කටයුතු පිළිබඳ අමාත්ය සර්. ඩී. බී. ජයතිලක නම් බෞද්ධ නායකයා ඊළඟට අත්සන් කළ නියෝගය අනුව ලංකා සම සමාජ පක්ෂය තහනම් කොට එහි නායකයින් අත්අඩංගුවට ගැනීමේ නියෝගයයි.
අලුත්කඬේ උසාවියේ නඩුවකට පෙනී සිටි ලංකා සම සමාජ පක්ෂයේ සභාපති ආචාර්ය කොල්වින් ආර්. ද සිල්වා මහතා උසාවිය තුළදීම අත්අඩංගුවට ගැනිණ. දහවල් බොරැල්ල ටිකල් පාරේ නිවසේදී රුවන්වැල්ල රාජ්ය සභා මන්ත්රී ආචාර්ය ඇන්. ඇම්. පෙරේරා අත්අඩංගුවට ගන්නා ලදී. ඉන්පසු අත්අඩංගුවට ගත්තේ අවිස්සාවේල්ල රාජ්ය සභා මන්ත්රී පිලිප් ගුණවර්ධන මහතාය. සවස් වරුවේ ගල්කිස්සේදී එඞ්මන්ඞ් සමරක්කොඩි මහතා අත්අඩංගුවට ගන්නා ලදී.
සමසමාජ නායකයින් අත්අඩංගුවට ගැනීමේ නියෝගය පිළිබඳ සැලවූ වහාම ජැක් කොතලාවල හා රෙජි සේනානායක මහත්වරු ලෙස්ලි ගුණවර්ධන මහතා නිවසිත් රැගෙන ගොස් රහසිගත ස්ථානයක සඟවා තැබූහ. කොලොන්නාවේ පිහිටි “සමසමාජය” මුද්රණාලයට පොලිස් බල ඇණියක් පැමිණ මුද්රණාලයේ තිබූ ලිපි ලේඛන සිය භාරයට ගෙන මුද්රණාලය සීල් තැබීය.
සම සමාජ මුද්රණාලය සීල් තැබුවද නොකඩවා “සමසමාජය” සිංහල බසින්ද “සමධර්මම්” ද්රවිඩ බසින් හා ‘සමසමාජිස්ට්’ ඉංග්රීසි බසින් රහසිගතව මුද්රණය වී පාඨකයන් අතට පත්වූයේ පොලිසිය මෙන්ම රට පාලනය කළ ඉංග්රීසි ආණ්ඩුකාර පමණක් නොව පාලකයින්ද මවිත කරමිනි.
1945 අප්රේල් 05 වැනිදා ජපන්නු ලංකාවට බෝම්බ හෙළුෑහ. මුලින් වැලිකඩ බන්ධනාගාරයේ ද පසුව මහනුවර බන්ධනාගාරයේ ද රඳවා සිටි සම සමාජ දේශපාලන සිරකරුවන්ට සිය ආරක්ෂාව පිළිබඳ බරපතළ තත්ත්වයක් මතුවිනි. සිර භාරයට පත්නොවී සිටි සම සමාජවාදීහු වහා තීන්දුවක් ගත්හ.
1940 ජුනි 07 වැනිදා අලුයම රොබට් ගුණවර්ධන ඇතුළු සම සමාජවාදීන් කිහිප දෙනෙකුගේ මූලිකත්වයෙන් ඇන්. ඇම්., කොල්වින්, පිලිප් හා එඞ්මන්ඞ් යන නායකයින් සිරගෙයින් පැන ගියේ තම ආරක්ෂාවට සිටි ‘සොලමන්’ නමැති ජේලර්වරයාද සමගයි. රාත්රී කාලයේ සිර මැදිරි හා ජේලර්වරුන්ගේ පරීක්ෂා කටයුතු භාරව සිටි ප්රධාන ජේලර්වරයා උපක්රමශීලිව මහනුවර ‘ක්වීන්ස්’ හෝටලයට රැගෙන ගොස් සාදයකට සහභාගි කරවාගෙන තීරණාත්මක මොහොතක පසුවන තුරු ඔහු හෝටලයේ රඳවාගෙන සිටීමට වර්ණන් ගුණසේකර මහතා සමත් විය.
සිරගෙයින් මිදී සම සමාජ නායකයින් කොළඹට පැමිණ නාවල පිහිටි රහසිගත ස්ථානයක සැඟවිණ. අධිරාජ්යවාදී පාලකයින් තැතිගන්වමින් සම සමාජ නායකයින් සිරගෙයින් පැනයාම පසුදා පුවත්පත්වල සිරස්තලය වූ අතර මෙම ප්රවෘත්තිය රට පුරා පැතිර ගියේ බි්රතාන්ය පාලනයට එරෙහි ජනතාවගේ සිත් ඉමහත් අමන්දානන්දනයට පත් කරමිනි.
ඇන්. ඇම්., කොල්වින්, පිලිප්, එඞ්මන්ඞ්, ලෙස්ලි ඇතුළු සම සමාජ නායකයින් හා ජේලර් සොලමන් දුටු තැන ඇල්ලීමටත් සම සමාජ පාක්ෂිකයින් සිර භාරයට ගැනීමත් නියෝග නිකුත් විය.
ලංකා සම සමාජ පක්ෂයේ සාමාජිකත්වය ගැනීම, ක්රියාකාරී සහයෝගය දීම, ප්රචාරණ කටයුතුවල යෙදීම බරපතළ ගණයේ වරදක් බවට රජයේ නියෝග නිකුත්විය. සිරභාරයට ගැනීමට නියෝග නිකුත් වූ සම සමාජවාදීන් ගේ සියලුම නිශ්චල හා චංචල දේපල රාජසන්තක කිරීමටද නියෝග නිකුත් විය.
මාස කීපයක් කොළඹ හා අවට ප්රදේශවල රහසිගතව සැඟවී සිටි සම සමාජ නායකයින් “රාසා” නමැති සමසමාජ පාක්ෂිකයෙකුගේ ආධාරයෙන් ඉන්දියාවට පලා ගියහ. ඉන්දියාවේදී ඇන්. ඇම්. “ඩොක්ටර් විශ්වනාත්” ලෙස පෙනී සිටි අතර කොල්වින් “ගෝවින්ද සාමි” නමින්ද පිලිප් ‘ගුරු ස්වාමි’ නමින්ද පෙනී සිට ඉන්දීය ජාතික නිදහස් අරගලයටද එක්වූහ.
මතු සම්බන්ධයි.
ඊ. එල්. ජයන්ත ද සොයිසා
ඡායාරූප : අන්තර්ජාලයෙනි
අද ලංකාවේ හැමදාම හැම තැනම විවිධ ඉල්ලීම් දිනා ගැනීම සඳහා පොදු ජනතාව මෙන්ම රාජ්ය සේවකයින් ද වැඩ වර්ජන හා උද්ඝෝෂණ පවත්වති. ඔවුන්ගේ මේ උද්ඝෝෂණ වලින් වැඩි
මිත්රවරුනි දේශපාලනය සඳහා තිබිය යුතු ලොකුම සුදුසුකම් දෙක තමයි බුද්ධිය හා අත්දැකීම්. හොරුන්ට මැරයන්ට දේශපාලනය කරන්න බෑ. මේ පාර යටියන්තොට ආසනේට පෙරේරල
දෙමළ ඊළාම් විමුක්ති කොටි සංවිධානය (LTTE) විමුක්තිය උදාකර ගැනීම සඳහා තෝරා ගෙන තිබුණු ඝාතන සංස්කෘතියේ පළමු බිල්ල වූයේ දෙමළ ජාතිකයෙකි. ඔහු එවකට අගමැතිනි සි
ලංකාවේ දෙවැනි අගමැති ඔහුය. ඔහුගේ පියා ලංකාවේ ප්රථම අගමැතිය. ඔහු තුන් වරක් ලංකාවේ අගමැති ධුරය හෙබවූවේය. 1911 වසරේ ඉපදී 1973 දී එනම් 62 හැවිරිදි වියේදී මියගිය ත
කුල භේදය සම්බන්ධයෙන් උගුරට හොරා බෙහෙත් බීමේ ප්රතිපත්තියක් අනුගමනය කළ ජෝන් කොතලාවලට තවත් වරක් අපූරු ඇබැද්දියක් සිදුව තිබේ. වරක් ඔහුට ආධාර කළ උසස් යැය
පසුගිය නොවැම්බර මස 16 වැනිදා පැවැති ජනාධිපතිවරණයෙන් ගෝඨාභය රාජපක්ෂ මහතා ජයග්රහණය ලැබීමෙන් පසුව මහින්ද රාජපක්ෂ මහතා අගමැති ධුරයට පත්කර රජයක් පිහිට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
උසාවියේ ගිගුම් දුන් සිංහ හඬ