(මීරිගම විශේෂ පුෂ්පකුමාර මල්ලවආරච්චි)
දංඕවිට ප්රදේශයේ නිවසක ළිඳක් ඉහින්නට එන්නැයි සොහොන් බිමක සිට දුරකථනයෙන් කළ ව්යාජ දැනුම්දීමක් නිසා විය පැහැදම් කරගෙන ගිය ළිං ඉසින්නා මෙන්ම දුරකතනය හිමිකරුද පීඩාවට පත්වීමේ සිද්ධියක් මීරිගම පොලිසියෙන් වාර්තා විය.
ඔහු බෝතලේ ගම්මානයේ දිවි ගෙවන ජීවන ගමනේ අඩ සියවසද ඉක්ම වූවෙකි. බිරිය ලෙඩ ඇඳේය. ජීවිකාව සඳහා කරන්නේ ළිං ඉසීමය. දුරකතනයෙන් දැනුම්දීමක් කළ විගස ගණන් හිලව් කතා කර බාර ගන්නා කාර්යය සාර්ථකව ඉටු කිරීම ඔහුගේ සිරිතය.
ගම්මානයේ මරණයක් සිදුවිය. ගමේ පිරිස වළ කැපීමට සොහොන් බිමට එක්වූයේය. වැඬේ කරන අතර සප්පායම් වූ අයද මේ අතර සිටියහ. කුටුම්භ ගෙයි කොනක එල්ලූ කමිසයක සාක්කුවේ තිබූ දුරකතනයක් අතට ගත් ගමේ කෙනෙකු ළිං ඉසින අයට කතා කළේ දුරකතනයේ හිමිකරුටත් හොර රහසේය.
මම දංඕවිටින් කතා කරන්නේ අපේ ළිඳේ වතුර නරක් වෙලා බොන්න විදියක් නැහැ. අදම සුද්ද කරලා දෙන්න ඔහු ඉල්ලා සිටියේය. රුපියල් 2500 කට ගණන් කතා කර ගත් පසු ආ යුතු ස්ථානයද ඔහුට දැනුම් දුන්නේය. මෝටර් ආදී අඩුම කුඩම කුඩා ලොරියේ පටවාගත් ඔහු ගමන පිටත්වූයේ සොහොන් බිම පසු කරමිනි.
ලොරිය සොහොන් බිම පසු කරනවාත් සමග යළි ඇමතුමක් ආයේය. අනේ ඔයා එනවා නේද වරද්දන්න එපා ඇවිටිලි කරද්දී මම එමින් ඉන්නේ ඔහු කීය. එන්නට කී තැනට ගිය ඔහු අංකයට කතා කළත් පිළිතුරක් නැත. ළිඳක් ඉසින්නට අවශ්ය බව කී කිසිවකු හමුවූයේද නැත. අවසානයේ ඔහු ගෙදර ආවේ යක්ෂාවේෂවය.
කේන්තියෙන් පිපිරෙමින් ඔහු කළේ පොලිසියට ගොස් පැමිණිල්ලක් කිරීමයි. තමන්ට කතා කළ අංකය එහි සඳහන් කළේය. ඒ අනුව දුරකතනයේ හිමිකරු පොලිසියට කැඳවිණි. ඒ වනවිට ඔහු සිදුවූ සියල්ල දැන සිටි බව පෙනුණි. එහෙත් ඔහු පැවසුවේ වෙනඑකකි.
මම කිසිවක් දන්නේ නැහැ. කතා කළ කෙනෙක් තමුසේ හොයා ගන්නවා ඔහු ගුගුලේය.
දුරකතනයේ අයිතිකරු නිසා තමන්ට කිසියම් වගකීමක් ඇති බව පොලිසිය ඔහුට අවබෝධ කරදීමෙන් පසු තරමක් සන්සුන් විය. ළිඳ ඉසින්නට කියා ගිය ගමනට අලාභයක් අවශ්ය බව කී අය පසුව පැවසුවේ ඉදිරියට මෙවන් අශික්ෂිත වැඩ නොකරන ලෙස හා ඒ සඳහා අනුබල නොදෙන ලෙසට අවවාදයක් කරන ලෙසයි. එයින් සෑහීමකට පත්වූ පුද්ගලයා සියල්ල ඉවසා පිටව යනු දැකිය හැකිවිය.
මීරිගම පොලිසියේ අපරාධ අංශයේ ස්ථානාධිපති උප පොලිස් පරීක්ෂක එම්.පී. විමලරත්න මහතා ඉදිරියේ මේ සිදුවීම දිග හැරුණි.
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ළිඳක් ඉහින්න ගිහින් පොලිසි යන්නත් වෙලා