(වැල්ලවාය අයි.ආර්. ඉන්දික)
හොරා මට්ටු කරන්න ගොස් තමන් මට්ටු වූ පුවතක් මොනරාගල දිස්ත්රික්කයේ ප්රසිද්ධ නගරයක් ආසන්නයෙන් ‘ලංකාදීප’යට වාර්තා වේ.
එය ප්රසිද්ධ නගරයක් ආසන්නයේ පිහිටි උපකාරක පංති පවත්වන ස්ථානයකි. එහි හිමිකරුවන් ද වෙසෙන්නේ එම ස්ථානය ආශ්රිතවමය.
දිනක් හදිසියේම ආයතන හිමිකරු පොලිසියට පැමිණෙන්නේ පොලිස් ස්ථානාධිපතිවරයා මුණගැසෙන්නටය. ඒ සොරකමක් සම්බන්ධයෙන් පැමිණිල්ලක් කිරීමටය.
“සර් හොරෙක් ගෙට පැනලා. හොරාගේ රෙදි සේරම තියෙනවා. මම එනකොට මගේ කලිසමක් ඇඳගෙන තමයි දුවලා තියෙන්නේ. අයිඩෙන්ටිය පර්ස් එක ඔක්කොම තියෙනවා” යැයි එම ආයතන හිමිකරුවා කියා සිටියේය.
ස්ථානාධිපතිවරයාට ද මෙය එක්වරම හිතාගැනීමට නොහැකි තරමේ ප්රහේලිකාවකි. හොරකම් කරන්නට ආවා නම් ඇඳුම් පැළඳුම් ගලවා සිදුකළ හොරකම කුමක්දැයි යන්න එක්වරම හිතාගන්නට බැරිවිය.
උපක්රමශීලි වූ ස්ථානාධිපතිවරයා සොරකම් කර ඇත්තේ මොනවාදැයි විමසීය. “සර් රත්තරං බඩු ටික ඔක්කකොම අරගෙන ගිහිල්ලා. සල්ලිත් තිබුණා” යැයි කීය.
“හරි මම හොයලා බලලා කතා කරන්නම්” යැයි පවසා හිමිකරුවාට යන්නටැයි කීය.
ස්ථානාධිපතිවරයා හොරා යැයි කියන පුද්ගලයා දින දෙක තුනකදී සොයාගත්තේ දුරකතන ඇමතුමක් හරහා සම්බන්ධ කරගනිමිනි.
දින කිහිපයකට පසු ස්ථානාධිපතිවරයා මුණගැසෙන්නට පැමිණියේ තරුණයෙකි. “සර් මම ඇත්තම කියන්නම්” යැයි පවසමින්ම ඔහු ස්ථානාධිපතිවරයාගේ නිලකාමරයට පිවිසියේය.
“ඔය කියන කෙනාගේ පවුල එක්ක තමයි මම කලින් යාළුවෙලා හිටියේ. අහම්බෙන් වගේ බණ්ඩාරවෙලදි දවසක් මට එයා හම්බවුණා. එයා මට එයාගේ ෆෝන් එකේ නොම්මරේ දුන්නා. එන්න කියලා ඉතිං නැති දවසක් බලලා මම ගියා. එහෙම මම ඉන්න අතරේ මෙයාගේ මහත්තයා ගෙදර ආවා. මම වත්තෙන් පැනලා පාරට ඇවිල්ලා ගෙදර ආවා. රත්තරං බඩු තියා සල්ලිවත් ශත පහක් ගත්තේ නෑ සර්. ඕනේ නම් හොයලා බලන්න සර්” යැයි කීය.
ස්ථානාධිපතිවරයාට සියලු_ කාරණා වැටහුනි. හොරා යළි නිවෙස බලා යැවීමට කටයුතු කළේ නැවතත් මේ පැත්ත පළාතේ පස් නොපාගන්නට පොරොන්දුවක් කරමිනි. අමතක වී ගිය ඔහුගේ ඇඳුම් පැළඳුම් ද සියල්ල යළි ලැබුණි.
ස්ථානාධිපතිවරයා ඇමතුමක් ලබාදීමෙන් පසු කෙටි වෙලාවකදී ආයතන හිමිකරුවා ද පැමිණියේ මහත් සතුටිනි. “හොරා අල්ලාගත්ත ද සර්” යැයි පැවසුවේ සතුටුදායක පිළිතුරක් ස්ථානාධිපතිවරයාගෙන් ලැබෙනු ඇතැයි විශ්වාසයෙනි.
“හොරා නම් අල්ලාගත්තා. ඒත් නඩුදාන්න වෙන්නේ තමුන්ට.” “ඒ ඇයි සර්.” “මිනිහා මුකුත් හොරකම් කරලා නෑ. ඒ මනුස්සයට එන්න කියලා තියෙන්නේ තමුන්ගේ බිරිය. ඒ අතර තමයි තමුන් ගෙදරට ඇවිල්ලා තියෙන්නේ. මම ඒ මනුස්සයට තදින්ම අවවාද කළා ආයේ මේ පැත්තෙ පස් පාගන්න එපා කියලා. තමුන් තමුන්ගේ නෝනා හදාගන්න. පැමිණිල්ලක් ඕනේ නම් දාන්න. එතකොට දෙගොල්ලවම ගෙන්නලා මේ ප්රශ්නේ විසඳලා දෙන්නම්.”
“අනේ ඕනේ නෑ සර්, මට ඕන වුණේ අරූට පාඩමක් උගන්නන්න. අන්තිමට උනේ මට දොස් අහන්නයි. ඒකයි මම හොරකම් කළා කියලා කිව්වේ. මම නෝනට අවවාද කරලා හදාගන්නම්” යැයි පවසා පොලිසියෙන් පිටවී ගියේ කොරේ පිටට මරේ යැයි කියමිනි.
පවතින ආර්ථික අගහිඟකම් හමුවේ නෑදෑ පිරිවර මැද වැයබර අඩුකර ගැනීමට තැනට උචිත නුවණ පාචිච්චි කළ නිවෙස් හිමියකු පිළිබඳව පුවතක් කලාවැව අවට මහවැලි ජනපද ගම්මා
සිසුන්ගේ කෑම පැකැට්ටුවෙන් රෙදි ගලවා ගත් අපූරු ගුරුවරයකු පිළිබඳ පුවතක් දකුණු පළාතේ පාසලකින් අසන්නට ලැබේ. පාසලේ පැවති ක්රීඩා උත්සවය සඳහා සහභාගී වන සි
විහාරස්ථානයක සල්පිල් වෙන්දේසියක දී තරුණ තරුණියන් තරග වැදී මිලට ගත් භාණ්ඩයක් නොවටිනා දෙයක් වීමෙන් වූ අලකලංචියකි. මෙය වාර්තා වන්නේ දකුණේ ගම්මානයකිනි.
සුද්දන්ගේ ක්රමයට සුද්දාට ආචාර සමාචාර කරන්න ගොස් සුද්දාගේ කළු බැල්ලියගෙන් හොඳම ආචාර සමාචාරයක් ලැබ ජීවිතය අනූනවයෙන් බේරාගත් කළු සුද්දකු පිළිබඳව අ
සාදයේදී පදම වැඩිවූ මිතුරාට අමුතු රසාස්වාදයක් ලබා ගැනීමට අමුතුම සුප් එකක් පානය කරන්නට සලස්වා හිරේ විලංගුවේ නොවැටී අනූනවයෙන් බේරුණු මිතුරන් පිරිසක් ප
දකුණේ රාජ්ය අනුග්රහය ලබන එක්තරා ආයතනයක “සර්” කියා ගැනීමට මහත් ගිජුකමක් දැක්වූ නිලධාරියකුගෙන් තමාගේ කටයුත්ත ඉටු කර ගැනීමට ලිපියක් ලියා ඒ තුළ සර් යය
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
හොරා අල්ලන්න ගිහින් බිරියත් මාට්ටු වෙලා