ඔහු වෘත්තියෙන් කෙකි බැඳ පොල් කැඩීම කරන වයස අවුරුදු 55ක පමණ පුද්ගලයෙකි. ළාබාල තරුණ වියේදීම සිය පියා සමග පොල් කැඩීමේ වෘත්තියට එක්වූ ඔහු ප්රදේශයේ කා අතරත් කිරි මල්ලී යන නමින් ප්රසිද්ධය.
පොල්පිතිගම, දොරවේරුව ප්රදේශයේ පදිංචි කිරි මල්ලී ප්රදේශවාසින් අතර තම වෘත්තිය ඉතාම ඉහළින් කරනු ලබන පුද්ගලයෙකු ලෙස නමක් දිනා සිටින අයෙකි. එම වෘත්තියේ යෙදෙන වෙනත් පුද්ගලයන් ප්රදේශය තූළ හිඟ බැවින් කිරි මල්ලී ප්රදේශයට අත්යාවශ්ය පුද්ගලයකු බවට ද පත්ව සිටින බව ද කිව යුතුය.
කිරි මල්ලී ගමන් ගියේ පාපැදියෙනි. ඔහු දිග උණ ලී දෙකක් ද කරේ තබා ගෙන සෑම දිනකම උදෑසන පිටත්ව යන අයුරු දැකගත හැකිය. ඒ අනුව රැකියාව හා බැඳුණු පාපැදිය ඔහුට නැතිවම බැරි මෙවළමකි.
පසුගිය දිනෙක සිය පාපැදිය කාර්මික දෝෂයකට ලක් වූ බැවින් එදින තම වැඩ නතර කළ කිරි මල්ලී එය අලුත්වැඩියා කරගැනීම සඳහා උදෑසනින්ම වින්කලය වෙත රැගෙන ගියේය. ප්රදේශයේ තරුණයකු විසින් එය පවත්වාගෙන යනු ලැබිණි. වින්කලය වෙත ගිය කිරි මල්ලී සිය පාපැදියේ දෝෂය එම තරුණයාට විස්තර කර දුන් විට එය පරික්ෂා කළ කාර්මිකයා ඊට අදාළව අමතර කොටසක් රැගෙන එන ලෙස කිරි මල්ලී දැනුම්වත් කරන ලදී. කිරි මල්ලී එම ප්රදේශයට ආසන්නවම පිහිටි කුඹුක්ගැටේ නගරය වෙත වහාම ගොස් ඔහු කී අමතර කොටස රැගෙන ඒමට කටයුතු කළේ තම පාපැදිය කෙසේ හෝ එදින ඇතුළත අලුත්වැඩියා කර ගැනීමේ අරමුණ ඇතිවය.
අමතර කොටස තරුණයා අත තැබූ කිරි මල්ලී බැහැර නොගොස් එහිම රැඳුණේ තම කාරිය ඉක්මනින්ම කර ගැනීම සඳහාය. කෙසේ වෙතත් වෙනත් කාරියකට අත නොගැසූ තරුණ වින්කල්කරු පැයක් පමණ ඇතුළත කිරි මල්ලීගේ පා පැදිය අලුත්වැඩියා කර අවසන් කරනු ලැබ “ඔන්න මාමේ වැඬේ ඉවරයි.” කියා කිරි මල්ලීට පාපැදිය බාර දුන්නේය.
ඉතා ඉක්මනින් කාරිය අවසන් කර දුන් බැවින් බෙහෙවින් සතුටට පත් කිරි මල්ලී ඔහුට ස්තූති කර ගාස්තුව කීයක් දැයි විමසා සිටියේය. කිසිදු පැකිළීමක් නොමැතිව තරුණයා රුපියල් එක්දහස් පන්සීයයි කියනු ඇසී කිරි මල්ලීගේ ඇහි බැම නළලේ ඉහළටම යනු පෙනිනි. විශ්මයට පත් කිරි මල්ලී එතරම් ගණනක් වූයේ කෙසේ දැයි වින්කල්කරුගෙන් විමසූ අතර මේක හදන්න පැයක්වත් ගියේ නැති බව ද ප්රකාශ කර සිටියේය.
කිරි මල්ලීගේ පැනය ඉතාම සාවධානව අසා සිටි වින්කල්කරු “මේකයි මාමේ කුඩු පැකට් එකට රුපියල් 1300 යි. සිගරට් තුනට රුපියල් 200 යි. යනුවෙන් සිය ගාස්තුව සැදුනු ආකාරය පැහැදිලි කළ අතර ඉන් කිරි මල්ලී තවත් විශ්මයට පත් වුව ද තවදුරටත් කිසිවක් නොකියා ගාස්තුව ගෙවා යන්නට ගියේය.
(සිසිර නන්දන කාලේගම)
සිය අතුරුදන් සැමියා ගැන හෝඩුවාවක් දැනගැනීමට දේවාලයකට ගිය බිරියට එම දේවාලය තුළදී සැමියා හමුවීමේ සිද්ධියක් සබරගමුව පළාතේ එක්තරා ගමකින් වාර්තාවේ. සිද්
පවතින ආර්ථික අගහිඟකම් හමුවේ නෑදෑ පිරිවර මැද වැයබර අඩුකර ගැනීමට තැනට උචිත නුවණ පාචිච්චි කළ නිවෙස් හිමියකු පිළිබඳව පුවතක් කලාවැව අවට මහවැලි ජනපද ගම්මා
සිසුන්ගේ කෑම පැකැට්ටුවෙන් රෙදි ගලවා ගත් අපූරු ගුරුවරයකු පිළිබඳ පුවතක් දකුණු පළාතේ පාසලකින් අසන්නට ලැබේ. පාසලේ පැවති ක්රීඩා උත්සවය සඳහා සහභාගී වන සි
විහාරස්ථානයක සල්පිල් වෙන්දේසියක දී තරුණ තරුණියන් තරග වැදී මිලට ගත් භාණ්ඩයක් නොවටිනා දෙයක් වීමෙන් වූ අලකලංචියකි. මෙය වාර්තා වන්නේ දකුණේ ගම්මානයකිනි.
සුද්දන්ගේ ක්රමයට සුද්දාට ආචාර සමාචාර කරන්න ගොස් සුද්දාගේ කළු බැල්ලියගෙන් හොඳම ආචාර සමාචාරයක් ලැබ ජීවිතය අනූනවයෙන් බේරාගත් කළු සුද්දකු පිළිබඳව අ
සාදයේදී පදම වැඩිවූ මිතුරාට අමුතු රසාස්වාදයක් ලබා ගැනීමට අමුතුම සුප් එකක් පානය කරන්නට සලස්වා හිරේ විලංගුවේ නොවැටී අනූනවයෙන් බේරුණු මිතුරන් පිරිසක් ප
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
හිත හොඳ කිරි මල්ලී ගොනාට අන්දවලා