(මීරිගම විශේෂ පුෂ්පකුමාර මල්ලවආරච්චි)
අනතුරට පත් තරුණයින් දෙදෙනකු ලොරියක පසුපස පන්නා ගෙනවිත් රියැදුරාට බැනවදිද්දී එක් තරුණයකුගේ මව දැඩි සත්කාර ඒකකයේ ප්රතිකාර ලබන බව දැනගැනීමෙන් පසු එම අයට පිහිටවූ ලොරි රියැදුරකු පෙරේදා (19) උදේ පස්යාල ගිරිඋල්ල මාර්ගයේ මීරිගම කණ්ඩලම පත්තිනි දේවාලය අසලදී දැක ගත හැකිවිය.
කඩවත ප්රදේශයේ සිට ත්රිකුණාමලය බලා ගමන් ගත් ලොරියකි. එහි රියැදුරා මැදිවියේය. මීරිගම ප්රදේශයේ දී මෙම ලොරිය යතුරු පැදියකට ඉස්සර කළේය. ඉන් කිපුණු යතුරු පැදිකරු ලොරිය පසුපස හඹා ආවේ නළාව නාදකරමිනි. තරුණයෝ දෙපළක් එහි වූහ.
කණ්ඩලම පත්තිනි දේවාලය අසල පඬුරු දමා යෑම ලොරි රියැදුරුගේ සිරිත නිසා ඔහු එම ස්ථානයේ දී ලොරිය පාරේ වම්පසට අයින් කර නතර කළේය. පිටුපසින් වේගයෙන් ආ යතුරු පැදිය ලොරියට ඉස්සර කර ඉදිරියට යන්නට ඉඩ නොවීය. ලොරියේ ගැටීම වළක්වා ගැනීම සඳහා යතුරු පැදිකරු තම පැදිය වමට අයින් කළේ නවතා ගන්නා අදහසිනි.
එහෙත් බලාපොරෙත්තු සුන් කරමින් යතුරු පැදිය නතරවූයේ ලොරියට වම් පසින්වූ බෝක්කුවේ වළට වැටීමෙනි. යතුරු පැදිය එහි තිබියදීම වළෙන් ගොඩවූ තරුණ දෙන්නා ලොරි රියැදුරුට බැන වැදුණේ ඔහුගේ වැරැද්දෙන් තමන් අනතුරට පත්වූ බව කියමිනි. ඔවුනට සීරුම් තුවාල සිදුවී තිබිණි.
නාවික සෙබළකු බව කී පැදිකරු තම මව කුරුණෑගල රෝහලේ දැඩි සත්කාර ඒකකයේ සිටින බැවින් ඇය බැලීමට යමින් සිටි බව මෙහිදී ප්රකාශ කළේය. අනතුරට තමන්ගේ සම්බන්ධයක් නැති බව අවධාරණය කළ ලොරි රියැදුරා තනතුරු තාන්නමාන්නවලට බිය නැති බවත් අම්මා කෙනෙකු අසනීපයෙන් පෙළෙන බව කී නිසා කිසියම් උදව්වක් කරන්නට ඉදිරිපත් විය.
ඊට පසුව තරුණ දෙපළ අසල්වාසීන්ගේ සහාය ඇතිව යතුරු පැදිය ගොඩ ගෙන එය ලොරියේ පටවාගැනීමෙන් පසු දැඩි සත්කාර ඒකකයේ සිටින බව කියන මව බැලීම සඳහා ලොරි රියැදුරුද ඔවුන් සමග ගියේය.
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හිත උණුවූ ලොරි රියැදුරුගෙන් තරුණයන් දෙදෙනාට පාඩමක්