සුපිරි කඩෙන් එළවළු අරන් හීංදාඩිය දාලා

(දූනගහ - බටේපොළ විජයසිරි)
ගමේ කටකාර අයකු පසුගිය දිනක නගරයට ගොස් ආපසු එන අතරතුර සුපිරි වෙළෙඳසලකට ගොස් එහි ප්‍රදර්ශනය කර තිබූ මිල ගණන් දැක අසල්වාසීන්ටත් එළවළු ගැනීමෙන් පසු දුන් බිල දැක තරු පෙනුණු පුවතක් දිවුලපිටියට නුදුරු ගමකින් වාර්තා වෙයි.

මෙම තරුණයා නගරයට ආ කරුණ ඉටු කරගෙන කාලය ඉතිරිව ඇති බැවින් සුපිරි වෙළඳසලකට ගොඩ වූයේ නිවෙසට අවශ්‍ය දේද රැගෙන යාමේ අදහසිනි.

සුපිරි වෙළෙඳසලේ එළවළු මිල දුටු ඔහුට පුදුම සතුටක් හට ගත්තේය.

“ගෝවා රුපියල් අටයි. ලීක්ස් රුපියල් 12යි. කැරට් රුපියල් 15යි.”

ඔහුට පුදුම හිතුණේය. ගමේ කඬේ ගෝවා රුපියල් හැටකි. ලීක්ස් අසූවකි. කැරට් එකසිය දහයකි.

ඔහු එළවළු කිලෝ දෙක බැගින් කිරා දෙන්නැයි වෙළෙඳ සේවකයකුට පැවැසීය.

වෙළෙඳ සේවකයා එළවළු පාර්සලය සාදා කවුන්ටරයට යොමු කළේය. කවුන්ටරයෙන් බිල්පත නිකුත් විය.

ඔහු එළවළු කිලෝ දෙක බැගින් මිලයට ගත්තේ අහළ පහළ ගෙවල්වලටද බෙදා දෙන අදහසිනි.

“ටවුමේ එළවළු ලාබයි.” කීමටද ඔහුට වුවමනා විය.

ඔහුට බිල්පත ලැබුණේය. එහි රුපියල් 700ක් සටහන්ව තිබිණි.

ඔහුට හීන් දහඩිය දැම්මේය. ඔහු වෙළෙඳසලේ බෝඞ් එක දෙස නැවත බැලුවේය.

ගෝවා - 100ක් රුපියල් 8යි. ලීක්ස් 100ක් රුපියල් 12යි. කැරට් 100ක් රුපියල් 15.00යි. ඔහුට ඇස් පෙණුනේ එවිටය.

ලැජ්ජාව නිසා ඔහු මුදල් ගෙවා එළවළු පාර්සලය අතට ගත්තේය.

ඔහු ටවුමේ එළවළු ලාබයි කියා ගමට ගොස් නොකීවත් සිදුවූ කලබැගෑනිය පසුදා වන විට ගමටම ආරංචි වී තිබිණි.

අදහස් (9)

සුපිරි කඩෙන් එළවළු අරන් හීංදාඩිය දාලා

himal Monday, 29 July 2019 07:32 AM

මේක විහිළුවක් නෙවෙයි. මිනිසුන්ව නොමඟ යැවීමේ මිල ක්‍රමයක්...

: 0 61

apeksha Monday, 29 July 2019 07:59 AM

ඕක ඔයතරම් දෙයක් නෙමේ. මේවගේ දේවල් නිතරම සිදුවෙනවා.

: 2 53

sampath Monday, 29 July 2019 09:56 AM

මේක පාරිභෝගිකයා නොමග යවන ආකාරයෙන් මිල ප්‍රදර්ශනය කිරීම කියන වරදට වැටෙනවා. පාරිභෝගික අධිකාරියට දැනුම් දීලා මේ ගැන නීතිමය පියවර ගත හැකි මෙලෙස පාරිභෝගිකයා නොමග යවන ලෙස මිල ප්‍රදර්ශනය නීති විරෝධී ක්‍රියාවක්...

: 0 99

de silva Monday, 29 July 2019 12:09 PM

අනිවාර්යයෙන්ම මේක පාරිභෝගිකයා නොමග යැවීමක්..., කරුණාකර කිලෝ එකක මිල සඳහන් කරන්න නියම කරන්න...

: 0 47

දිමුත්Tuesday, 30 July 2019 05:34 AM

ඔව්. එයයි සිදුකල යුත්තේ

: 0 9

ගැටබුවා Tuesday, 30 July 2019 10:02 AM

පිළියන්දලත් මේ වගේ වැඩක් උනා.

: 0 3

Vishva Tuesday, 30 July 2019 10:07 AM

සුපිරි වෙළදසැල් වල කොහොමත් මිල ප්‍රදර්ශනය කරන්නේ මේ ක්‍රමයට තමයි, නිතර යන එන අය ඒ බව දැනගෙන කටයුතු කලත්, මුලින්ම යන කෙනෙක්ට මේ දේ සිද්ධවෙන සම්භාවිතාව ඉහලයි. 500g හෝ 1kg ක මිල සදහන් කිරීම වඩාත් ප්‍රායෝගිකයි.

: 0 1

gmarala Wednesday, 31 July 2019 04:45 PM

ප්‍රමිතියක් නොමැති වෙළඳාම ගැන වෙළඳ අමාත්‍යාංශය වග කිවයුතුයි. මිල ගණන් විවිධ ආකාරයෙන් සඳහන් වෙනවා යන්න සතොසට... එ්කේ තියෙන්නේ ග්රෑම් 250ක්... පොළට යන්න එහි තියෙන්නේ ග්රෑම් 500ක්... මෙය හරි ප්‍රශ්නයක්. පරිභෝගිකයාට හිතාගන්න බැහැ.. කොච්චරක් ගන්නවද මිල කොච්චරද කියලා.

: 0 1

චමින්ද Thursday, 01 August 2019 01:36 AM

සුපිරි වෙළඳසැල් කළමණාකරුවන් පාරිභොගිකයා සූරා කෑමට මෙම උපක්‍රමය කරනවා. එහෙම කරන්නේ කිසිවෙකුත් ග්‍රෑම් සියයක් නොගන්නා බව දැනගෙනයි. මොවුන් සමහර දෙයක මිල එකක් දක්වා කැෂියර් ලඟ වැඩි මිළක් දක්වනවා. පාරිභෝගිකයා අමාරුවේ වැටෙනවා. අධිකාරියේ අය නිදිද කියලත් වෙලාවකට හිතෙනවා. ඇමතිතුමාවත් ඇහැරුනොත් හොඳයි..

: 0 0

ඔබේ අදහස් එවන්න

දෙයියෝ සාක්කි

අතින් ඇදලා අම්බානට ගුටි කාලා

2024 අප්‍රේල් මස 19 601 0

විවිධ ප්‍රදේශවලට ගමන් කරමින් අවදානම් සහිත පොල් ගස් කම්බි යොදමින් ඇද දමා බඳින පිරිසක් මාතලේ යටවත්ත ප්‍රදේශයේ නිවසක කාන්තාවකගේ අතින් ඇදීම හේතුවෙන් ගුට

බෝතල් මාරු වී ජංජාලයක්

2024 අප්‍රේල් මස 18 802 0

අලු‍ත් අවුරුද්දට සාදමින් සිටි කැවිලිවලට සීනි යැයි සිතා ලු‍ණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්‍රදේශයෙන් වාර්තා විය. වාර්තා වන ආකාරය

සූර් පාට් දමා පොලිසිය අන්දවලා

2024 අප්‍රේල් මස 17 1053 0

වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ