(පොල්ගස්ඕවිට - එස්. වික්රමආරච්චි)
වියපත් යුවළකට උදවුවක් කිරීමට යතුරුපැදියෙන් ගොස් ත්රිරෝද රියකින් පැමිණි බව අඟවා ඔවුන්ගෙන් වාහන කුලිය වශයෙන් වැඩි මුදලක් ලබාගැනීමට උත්සාහ කළ මිතුරන් දෙදෙනෙකුට සිදුවූ අලකලංචියක් පිළිබඳව අගනුවරට ආසන්න ගම් ප්රදේශයකින් අසන්නට ලැබිණි.
විශ්රාමික ගුරු යුවළකි. තමන්ගේ වත්ත පිරිසුදු කරවා ගැනීමට සහ වත්ත වටා ඇති ඉණිවැට අලුත්වැඩියා කරවා ගැනීමේ අවශ්යතාවක් ඔවුන්ට ඇතිවිය.
එම කටයුත්ත කුලීකරුවකුට බාර දෙනවාට වඩා තමන්ගේම කෙනෙකු ලවා කරවා ගැනීම වඩා ලාභදායී සහ විශ්වාසවන්ත යැයි සිතූ විශ්රාමික ගුරු මහතා කිලෝමීටර් හත අටක් ඈතින් සිටින තමන්ගේ තරුණ මුණුබුරෙකුට දුරකතනයෙන් මේ පිළිබඳව දැනුම් දුන්නේය.
“හරි හරි සීයෙ අපි හෙට එන්නං” කියූ මුණුබුරා තමන්ට පැමිණීමට වාහනයක් නම් නොමැති බවද පැවසීය.
“වීල් එකක් අරං එන්න, මං හයර් එක දෙන්නම්” ඊට පිළිතුරු දෙමින් සීයා පැවසීය.
තරුණයා මේ කටයුත්තට යාම සඳහා තම මිතුරෙකුට ද ආරාධනා කළේය. ඇරයුම පිළිගත් මිත්රයා තම යතුරුපැදියෙන්ම ගමන යාමට ද යෝජනා කළේය.
පසුදින උදෑසනම ගමන පිටත් විය. මඳ දුරක් යද්දී මුණුබුරාට සිහි වූයේ යතුරුපැදියෙන් ගොස් සීයාගෙන් ත්රිරෝද රථ ගාස්තුවක් ලබාගැනීම එතරම් හොඳ මදි බවයි. ඔහු මේ බව මිතුරා සමඟ පැවසීය.
“හරි බං, අපි සීයලගෙ ගෙවල්වලට මෙහායින් බයික් එක හංගමු, ත්රීවීල් එකකින් ඇවිත් බැහැල යන විදියට සීයලගෙ ගෙදරට යමං, වැඬේ ගොඩනේ”_ මිතුරා උපක්රමය කීවේය.
ඒ අනුව සීයලාගේ නිවෙසට මඳක් මෙපිටින් තිබූ අතහැර දමන ලද නිවෙසක පිටුපස යතුරුපැදිය නවතා හෙල්මට් දෙකද එහි රඳවා සීයලාගේ ගෙදරට ගිය දෙමිතුරෝ හවස දෙක තුන වනතුරු වැඩකළේ අත්තම්මාගේ ඉහළ සංග්රහ සත්කාර ද භුක්ති විඳිමින්ය.
සීයාටත් අත්තම්මාටත් වැඳ නමස්කාර කළ දෙදෙනා ආපසු ඒමට පිටත්වූයේ ත්රිරෝද රථ ගාස්තුවට අමතරව සීයා ලබාදුන් සන්තෝසම් මුදල ද සාක්කුවේ දමාගෙනය.
සීයා ඇන්ඳ වූ ඇන්දිල්ල ගැන පාරම්බාමින් පැමිණි දෙදෙනාට දෙවියන් සිහිවූයේ යතුරුපැදියේ රඳවා තිබූ හෙල්මට් දෙකෙන් එකක් අතුරුදන්ව ඇති බැව් දැක්කාමලු._
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සීයා ඇන්දවූ මුණුබුරාට දවල් තරුත් පෙනිලා