සැමියා කාර්යාලයට ගෙන යන බෑගයෙන් හිස්කෑම පෙට්ටිය එළියට ගැනීමට ගිය බිරිඳට ඉංග්රීසි අකුරු කෙටූ පෙන්ඩනයක් හමු වී මහා ජංජාලයක් ඇතිවීමේ සිද්ධියක් දකුණේ ගමකින් වාර්තා වේ.
එදා ඔහු සිය කාර්යාලයෙන් කෙටි නිවාඩුවක් දමාගෙන පැමිණියේ රෝහලේ නේවාසිකව ප්රතිකාර ගනු ලබන හිතවතකු බැලීමටය. ගෙටවත් නොවැදුණු ඔහු සිය භාර්යාවට කන්තෝරු බෑගය දී යතුරුපැදියෙන් රෝහල වෙත ගියේ ඒ වන විටත් රෝගීන් බැලීමට වෙන්කර තිබූ කාලය ඉක්ම යමින් තිබූ නිසාය.
භාර්යාවට මේ වගක් නොකී ඔහු ගියේ හදිසි ගමනක් යනවා යයි පවසමිනි. දනිපනි ගා රෝහලේ වාට්ටුව තුළට ඔහු ඇතුළු වූයේ සිය ජංගම දුරකතනය ද ක්රියා විරහිත කරගෙනය. ඒ රෝහලේ නීති පද්ධතිය අනුවය.
මේ අල්ලපනල්ලේ ඔහුගේ භාර්යාව සැමියා කන්තෝරු රැගෙන යන බෑගය ඇවිස්සුවේ හිස් කෑම පෙට්ටිය එළියට ගැනීමටය. ඇයගේ නෙත ගැටුණේ රන් ආභරණ අලෙවි සලකින් මිලදී ගනු ලැබූ පෙට්ටියක් වෙතය. එහි වූයේ රන් පෙන්ඩනයකි. ඉංග්රීසි අකුරු දෙකක් ද කොටා තිබිණි. එයින් එක අකුරක් සිය සැමියාගේ නමේ මුල් අකුරවීමත් සමගම ඇයට උන්හිටිතැන් අමතක වූවාය.
සැමියා කාර්යාලයේ කාන්තාවක් සමග අනියම් සබඳතාවක් ගොඩනගාගෙන ඇතැයි එදා සිටම සැක කළ ඇය මෙය ඒ කාන්තාවට දීමට ගෙන ආ එකක් වීමට ඉඩ ඇතැයි සිතුවාය. ඒ මානසිකත්වයෙන් ඒ මොහොතේ සිට ඉවක්බවක් නොමැතිව කටයුතු කළ ඇය මේ සම්බන්ධයෙන් විමසීමට ඔහුට ඇමතුම් ගත්තද දුරකතනය ද විසන්ධිව තිබුණෙන් ඇයගේ සැකය තවත් වැඩි විය.
ඇය සිය දරුවන් දෙදෙනාද සමග ඇඳුම් පැළඳුම් ද රැගෙන ත්රිරෝද රථයකින් මහගෙදර ගියේ ආයෙත් නම් මේ වගේ සැමියකු එපා යයි කියමින් අසල්වාසීන්ද ඒ පිළිබඳව දැනුම්වත් කරමිනි. හැඬූ කඳුලින් මහගෙදර ගිය ඇය මේ සම්බන්ධයෙන් සිය සනුහරේම දැනුම්වත් කළේ සිය සැමියාගේ රෙදි ගලවමිනි.
අවේලාවේ දොර ජනෙල් වසා දමා නිවසේ කිසිවකු නොසිටි බැවින් ඔහු සිය භාර්යාවට ඇමතුමක් ගත්තේය. තමුසේ වගේ නොහොබිනා මිනිහෙක් එක්ක මම ආයෙත් දීග කන්න එන්නේ නැහැ. කාටද ඕයි අර මාල පෙත්ත දෙන්න හංගගෙන හිටියේ. අද මට තමුසෙගේ හොරේ අහුවුණා. තමුසෙට පේන්නේ නැහැ මම වැරහැලි ඇඳගෙන ඉන්න හැටි.’ සිදුවී ඇති දේ ඔහුට තේරුම් ගියේ ගිය නුවණ ඇතුන් ලවාවත් අද්දවා ගැනීමට දැන් බැරි යයි සිතමිනි.
භාර්යාවට ඇති තරම් ආඩපාලි කියන්න ඉඩ දුන් ඔහු භාර්යාව අමතා කීවේ හෙට අපේ කන්තෝරුවේ නෝනා කෙනකුගේ උපන් දිනයක්. ඇය හෙට අපිට දවල් කෑම වේලක් දෙනවා. ඒකට හිලව් වෙන්න කාර්යාලයේ අය සල්ලි එකතු කරලා මාල පෙත්තක් ගත්තා හෙට දෙන්න. මම අනිවාර්යයෙන්ම හෙට වැඩට යන නිසාත් කාර්යාලයට ළඟ නිසාත් මට ඒක ගෙදර ගෙනියන්න දුන්නා’ යැයි සැමියා කී විට සිදුව ඇති දේ ඇය තේරුම් ගත්තාය.
කරන්දෙණිය එම්. සුසිල් ප්රියන්ත
විවිධ ප්රදේශවලට ගමන් කරමින් අවදානම් සහිත පොල් ගස් කම්බි යොදමින් ඇද දමා බඳින පිරිසක් මාතලේ යටවත්ත ප්රදේශයේ නිවසක කාන්තාවකගේ අතින් ඇදීම හේතුවෙන් ගුට
අලුත් අවුරුද්දට සාදමින් සිටි කැවිලිවලට සීනි යැයි සිතා ලුණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්රදේශයෙන් වාර්තා විය. වාර්තා වන ආකාරය
වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ
අත දරුවෙකු කරපින්නා ගෙන මහ රෑ පැමිණි කාන්තාවකට උපකාර කරන්නට ගොස් අකරතැබ්බකට මුහුණ පෑ තරුණයෙකු පිළිබඳ පුවතකි මේ.
අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ
එළැඹෙන අලුත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං” වූ පුවතක් කැබිතිගොල්ලෑව වාහල්කඩට නුදුරු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සැමියාගේ කන්තෝරු බෑගයෙන් බිරිඳට රන් පෙන්ඩනයක් අසුවී වලියක් ඇරැඹිලා