(වියලුව වාර්තාකරු)
තම සැමියා නිවසේ දී පහර දුන් බවට පොලිසියට පැමිණිලි කිරීමෙන් පසුව ඔහු අත්අඩංගුවට ගෙන ගෘහස්ත ප්රචණ්ඩත්වය යටතේ නීතිය ක්රියාත්මක කිරීමට පොලිස් කූඩුවේ රඳවා සිටිය දී බත් මුලක් ද රැගෙන ගොස් තම සැමියා ආපසු ලබාදෙන ලෙස ඉල්ලමින් පොලිස් නිලධාරීන්ට ඇවිටිලි කළ කාන්තාවක පිළිබඳ පුවතක් ප්රදේශයේ පොලිස් ස්ථානයකින් වාර්තා විය.
සිද්ධිය මෙසේය.
ප්රදේශයේ කාන්තාවක් පසුගිය දිනක ප්රදේශයේ රෝහලකට ඇතුළු වූයේ සිය සැමියා පහරදුන් බව පවසමිනි. නිරන්තරයෙන් සැමියා පහර දෙන බවත් ඉන් තමුන් මෙන්ම දරු පැටවුන් ද දැඩි අපහසුතාවට පත්වන බවත් ඇය කියා සිටියාය.
ඒ සම්බන්ධයෙන් පොලිසියට ද පැමිණිල්ලක් ඉදිරිපත් වුණි. පොලිස් නිලධාරීනුත් ඒ අනුව නීතිය ක්රියාත්මක කිරීමට කටයුතු කළේ සැකකාර සැමියා අත්අඩංගුවට ගැනීමෙනි.
අත්අඩංගුවට ගත් සැමියා කළ වැරැද්දේ තරම අවබෝධ කර දුන් පොලිස් නිලධාරීන් ඔහුට එරෙහිව ගෘහස්ථ ප්රචණ්ඩත්වය යටතේ නඩු පවරන බව පවසමින් ඔහු පොලිස් සිර මැදිරියේ රඳවා තැබුවේ අධිකරණය වෙත ඉදිරිපත් කරන තුරුය.
සිද්ධිය සැලවීමත් සමගම ටිකට් කප්පවාගෙන රෝහලෙන් පිටව නිවසට පැමිණි බිරිඳ බත් මුලක් ද බැඳගෙන පොලිසිය වෙත දිවගොස් වැළපෙමින් පොලිස් කූඩුවේ සිටින සිය සැමියා නිදහස් කර දෙන්නැයි පොලිස් නිලධාරීන් ඉදිරියේ බැගෑපත් වූයේ හඬා වැළපෙමිනි.
එහෙත් පැමිණිල්ල බරපතළ බව පැවසූ පොලිස් නිලධාරීන් කියා සිටියේ මේ වනවිටත් බිරිඳගේ පැමිණිල්ල මත ගෘහස්ත ප්රචණ්ඩත්වය යටතේ නඩු පැවරීමට පියවර ගෙන ඇති බවය.
දැන් එය වෙනස් කිරීමට තමුන්ට බලයක් නොමැති බවත් එය විසඳා ගත යුත්තේ අධිකරණය මගින් පමණක් බවත් ඔවුහු කියා සිටියහ.
නිවසේ සිදුවන සුළු ගැටුම් පොලිසිය තෙක් දුරදිග යෑම දෙවරක් සිතා කළ යුතු දෙයක් බව ද ඔවුහු ඇයට පහදා දුන්හ.
කූඩුවේ සිටින සිය සැමියා දෙස කඳුළු පිරි දෙනෙතින් යුතුව බලා සිටි ඇය පොලිසියෙන් පිටව ගියේ ගෙයි ගින්දර පිටට දීමෙන් තමුන්ට සිදුවූ අවාසනාවන්ත ඉරණම පිළිබඳව තමුන්ටම සාප කර ගනිමිනි.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සැමියාගෙන් අම්බානක ගුටි කෑවත් බිරියගේ හදවත උණුවෙලා