(ඌරගස්මංහන්දිය බී.ජී. අමරසිංහ)
දකුණු පළාතේ සුන්දර ගංගා නිම්නයක පිහිටි මඩ කුඹුරු ගොවිතැනට ප්රසිද්ධ ගම්මානයක සමාජ සේවිකාවකගේ නිවසේ ඇඳක් යටින් උදළු තල තොගයක් මතුවීමේ අපූරු පුවතක් පසුගිය දිනෙක අසන්නට ලැබිණ.
ගමේ කාටත් උදව් කරමින් සැමගේ සිත් දිනාගත් වමට බර දේශපාලන පක්ෂයක ශාඛා සමිතියක ප්රබල නිලධාරිනියක වූ මෙම සිද්ධියේ කථා නායිකාව තනිකඩ අයෙකි. ඇය ජීවත් වූයේ ද තනිවම ය.
ප්රදේශයේ පොදු කටයුතුවලදී පෙරමුණ ගෙන ක්රියාකරන ඇය, ගමේ ලොකු කුඩා සැමගේ ප්රසාදය දිනාගත්තාය. ඇය නියෝජනය කළ පක්ෂයේ සාමාජිකයන්ගේ අවශ්යතාවල දී ඕනෑම දිනෙක පැය විසි හතර පුරා මන්ත්රීවරයාගෙන් කරගැනීමට ඇති රාජකාරිවලදී කැපවී කරදීම ඇයගේ සිරිතක්ව තිබිණ.
කොට්ඨාසයේ මන්ත්රීවරයාට ගමේ රැස්වීම් පැවැත්වීමේදී ජනතාව ඒකරාශි කිරීම මෙන්ම ගමේ අයගේ ඕනෑ එපාකම්වලදී ශක්තියක්ව සිටි ඇය පසුගිය දිනෙක හදිසියේ ඇතිවූ හෘදයාබාධකින් මියගියාය.
දේහය මල් ශාලාවට ගෙන ගිය අතර ගමේ බොහෝ දෙනකු මළ ගෙදරට පැමිණියහ. පිරිමි අය මාර්ගය දෙපස හා තණකොළ වැවී තිබූ මිදුල පිරිසිදු කිරීම කළ අතර කාන්තාවෝ නිවස ශුද්ධ පවිත්ර කළහ.
එම නිවසෙහි උදළු කෙටියක්වත් සොයා ගැනීමට නොවූ හෙයින් අහළ පහළ නිවෙස්වලින් උදළු ගෙනැවිත් වැඩ කිරීමට ඔවුනට සිදුවිය. “පව් බං අක්කා තමන්ගෙ වැඩ ගැන නොසිතා රටේ ලෝකේ මිනිස්සුන්ගෙ වැඩ කර දුන්නේ”.
මේ අතරේ නිවෙස අස් පස් කරමින් සිටි එක් කාන්තාවක මිදුල ශුද්ධ කරමින් සිටි පිරිමි පිරිසට ඇතුළට එන ලෙස කථා කළාය. බඩු මුට්ටු එහා මෙහා කර ගැනීමට වන්නට ඇතැයි කියමින් පිරිමින් පිරිසක් ගෙතුළට ගියහ.
පිරිමින්ට ගෙතුළට එන්නැයි පැවැසූ කාන්තාව ඇඳ යට බලන ලෙස පැවැසුවාය. ඇඳ යට උදළු තල 278 ක් තිබුණි. එම උදළු තල මීට වසර තුනකට පමණ පෙර ගමේ අයට බෙදාදීම සඳහා මන්ත්රීවරයකු ලබාදුන් ඒවා බව පිරිසට අවබෝධ විය.
“ඕක තමයි කියන්නෙ, මනුස්සයකුගෙ හොඳක් දකින්න නම් මැරෙන්නම ඕන කියලා” යැයි එහි සිටි ඉහ නිකට පැසුණු අයකු පැවැසුවා ලු.
සිය අතුරුදන් සැමියා ගැන හෝඩුවාවක් දැනගැනීමට දේවාලයකට ගිය බිරියට එම දේවාලය තුළදී සැමියා හමුවීමේ සිද්ධියක් සබරගමුව පළාතේ එක්තරා ගමකින් වාර්තාවේ. සිද්
පවතින ආර්ථික අගහිඟකම් හමුවේ නෑදෑ පිරිවර මැද වැයබර අඩුකර ගැනීමට තැනට උචිත නුවණ පාචිච්චි කළ නිවෙස් හිමියකු පිළිබඳව පුවතක් කලාවැව අවට මහවැලි ජනපද ගම්මා
සිසුන්ගේ කෑම පැකැට්ටුවෙන් රෙදි ගලවා ගත් අපූරු ගුරුවරයකු පිළිබඳ පුවතක් දකුණු පළාතේ පාසලකින් අසන්නට ලැබේ. පාසලේ පැවති ක්රීඩා උත්සවය සඳහා සහභාගී වන සි
විහාරස්ථානයක සල්පිල් වෙන්දේසියක දී තරුණ තරුණියන් තරග වැදී මිලට ගත් භාණ්ඩයක් නොවටිනා දෙයක් වීමෙන් වූ අලකලංචියකි. මෙය වාර්තා වන්නේ දකුණේ ගම්මානයකිනි.
සුද්දන්ගේ ක්රමයට සුද්දාට ආචාර සමාචාර කරන්න ගොස් සුද්දාගේ කළු බැල්ලියගෙන් හොඳම ආචාර සමාචාරයක් ලැබ ජීවිතය අනූනවයෙන් බේරාගත් කළු සුද්දකු පිළිබඳව අ
සාදයේදී පදම වැඩිවූ මිතුරාට අමුතු රසාස්වාදයක් ලබා ගැනීමට අමුතුම සුප් එකක් පානය කරන්නට සලස්වා හිරේ විලංගුවේ නොවැටී අනූනවයෙන් බේරුණු මිතුරන් පිරිසක් ප
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
සමාජ සේවිකාවගේ ඇඳ යටින් උදලු තල මතුවෙලා