(වියලුව වාර්තාකරු)
තම කුඹුරේ ජල මුරය ඉක්මන් කර ගැනීම සඳහා ආරූඪ වූ ගොවි මහතෙකුගේ උපායක් පිළිබඳව ගොවි ජනපදකින් දැන ගන්නට ලැබේ.
සිද්ධිය මෙසේය.
එය ප්රදේශයේ ප්රධානතම ගොවි ජනපදයකි. ප්රධාන ඇළ මාර්ගයේ ප්රමාණවත් තරම් ජලය නොමැති වීම නිසා කුඹුරු ඉඩම්වලට ජලය සපයනු ලැබුවේ කලින් සකසා ගත් විශේෂ මුර ක්රමයක් යටතේය.
ගොවීන්ගේ කුඹුරුවලට ජලය සැපයීම සඳහා විශේෂ ජල මුර ක්රමයක් ක්රියාත්මක කර තිබූ අතර ඒ සඳහා ගොවීන්ට වෙන් වෙන් වශයෙන් වේලාවක් හා දිනයක් ද ගොවි සංවිධාන විසින් වෙන්කර දෙන ලදී.
නියමිත වේලාවට තම ඉඩම්වලට ජලය හරවන්නැයි ගොවි සංවිධාන කොතෙක් උපදෙස් දුන්නද ඇතැම් ගොවීන් ඒ සඳහා වැඩි කාලයක් ගත කළේ සෙසු ගොවීන්ගේ ජල මුරවලටද බාධා එල්ලවන පරිද්දෙනි.
පෙර කී ගොවි මහතා ද නියමිත වේලාවට තම ඉඩමට පැමිණියේ ජල මුරය ක්රියාත්මක කිරීමටය. එහෙත් ඊට පෙර කුඹුරේ ජල මුරය ක්රියාත්මක කරමින් සිටි (වතුර හරවමින්) ගෙවිලියක් පෙරකී ගොවි මහතාගේ ජල සැපයුම් මාර්ගය ද අවහිර කරමින් ඇගේ කුඹුරට තවදුරටත් ජලය සැපයීමට කටයුතු කළේ නියමිත වේලාවද ඉක්මවා යමිනි.
හෝරාවකට ආසන්න කාලයක් තිස්සේ බලා සිටියදී පෙර කී කාන්තාව හිතාමතාම තම ජල මුරය පමා කරන බව තේරුම් ගත් හෙතෙම ඇය පන්නා දැමීමට අපූරු උපායක් ක්රියාත්මක කළේය.
කුඹුරේ නියරක් මතට ගොඩවූ හෙතෙම එක්වරම ගොයම් ගස් කීපයක් ගලවාගෙන ඒවා ඉහළට ඔසවමින් යකැදුරෙකු පරිද්දෙන් හූ තබමින් කුඹුර පුරා නටන්නට පටන් ගත්තේ පෙර කී කාන්තාව ද බියට පත් කරවමිනි.
හූ හඬ මැද්දේ මිනිස් බිල්ලක් ඉල්ලමින් කෑගැසූ ගොවි මහතාගේ මුහුණ මෙන්ම ඔහුගේ නර්තන විලාසයෙන් තව තවත් භීතියට පත් ගෙවිලිය පසුපස නොබලාම වැටී වැටී නිවෙස බලා දිව ගියේ මර ලතෝනි දෙමිනි.
නියමිත වේලාවටත් කලින් තම ජල මුරය අවසන් කළ ගොවි මහතා සිය නිවස බලා පිය මැන්නේ මහ මග දී හමුවූ අසල්වැසියන් කීප දෙනෙකුටද සිද්ධිය විස්තර කරමිනි.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වෙලේ වතුර හරවන්න ආ ගොවියාට යකා වැහිලා