(මොරගොල්ලාගම - සිසිර කැලේගම)
පෙම්වතුන්ගේ දිනයේ හොර රහසේ බාලවයස්කාර පෙම්වතිය රැගෙන යාමට පැමිණි පෙම්වතා යතුරුපැදි අනතුරක සිද්ධියකට සැකපිට අත්අඩංගුවට ගැනීම හේතුවෙන් පෙම්වතිය මහ මග අතරමං වූ පුවතක් පොල්පිතිගම පොලිසියේ රථවාහන අංශයෙන් වාර්තා වේ.
පොලිසියේ රථවාහන අංශය පවසන ආකාරයට සිද්ධිය මෙසේය.
පොල්පිතිගම, කුඹුකුළාව සීමාවේ යතුරුපැදි දෙකක් මුහුණට මුහුණ ගැටීමෙන් ඉකුත් 13 වැනිදා රාත්රී අටට පමණ සිදුවූ අනතුරකින් යතුරුපැදිකරුවකු තුවාල ලබා පොල්පිතිගම මූලික රෝහලට ඇතුළත් කර වැඩිදුර ප්රතිකාර සඳහා කුරුණෑගල ශික්ෂණ රෝහලට මාරු කර යවා තිබේ.
අනතුර සිදු කළ අනෙක් යතුරුපැදිකරු සැකපිට අත්අඩංගුවට ගත් අවස්ථාවේදී බාලවයස්කාර වියේ පසුවන්නකු බව හෙළිවී යැයි පොලිසිය සඳහන් කරයි.
පොලිසිය ඔහු අත්අඩංගුවට ගෙන සිටින අවස්ථාවේදී ඉකුත් 13 වැනිදා මැදියම් රැයේ පොලිස් බල ප්රදේශයේ පදිංචි බාල වයස්කාර තම දියණිය නිවසේ නොමැති බවට පැමිණිල්ලක් කිරීමට මවක පැමිණි බව පොලිසිය කියයි.
මෙම සැකකරු පෙම්වතියට ඊයේ පෙර දිනයක ජංගම දුරකතනයක් ලබාදී ඇත. මව ඒ බව දැන දුරකථනය ලබාගෙන ඇතත්, එහි සිම්පත දැරිය බාරයේ තිබී ඇති බව අනාවරණය වූ බව පොලිසිය කියයි.
ඉන් අනතුරුව ඇය වෙනත් දුරකතනයකට සිම්පත දමා පෙම්වතාට ඉකුත් 13 වැනිදා රාත්රියේ අතරමගට එන්නට කියා දැනුම් දී තිබේ. ඒ අනුව ඇය රැගෙන යාමට සැකකරු පැමිණෙන අවස්ථාවේදී මෙම අනතුරට පත්ව ඇති බවට තොරතුරු හෙළිකර ගැනීමට ද පොලිසියට හැකි වී තිබේ.
පොලිසියේ සිටින සැකකරුගෙන් තම දියණිය සිටින ඉසව්ව දැන ගත් මව ඇය සෙවීමට යාමට මත්තෙන් මහ මග ගමන් ගත් සිල් මාතාවන් පිරිසක් අතරමංව සිටි බාලවයස්කාර දියණිය මැදියම් රාත්රියේදී නිවෙසට ගෙනැවිත් බාරදී තිබෙන බව දැනගන්නට ලැබිණි.
මෙම යතුරුපැදි අනතුර සිදු නොවන්නට බාලවයස්කාර දියණියට සිදුවන්නට තිබූ අනතුරුදායක තත්ත්වය ඉන් වැළකී තිබෙන බවත් පොලිසිය කියයි.
සැකකරු වෙනුවෙන් පවුලේ කිසිවකුත් ඉදිරිපත් වී නැති බවත්, යතුරුපැදියක් පැදවීම සඳහා කිසිදු සුදුසුකමක් නැති මෙවැනි බාල වයස්කාරයකුට යතුරුපැදිය දුන් තැනැත්තාට එරෙහිව ද සැකකරුට අමතරව නීතිය ක්රියාත්මක කරන බව ද පොලිසිය පැවසීය.
විවිධ ප්රදේශවලට ගමන් කරමින් අවදානම් සහිත පොල් ගස් කම්බි යොදමින් ඇද දමා බඳින පිරිසක් මාතලේ යටවත්ත ප්රදේශයේ නිවසක කාන්තාවකගේ අතින් ඇදීම හේතුවෙන් ගුට
අලුත් අවුරුද්දට සාදමින් සිටි කැවිලිවලට සීනි යැයි සිතා ලුණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්රදේශයෙන් වාර්තා විය. වාර්තා වන ආකාරය
වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ
අත දරුවෙකු කරපින්නා ගෙන මහ රෑ පැමිණි කාන්තාවකට උපකාර කරන්නට ගොස් අකරතැබ්බකට මුහුණ පෑ තරුණයෙකු පිළිබඳ පුවතකි මේ.
අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ
එළැඹෙන අලුත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං” වූ පුවතක් කැබිතිගොල්ලෑව වාහල්කඩට නුදුරු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වැලන්ටයින් දා පෙම්වතා කූඩුවේ පෙම්වතිය මහ පාරේ