(කරන්දෙණිය එම්. සුසිල් ප්රියන්ත)
ජෝඩු සඳහා කාමර කුලියට දෙන ස්ථානයක සිය යතුරුපැදිය දමා ගිය අයකුට තමාගේ නිරවද්යතාව බිරියට පෙන්වීමට රාජකාරි අත්සන් ලේඛනයේ පැමිණීමේ හා පිටවීමේ පිටපත් පෙන්වීමට සිදුවූ අපූරු පුවතක් දකුණු ගම් පළාතෙන් වාර්තා වේ.
එදා ඔහු සිය යතුරුපැදිය නගරයේ ජෝඩු සඳහා කාමර කුලියට දෙන හිතවතකුගේ ස්ථානයක නවතා රාජකාරියට ගියේය. ඒ තමා යතුරුපැදිය වෙනදා දමන නිවෙසේ කවදාවත්ම නැතිව ගේට්ටු වසා තිබීම නිසාය. ඔහු යතුරුපැදිය නවතා දමා ගිය මේ ස්ථානය හදිසියෙන්ම පොලිසිය වැටලුවේ එහි ගණිකා නිවාසයක් පවත්වාගෙන යතැයි කියන තොරතුරකට අනුවය. එහිදී ජෝඩු කිහිපයක්ම පොලිස් අත්අඩංගුවට පත්වූ අතර එක් අයෙක් පැන ගියේය. පොලිසිය සිතුවේ පැන ගියේ යතුරුපැදියෙන් පැමිණි අය සිතාය. එබැවින් මේ ස්ථානයේ නවතා තිබූ යතුරුපැදි පොලිස් නිලධාරීන් සිය සේවා ස්ථානයට පටවාගෙන ගියේය.
මේ සමගම අපේ කතානායකයාගේ බිරියට මෙය සැලවූයේ සිය සැමියා වෙනත් කාන්තාවක සමග මේ ස්ථානයට පැමිණ සිටියදී පොලිසිය වටලන අවස්ථාවේදී ඔහු පැන ගොස් ඇති බවය. වෙනදාට වඩා සිය සැමියා ප්රබෝධයකින් අවදි වී නාගෙන සුවඳ විලවුන් තවරාගෙන පිළිවෙළකට ඇඳුම් පැලඳුම් ඇඳගෙන නිවෙසින් පිටවී යාම ඇයට ලැබුණු මේ පුවත තවත් මල් පල දැරීමට සාධකයක් විය. ඒ පුවත ලැබූ වේලාවේ සිටම ඔහුගේ ජංගම දුරකතනය ක්රියා විරහිත වී තිබීම බිරියගේ සැකය තවත් තහවුරු කරන්නක් විය.
එදා ඔහු ගියේ ආයතන ප්රධානීන් සමග දිනය පුරාම ක්රියාත්මක වූ විශේෂ වැඩමුළුවකට බව ඇය නොදැන සිටියාය. මේ නිසාම ඔහුට පිළිවෙළකට ඇඳ පැලඳගෙන යාමට සිදුවූවක් මෙන්ම දවස පුරාම සිය ජංගම දුරකතනය ක්රියා විරහිත කොට තබා ගැනීමට ද සිදු වූයේය.
සිය රාජකාරිය නිමා කර යතුරුපැදිය ගැනීමට ගිය අවස්ථාවේදී සිදු වූ අකරතැබ්බය දැනගත් ඔහු පොලිසියට ගොස් තමා කවුදැයි හඳුන්වා දී තමාගේ නිරවද්යතාව පෙන්වා අත්අඩංගුවට ගත් යතුරුපැදිය නිදහස් කර නිවෙසට පැමිණි විට ඔහු පෙර මග එන තෙක් බිරිය කොස්ස අතේ තබාගෙන මුරකරමින් සිටියාය. වැඩේ ගැස්සී ඇති බව දුරදීම තේරුම් ගත් ඔහු තමා වරදක් නොකළ තිබුණ ද සිය භාර්යාවගේ මොළයේ තරම දන්නා බැවින් එකවර නිවෙසට ගොඩ නොවී මේ මොකදැයි ඇසූවේ කොසු පහර අනිවාර්යයෙන්ම කෑමෙන් වැළකීමටය.
මොකද මොකද තමයි කියමින් කට අරිය ඇය දන්නා සිංහලෙන්ම ඔහුට එක දිගටම ඇමතුවාය. ඒ විතරක් නොව කාමරේට ගිය කාන්තාව සමග යන ලෙස ද ඇය ඔහුට තර්ජනය කළාය. තමන් දන්නා සිංහලෙන් නිරවද්යතාව පෙන්වීමට ඔහු උත්සාහ කළත් පලක් නොවූ තැන මේ දෙදෙනා එකඟත්වයකට පැමිණියේ එදා දිනයේ ඔහුගේ රාජකාරි අත්සන් ලේඛනයේ පැමිණීමේ හා පිටවීමේ පිටපත් ඊට පසු දින ගෙනත් පෙන්වීමේ පොරොන්දුව පිටය. ඒ වනවිටත් ඔහුගේ නෑයන් මෙන්ම අසල්වාසීන් ද ඔහු ගැන තිබූ විශ්වාසය දිනක් යනතෙක්ම බිඳගෙන තිබුණේ බිරියගේ අවිචාරශීලී හැසීරීම නිසාය.
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වැරදි තැනක යතුරු පැදිය තියලා බිරියගෙන් බේරෙන්න ‘සාම ගිවිසුමක්’ ගහලා