(වියලූව වාර්තාකරු)
අනුන්ගේ ගෙවත්තක හොරෙන් අඹ කඩන්නට ගොස් වතු හිමියාගේ ගල් දුණූ පහරකින් තුවාල ලැබූ පුද්ගලයෙකු වතු හිමියාගෙන් රුපියල් පන්සියයක වන්දියකුත් රැගෙන ඔහුගේ වාහනයෙන්ම සිය නිවස බලා පැමිණි බව කියවෙන පුවතක් වාර්තා විය.
සිද්ධිය මෙසේය.
ඔහු ප්රදේශයේ සාමාන්ය වැවිලිකරුවෙකි. යමක් කමක් ඇති ව්යාපාරිකයෙකි. ඉඳහිට විවිධ සමාජ විරෝධී වැඩවල ද නිරත වූවෙකි. අක්කර දහයක් පහළොවක් වූ ඔහුගේ අඹ වත්තේ සරුවට වැඩුණු අඹ ඵලදාව දුටු පුද්ගලයකු එදින උදෑසනින්ම වත්තට රිංගුවේ හොඳවෑයින් අඹ ගෙඩි හත අටක් කඩා ගැනීමේ අටියෙනි.
ඔහුට අඹ ගස මත රැඳී සිටීමට හැකිවූවේ සුළු වේලාවකි. අඹ කොළ අස්සෙන් පැමිණි ගල් කැටයක් හිසේ වැදී ලේ ගලන්නට වූවේ ඔහුට දෙවියන් බුදුන් සිහි කරමිනි.
ගල් පහර නිකුත්වී තිබුණේ වතු හිමියාගේ අතෙහි වූ ගල් දුන්නෙනි. හොරාගේ කෑ ගැසීමත් සමගම එහි පැමිණි වතු හිමියා හොරාත් ඔහු අත වූ අඹ මල්ලත් සිය ග්රහණයට ගත්තේ ඔහුට නොසෑහෙන සේ දෙස් දෙවොල් තබමිනි. එයින් නොනැවතුණු හෙතෙම ඔහු පොලිසිය වෙත රැගෙන යන බවට ද තර්ජනය කළේ ඔහුගේ ලේ ගලන තුවාලය ගැන පවා නොසිතමිනි.
පරාජය පිළිගන්නට මැලි වූ තුවාලකරු ද ‘හොඳයි පොලීසි ගිහින්ම ප්රශ්නේ විසඳා ගනිමු’ යැයි ව්යාපාරිකයාගේ යෝජනාවට එක පයින්ම කැමැත්ත පළ කළේ ‘මම ඉස්පිරිතාලෙ නැවතුණ විට මුදලාලි කූඩුවේ දානවා’ යැයි ව්යාපාරිකයාට නීති උපදෙසක් ද ලබා දෙමිනි.
සැබෑවටම පොලීසි ගියහොත් කුමන අන්දමේ මරාලයක් හිසේ කඩා වැටෙන්නට බැරි නැතැයි සිතූ හෙතෙම අවසානයේදී හොරා අතට අඹ මල්ලත්, රුපියල් 500 ක නෝට්ටුවකුත් දුන් ව්යාපාරිකයා ළඟපාත ඩිස්පැන්සරියකින් ඔහුට ප්රතිකාර ලබාදී නිවසටම ගෙන ගොස් ඇරලූවේ ‘ආය එහෙම අඹ කඩලා අහුවෙන්න එපා’ යැයි පවසමිනි.
පවතින ආර්ථික අගහිඟකම් හමුවේ නෑදෑ පිරිවර මැද වැයබර අඩුකර ගැනීමට තැනට උචිත නුවණ පාචිච්චි කළ නිවෙස් හිමියකු පිළිබඳව පුවතක් කලාවැව අවට මහවැලි ජනපද ගම්මා
සිසුන්ගේ කෑම පැකැට්ටුවෙන් රෙදි ගලවා ගත් අපූරු ගුරුවරයකු පිළිබඳ පුවතක් දකුණු පළාතේ පාසලකින් අසන්නට ලැබේ. පාසලේ පැවති ක්රීඩා උත්සවය සඳහා සහභාගී වන සි
විහාරස්ථානයක සල්පිල් වෙන්දේසියක දී තරුණ තරුණියන් තරග වැදී මිලට ගත් භාණ්ඩයක් නොවටිනා දෙයක් වීමෙන් වූ අලකලංචියකි. මෙය වාර්තා වන්නේ දකුණේ ගම්මානයකිනි.
සුද්දන්ගේ ක්රමයට සුද්දාට ආචාර සමාචාර කරන්න ගොස් සුද්දාගේ කළු බැල්ලියගෙන් හොඳම ආචාර සමාචාරයක් ලැබ ජීවිතය අනූනවයෙන් බේරාගත් කළු සුද්දකු පිළිබඳව අ
සාදයේදී පදම වැඩිවූ මිතුරාට අමුතු රසාස්වාදයක් ලබා ගැනීමට අමුතුම සුප් එකක් පානය කරන්නට සලස්වා හිරේ විලංගුවේ නොවැටී අනූනවයෙන් බේරුණු මිතුරන් පිරිසක් ප
දකුණේ රාජ්ය අනුග්රහය ලබන එක්තරා ආයතනයක “සර්” කියා ගැනීමට මහත් ගිජුකමක් දැක්වූ නිලධාරියකුගෙන් තමාගේ කටයුත්ත ඉටු කර ගැනීමට ලිපියක් ලියා ඒ තුළ සර් යය
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
වතු හිමියාගේ ගල් පහරින් අඹ හොරාගේ හොද්ද බොරවෙලා
මැන්ගෝ ෆ්රෙන්ඩ් Tuesday, 12 December 2017 02:25 PM
සල්ලි දහස් ගණනක් වියදම් කරලා අන්තිමට රුපියල් දහසක් ලැබිලා අපටත් උනේ අඹ වත්තේ අයිතිකාරයට වෙච්ච දේමයි. කොයි හොරත් වාසනාවන්තයි නේද ?
priyantha Wednesday, 13 December 2017 08:48 AM
මේක දැන් හොරුන්ට යටවුනු රටක් වෙලා නේද?
Bamunuarachchi Friday, 15 December 2017 03:03 PM
මුදලාලි මැට්ටෙක් නිසා හොඳයි. මම නම් හොරාගේ කකුල් දෙකත් කඩලයි පොලිසියට බාර දෙන්නේ. මමනම් පොලිසියට කියන්නේ මම එනවිට ගහෙන් පැනලා කකුල් කඩාගෙන ඔලුවත් පලා ගත්තා කියලයි.
gunarathnaFriday, 22 December 2017 03:29 AM
අනේ බමුණෝ මම හොරකම් කෙරුවනම් මම පොලිසියට කියන්නේ මට අඹ කඩල දෙන්ට කීව.කඩන්ට ගහට නගිද්දී වෙටිලා කකුල කඩල ගියා කියල.