(ඇල්පිටිය චන්ද්රසිරි ගුණසේකර)
වැඩි වියදමකින් තොරව සිය නිවස පින්තාරු කිරීමට ගිය නිවැසියකුට ඔහුගේ ලෝබකම නිසා සිතුවාට වඩා වැඩි මුදලක් එයට දැරීමට සිදුවූ පුවතක් දකුණු පළාතේ ගමකින් වාර්තා වේ.
වාර්තා වන අන්දමට සිද්ධිය මෙසේය.
නිවාස පින්තාරු කිරීමට ඉතා දක්ෂ පළපුරුදු බාස්කෙනෙකු ගමක සිටියේය. ඊට අල්ලපු ගමේ සිටි තරමක් ධනවත් එහෙත් ඉතාම ලෝබකමක් දක්වන නිවැසියකුට සිය නිවස පින්තාරු කර අලුත්වැඩියා කර ගැනීමට අවශ්ය විය.
ඔහු මෙම බාස් සොයාගෙන ගොස් වැඩේ කරන්න කතිකා කර ගත්තේය. ඒ අනුව බාස්ගෙන් අවශ්ය තීන්ත ඇතුළු උපකරණ ලැයිස්තුවක් ලබාගෙන ඒවාත් නිවසට ගෙනාවේය.
යොදාගත් දිනයේ බාස් නිවසට පැමිණ නිවස අලුත්වැඩියා කිරීමේ කටයුතු පටන් ගත්තේය. නිවැසියා ද ඒ වැඩ ගැන විමසිලිමත් වෙමින් ඒ අසලම ගැවසුනේය. නිවැසියාට මුදල් හදල් තිබුණ ද ඉතා ලෝබ අයෙකු බව බාස් උන්නැහේ දැන සිටියේය. ඒ නිසා නිවැසියා අසන ප්රශ්නවලට බාස් පිළිතුරු දුන්නේ ඒ බව සිතේ දරාගෙනය.
මේ නිසා තීන්ත කවලම් කිරීමට පෙර බාස් කළේ ගෙනා තිනර් බෝතල් දෙකක් නිවැසියාට හොරෙන් කඩා වෙන භාජනයකට දමා වසා තබා තිනර් බෝතල් දෙකට වතුර පුරවා ඒ අයුරින්ම වසා දැමීමය.
පසුව බාස් උන්නැහේ නිවෙස් හිමියා ඉදිරිපිටම තීන්ත සකස් කළේය. තීන්ත සකස් කිරීමේ දී බාස් තිනර් බෝතලය නිවැසියාට පෙනෙන්නට ගලවා ඒවා තීන්ත භාජනයට දමා කලවම් කළේය. ඉන්පසු බිත්තිවල ආලේප කළ අතර ඉන් ලස්සන පෙනුමක් ආවේය.
එදින සවස වැඩ අවසන්ව බාස් යන්නට සැරසෙද්දී නිවැසියා පැවසුවේ දින දෙක තුනකට අත්යවශ්ය ගමනක් යෑමට සිදුව ඇති බැවින් හෙට සිට පසුව දන්වනතුරු වැඩට නොපැමිණෙන ලෙසය.
ඒ නිසා පසුදා බාස් වැඩට ගියේ නැත. නිවැසියා සූදානම් වුණේ බාස් කළ විදියටම තීන්ත කළවම් කර බිත්තිවල ආලේප කිරීමටය.
තීන්ත ගෙන ඊට තිනර් දමා කළවම් කළේය. එහෙත් තීන්ත සියල්ලම එකට ගුලි ගැසුණා මිස දිය වුණේ නැත. ගෙනා තීන්ත ටින් දෙකක් මෙසේ වූ විට ඔහු බිරිඳට මේ බව පවසා සිටියේය.
නොදන්න මගුල් කරන්න ගිහින් සල්ලි නාස්ති කළා යැයි සැමියාට දොස් නැගූ බිරිඳ බාස් හමුවීමට ගොස් අනේ බාස් උන්නැහේ හෙටම ඇවිත් අර ඉතුරු ටිකත් තීන්ත ගාලා දෙන්නැයි’’ ඉල්ලා සිටියේය.
මොකද මහත්තයා වැඩේ අනාගත්ත ද මං ඕක දැනගෙන හිටිය හාමිනේ කියූ බාස් පසුව ගොස් ඉතිරි බිත්තිත් තීන්ත ආලේපකර දුන් අතර නිවැසියා ඒ අසලකටවත් ආවේ නැත.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ලෝබයා නොදන්න දේට ගිහින් වරිගෙ නහගෙන
sana Saturday, 17 October 2020 05:08 AM
තිනර් සුවඳින් අඳුනාගන්න පුළුවන්... අනික මේ තීන්ත බාස්කරලා තියෙන්නේ වංචාවක්... කරන්න තිබුණේ ඒ බාස්ට කවදාවත් ආයි වැඩ නොදෙන්න මුළු ගම පුරාමයි හාඩ්වෙයාර්වලයි ගිහින් කියන්න. තිනර් වෙන බෝතලේකට දාලා බාස් ගෙදර අරගෙන ගියා නම් මොකද කරන්නේ? අනෙක තමන්ගේ ගෙදර වැඩක් කරද්දි ඒක ළඟට වෙලා හොයා බලන එක ලෝබකමක් නොවේ...