(වියලුව වාර්තාකරු)
නිවසේ සියලු වැඩ පසෙක ලා එක පොකුරට පුංචි තිරයේ ටෙලි නාට්ය නැරඹීමට පුරුදුවී සිටි බිරියට අමතක නොවන පාඩමක් ඉගැන්වූ සැමියකු පිළිබඳව පුවතකි මේ.
මැදිවියේ කාන්තාවක් වූ ඇය දෙදරු මවකි. පුංචි තිරයේ ටෙලි නාට්යවලට වහ වැටී සිටි ඇය ඒ සියල්ල මග නෑර නැරඹුවේ නිවසේ සියලු කටයුතු අතපසු කරමිනි. හොඳින් නරකින් කුමන ආකාරයකින් ඒ ගැන පහදා දෙන්නට ඇගේ සැමියා කටයුතු කළ ද එකී කිසිවක් ගණන් ගත්තේ ඇය නොවේ.
පසුගිය දිනක කිසියම් අවශ්යතාවක් වෙනුවෙන් බිරිය සිය නිවසින් පිටව ගියේ හැකි විගස යළි නිවසට පැමිණෙන බව සැමියාටද දැනුම් දෙමිනි.
බිරිය නිවසින් නොපෙනී යනතෙක් බලා සිටි සැමියා සාලයේ තිබූ රූපවාහිනී යන්ත්රය සිය යතුරුපැදියේ ගැට ගසාගෙන පවනට බඳු වේගයෙන් එය පැදගියේ නගරයේ බෝතල් පත්තර වෙළෙඳසලටය.
මුදලාලි මේක ටිකක් පරණයි. හැබැයි හොඳට පේනවා. මෙන්න මේක තියාගෙන කීයක් හරි දෙන්න. ඔහු ඇඟට පතට නොදැනී කියා සිටියේ හිසේ වූ ලොකු බරක් බිම තිබ්බාක් වැනි හැඟීමෙනි.
රුපියල් 4000ට රූපවාහිනිය විකිණූ හෙතෙම බිරියටත් කලින් නිවසට පැමිණ කිසිත් නොවූවාක්සේ සාලයේ ඇලවී සිටියේ දෙන්නට උත්තරයක්ද පිළියෙළ කර ගනිමිනි.
මොහොතක් ගතවෙද්දී නිවසට ගොඩවූ බිරියට දැක ගන්නට ලැබුණේ සාලයේ තිබූ තමාගේ ලොකුම වස්තුව වූ රූපවාහිනී යන්ත්රය අතුරුදන්ව තිබූ අයුරකි.
“කෝ අනේ මෙතන තිබුණු ටීවී එක යනුවෙන් ඇය අසද්දී “ආ... ඒක මම එළියට ගියවෙලාවේ හොරු ගෙනිහින්” යැයි ඇඟට පතට නොදැනී කියා සිටියේ මුවගට නැගුණු මඳ සිනහවද යටපත් කර ගනිමිනි.
පැය කීපයක් ගතවෙද්දී සියල්ල දැනගත් බිරිය යක්ෂාවේශයෙන් හැසිරෙන්නටත් හඬා වැළපෙන්නටත් පටන් ගත්තද දින කීපයකට පසුව සියල්ල පහවී ගොස් ඇත.
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
කටුපොත අපේ කිට්ටුම නෑකෙනෙක් හදිසියේ මිය ගිහිල්ලා. මම දැන් මළ ගෙදරට යන්න ඕනෑ. ආරංචි වුණේ අද. රෝහණ සිය මිතුරන්ට කටුපොත සිදු වී ඇති මළගම ගැන විස්තර කීවේය. මළ
අමුතු ආගන්තුක සත්කාරයක් කළ ගැමියකු ගැන පරගල ප්රදේශයෙන් වාර්තා වෙයි. සිද්ධිය මෙසේය. ඔහු අධ්යාපනය නොලද, තරමක මෝඩ පහේ ගැමියෙකි. විවාහක ඔහු රජයේ අනවසර ඉඩ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රූපවාහිනියේ ඇලුණාට සැමියා පාඩමක් උගන්වලා
kris Monday, 20 November 2017 10:50 AM
ටෙලිනාට්යවලට ඇබ්බැහි වෙලා ඉන්න ගැහැණු ගැන නම් කියලා වැඩක් නැහැ. දවස පුරාවටම වැඩ කරලා හවසට නිවසට එන සැමියාට තේ එකක්වත් හදලා දෙන්නේ නැහැ. හුඟක් වෙලාවට බත් එක බෙදාගෙන කන්න වෙලා තියෙන්නෙත් සැමියාටමයි. මනෝ ලෝකෙක ජීවත් වෙන්නේ.. මෙවැනි ගෙදරක පාසල් යන වයසේ ළමයි ඉන්නවා නම් එයාලට දෙයියන්ගේම පිහිටයි.
දාවිත්Tuesday, 21 November 2017 08:31 AM
දැං ගෙදර උන්දෑ වටේ ගෙවල් වලට යන්න ගනී. එතකොට 50000ට විතර අලුත් ටීවි එකක් ගෙන්න වෙයි...
pakeer Monday, 20 November 2017 11:42 AM
අපේ ගෙදර අන්තිමට TV එකක් තිබුණේ 1998. මම සහ මගේ ගෙදර අය පුදුම සැහැල්ලුවකින් ඉන්නේ TV නැති නිසා . මට පුදුම සතුටක් තියෙන්නේ. අපි අනුන්ගේ කුණු කන්දල් සහ බේගල් වෙනුවෙන් අපේ කාලය නාස්ති කරන්නේ නැහැ. අපේ ඇසින් අපි ලෝකේ දිහා බලන්නේ. අනුන්ගේ ඇස් වලින් අනුන්ගේ ගොන් මෝල් අදහස් වලට අනුව නෙමෙයි.
gnanapalaThursday, 23 November 2017 09:48 PM
1998 ගෙදරට කොම්පියුටරේ ගත්ත අවුරුද්ද ද ?
Thusha Monday, 20 November 2017 01:04 PM
රූපවාහිනියට නොවෙයි ඕනෑම දේකට ඇබ්බැහි වුණොත් තමයි නැති ප්රශ්න ඇතිවෙන්නේ. පමණ දැන පාවිච්චි කරනවා නම් අවුලක් වෙන්නේ නැහැ.
minipe Monday, 20 November 2017 04:43 PM
මේ කතාවත් රුපවාහිනියේ යන කතාවක් වගේ, කුචි කවාගෙන හිනාවෙන්න වෙනවා.
Don Tuesday, 21 November 2017 06:29 AM
වර්තමානයේ හොයාගන්න පුළුවන් හොඳ බිරිඳක් .. එළියට ගියත් හැකි ඉක්මනින් නිවසට එන්න බලන් ඉන්නේ ..සැමියා පොඩ්ඩක් ගෙදර දොරේ වැඩ කටයුතු කරන්න උදවුවක් දුන්න නම් හොඳට පවුල් කන්න තිබුන .දැන් නෝනා වැඩිපුර ගෙදරින් එලියට බහින්න පුළුවන් .. නොහිතපු ප්රශ්න ඇතිවෙන්න තියෙන ඉඩ දැන් වැඩියි . මම කිවුවේ එක පැත්තකින් කල්පනා කරලා පමණයි ..වර්තමානයේ සමාජයට එලි බහිනවා කියන්නේ අනතුරුදායකයි .. ගැනියෙක්ව දැන් කාලේ ගෙදර තියාගන්න මොන තරම් අමාරුයිද ..
pradeep Thursday, 23 November 2017 06:22 AM
අනික අද තියෙන රූපවාහිනි වැඩසටහන් බලන්නේ කීයෙන් කීදෙනාද ? අනික බලන්න කියල වැදගත් එක දෙයක්වත් තියෙනවද ? ටීවී එක දාපුවෙලාවේ ඉඳන් ගැණු , දරුවෝ , ආච්චිලා , සීයල වෙලදදැන්වීම් වල බොරු පතුරුගහනවා , සිහිනලෝක මවනවා, ලොතරැයි දිනුම් පෙන්වල සුදුවට හුරුකරවනවා , ළමෛන්ට බලන්න කිසිමදෙයක් නැති තරම්.