(මීරිගම විශේෂ – පුෂ්පකුමාර මල්ලවආරච්චි)
රෑ කෑමට පාන් ගෙඩි දෙකක් කිලෝමීටරයක් දුරින් පිහිටි බේකරියකින් ගෙන්වා ගැනීමට රුපියල් පන්සියයක් වියදම් කරන්නට සිදුවූ පුවතක් පසුගියදා නුගේගොඩ ප්රදේශයෙන් වාර්තා විය.
රටම දන්නා වියතෙකුගේ නිවහනකි. රාත්රී ආහාර වේලට පාන් කමුයැයි යෝජනාවක් කෙරිණි. දින ගණනාවක් තිස්සේ බතින් පමණක් සප්පායම්වන්නට සිදුවීම නිසා දෙමහල්ලෝ මේ තීරණය ගත්තේ ඒකමතිකවය.
ඒ අනුව ප්රදේශයේ නමගිය බේකරියකට ඇමතුමක් ලබාදී පාන් රාත්තලක් ලබාගැනීමට අවශ්ය බව දැන්විය. එවිට කියවුණේ එක් පාන් ගෙඩියක් වෙනුවෙන් තම ජංගම රථය එවන්නට බැරි බවය. අඩු තරමේ පාන් ගෙඩි දෙකක්වත් ගන්නේ නම් එවිය හැකි
බවත්ය.
ඒ අනුව මේ වියතා පාන් රාත්තල් දෙකක් ඇණවුම් කළේ එකක් පසුදා උදේ ආහාරයට ගන්නා අදහස ඇතිවය. ඇණවුම පරිදි ත්රිරෝද රියක් පැමිණියේය. පාන් ගෙඩි දෙක සමග බිල්පතක් ද විය. පාන් ගෙඩියක් රුපියල් එකසිය පනහ ගානේ දෙකට රුපියල් තුන්සියයකි. ප්රවාහන ගාස්තුව සමග මුළු මුදල රුපියල් පන්සියයක් බව එහි දැක්විණි.
කිසිවක් කරකියා ගත නොහැකි වූ මේ වියතා තමන් ගැටයකට අහුවුණු බව තේරුම් ගත්තේය. කිසිත් නොදොඩා රුපියල් පන්සියය ගෙවනු ලැබීය. ත්රිරෝදය ගිය පසුව ඔහු පාන් ගෙඩි දෙක කිරා බැලීය. එහි බර ග්රෑම් හයසියයක් තරම් විය. ඇඳිරිය ඉවත් කරන තුරාවට ආයේ නම් පාන් නොකන තීරණයක් ගත් ඔහු පැවසුවේ ප්රවාහන ගාස්තුව රුපියල් දෙසියයක් ලබාගැනීම ගැන දුකක් නැති නමුත් රුපියල් එකසිය දහයකට මිල කෙරෙන පාන් ගෙඩි දෙකට රුපියල් තුන්සියයක් අය කිරීම සාධාරණ නැති බවයි.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රෑ කෑමට පාන් ගන්න රුපියල් 500 ක් ගිහින්
kithsiri Thursday, 23 April 2020 04:25 AM
ගැටයක් නෙමෙයි. මේක සාමාන්ය ගාන. මාත් එක සැරයක් ගෙන්නාගත්ත... ලොකු සැන්විච් පාන් 2 ට රු.300/-. ට්රාන්ස්පෝර්ට් 200/-. ඒ එක්ක තව ස්නැක්ස් ටිකක් ඕඩර් කළා ප්රවාහන ගාස්තුව එකම නිසා. ගේන්න කලින් බිල හම්බවෙනවනේ.
thilak Thursday, 23 April 2020 10:39 AM
පාන් රාත්තලේ බර අඩු වීම පිළිබඳව පාරිභෝගික අධිකාරියට පැමිණිලි කල යුතුයි. ලංකාව කිසි දවසක දියුණු රටක් බවට පත් නොවන්නේ මෙවැනි ගසා කන්නන් නිසයි.
lalithm Friday, 24 April 2020 07:41 PM
ලංකාව දියුණු වෙන්නේ නැති හේතු ගොඩක් නිසා. පළමුව කිසිම දෙයක වටිනාකම එකතු කිරීම දන්නේ නැහැ. සේවයකට මිලක් තියෙන්නේ ඕනේ. හැම දෙයක්ම නිකම් දෙනකම් කට ඇරගෙන නියාලු වෙන්නේ නැතිව ස්වාධීන ජීවිතයක් ගෙවන්න පුරුදු වෙනකම් දියුණු වෙන්න බැහැ . පේනවනේ රු.5000/= කට නිවට වෙන ගණන කොච්චරද කියල? පින්බත් කාලම කාලකන්නි වෙලා.