මංගල සාදයකට සහභාගී වී පදම ඉක්මවා සුරාව පානය කළ මැදිවියේ පසුවන්නකු තමන් පැමිණි යතුරුපැදිය වෙනුවට විල්බැරොවක් තල්ලු කරගෙන නිවෙසට ගිය සිද්ධියක් ගිරිබාව ප්රදේශයේ ගමකින් දැන ගැනීමට ලැබුණි.
මේ විවාහ මංගල්යය ජයටම ගැනීමට නිවැසියන් කටයුතු යොදා තිබිණි. ගමේ ඥාති හිතවතුන්ට පමණක් නොව අසල්වැසි ගම්වල ඥාති හිතවතුන්ට ද ඒ සඳහා ආරාධනා කෙරිණි.
ආරාධනාව අනුව අසල්වැසි ගමක හිතවතකු ද කල්වේලා ඇතිව දිවා භෝජන සංග්රහයට සම්බන්ධවීමට සිය යතුරුපැදියෙන් එහි ගොස් තිබේ. මංගල සාදය පැවැත්වූ නිවෙසට ආසන්නයේ වූ වෙනත් නිවෙසක යතුරුපැදිය නතර කළ ඔහු ඒ ටික දුර පා ගමනින් ගියේය.
මංගල්යය පැවැත්වූ නිවෙසේ වැඩිහිටියෝ ඔහු සාදරයෙන් පිළිගත්හ. ප්රධාන මඟුල් මඬුවේ අසුන්ගත් හෙතෙම සිසිල් පැන් වීදුරුවක් ද හිස් කළේය. මඳ වේලාවකින් ගෙවත්තේ තැන් තැන්වල ඉදිකොට තිබූ කූඩාරමක් යටට හෙතෙම ඇදී ගියේය. මත්පැන් බෝතල්, කට ගැස්ම ආදිය මේසය මතට පැමිණෙන්නට විය. මේසය වටා තවත් හතර පස්දෙනෙක්ම වූහ. මත්පැන් බෝතල් එක, දෙක, තුන වශයෙන් හිස් වන්නට විය. ඔහුගේ පදම ඉක්මවා ගියේය. සෙස්සෝ දිවා භෝජනය භුක්ති විඳීමට පිටව ගියහ. ඔහු හිස මේසය මත තබාගෙන සැප නින්දකට අවතීර්ණ විය.
“දැන් හවස හයයි. ගෙදර යන්න බැරි නම් ඇතුළට ඇවිත් නිදාගන්න” නිවැසියෙක් පැමිණ ඔහු අවදි කළේය.
“නෑ... නෑ... ගෙදර යන්න පුළුවන්. මෝටර් සයිකලය අහවලාගේ ගෙදර තියෙනවා. මං යන්නම්” කී ඔහු බමන මතින්ම හුන් තැනින් නැගිට පාරට බැස යතුරුපැදිය නවතා තබා පැමිණි නිවෙසට ගියේය. යතුරුපැදිය අසලම විල්බැරෝවක් තිබී ඇත. හේ විල්බැරෝව ගෙන ‘කික්’ කොට තිබේ. එය ස්ටාට් නොවුණ නිසා තල්ලු කරන්න මාර්ගයට ගෙන තිබේ. මඟ දිගට ‘කික්’ කරමින් විල්බැරෝව තල්ලු කරමින් පාළු පාරක් හරහා හේ සිය නිවෙසට ගොස් තිබේ.
මංගල උත්සවය පැවැති නිවසේ සිට ඔහුගේ නිවෙසට දුර කිලෝ මීටර් තුනහමාරක් පමණ වන බවත් මේ දුර විල්බැරෝව ත්ලලු කරගෙන යාමට පැය තුනක පමණ කාලයක් ගතවී ඇති බවත් දැන ගන්නට ලැබිණි.
පසුදා අවදි වී බලන විට සිය යතුරුපැදිය නොමැති බවත්, නිවසේ නොතිබුණු විල්බැරෝවක් ඇති බවත් දැනගත් හෙතෙම සිදුව ඇති විපිරිසියාව මතකයට නඟාගෙන විල්බැරෝව ආපසු තල්ලු කරගෙනවිත් හිමිකරුට බාර දී යතුරුපැදිය ආපසු ගෙන ගොස් ඇත්තේ “බලාපන් මල්ලියේ විල්බැරෝව ස්ටාර්ට් කරන්න මඟ දිගට මං කික් කරලා මේ මගේ කකුලත් දැන් ඉදිමිලා” කියා පවසා ඇති බව එය අසා සිටියෙක් අප හා කීය.
(ගල්ගමුව - නිහාල් ජයවීර)
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
යතුරු පැදියෙන් මඟුලට ගිහින් විල්බැරෝවෙන් ගෙදර ඇවිත්