(මීරිගම විශේෂ – පුෂ්පකුමාර මල්ලවආරච්චි)
මිතුරා සොරාගෙන ගිය නවීන පන්නයේ දුරකථනය නිවෙසටම ගොස් මිතුරාගේ බිරිඳගෙන් උපක්රමශීලීව ඉල්ලාගෙන ආ තරුණයකු පිළිබඳව මීරිගමට නුදුරු ගමකින් වාර්තා වේ.
දුරකතන අලෙවිසලක් පැවැත්වූ ඔහු කැපවීමත් මහන්සියත් සමග දියුණුව බලා ගමන් ගත් තරුණයෙකි. අතමිට මුදලක් එකතු කරගත් මේ තරුණයා ජංගම දුරකථන අලෙවි කිරීම ආරම්භ කළේ පාර අද්දර කඩ කාමරයක් කුලියට ගැනීමෙන් පසුවය. ඔහුගේ වෙළෙඳසල ආරම්භ කළ දා පටන්ම එක් මිතුරකු කාලය ගත කළේ මේ වෙළෙඳසලේමය.
‘මේවා මෙහෙම තියන්න එපා. හොරුන් අරන් යයි. පරෙස්සමට තියපන්.’ නිතරම මේ මිතුරා උපදෙස් දුන්නේය. ඒවා කනට ඇසුණු නොඇසුණු ගානට ජංගම දුරකථන අලුත්වැඩියාවේ යෙදුණු මේ තරුණයා සිටියේ දැඩි විමසිල්ලෙනි. දිනක් මිතුරා පිටව ගියේ හෙට දිනයේ ගමනක් යාමට ඇති නිසා එන්නට නොලැබෙන බව පැවසීමෙන් පසුවය.
වටිනාම දුරකථනය නැති බව ටික වේලාවකින් ඔහුට පෙනී ගියේය. වෙනත් කිසිවකු හෝ දවසේ වෙළෙඳසලට පැමිණියේද නැති නිසා මෙය මිතුරාගේ වැඩක් බව ඔහුට තේරුම් ගියේය. හෙට එන්නට නොලැබෙන බව කිව්වේ සොරාගත් දුරකථනය විකිණීමට යන්නට විය හැකි බව ඔහු අනුමාන කළේය.
වහාම තවත් හිතවතකු හමුවී ඔහු මගින් මිතුරාට ඇමතුමක් දුන්නේ හදිසියක් බව කියමිනි. ඔහු නිවෙසින් පිටවන බව ස්ථිරවම තහවුරු කරගත් මේ තරුණයා මිතුරා පැමිණි පසු කිසියම් කරුණක් කතා කරන මුවාවෙන් රඳවා ගන්නා ලෙසට උපදෙස් දී ඔහු වෙනත් මගකින් මිතුරාගේ නිවසට ගියේය.
මිතුරා නිවසේ නැත. ඔහු හදිසියේම ලත් පණිවිඩයක් නිසා පිටව ගිය බව බිරිය පැවැසුවාය. ‘අනේ මම ආවේ එයා බලන්න කියලා ෆෝන් එකක් ඉල්ලගෙන ආවා. දැන් බිස්නස් එකක් ආවා. ඒ නිසා ඒක ඉල්ලගෙන යන්නයි මම ආවේ.’ ඔහු සාවධානව පැවැසුවේ සැකයක් ඇති නොවන පරිද්දෙනි.
සැමියා ගෙනා දුරකතනය මේසය මත තිබෙනු ඇය දුටුවේද එවිටය. ‘අයියේ මේකද?’ ඇය ඇසුවාය. ‘ඔව්’ කියා පිළිතුරු දුන් තරුණයා එය රැගෙන ඉක්මන් ගමනින් වෙළෙඳසල කරා ආවේ ‘මම මේක අරගෙන ගියා කියල කියන්න’ යැයි බිරියගෙන් ඉල්ලීමක්ද කරමිනි.
සැමියා ආ පසු බිරිය ඒ බව ඔහුට සැල කළාය. ඔහු නිවී සැනසිල්ලේ කල් ගත කළේය. තමන් අසුවූ බව ඔහුට තේරුම් ගියේය. දැන් කරන්නට දෙයක් නැත. කෙසේ වෙතත් දිනක් දෙකක් යද්දී සිද්ධිය පැතිර ගියේය. සැමියා බිරියගේ දොස් මුරයට ලක්වූයේය. රෙද්දක් ඇඳගෙන පාරට යන්නට පුළුවන්ද කියා ඇය සැමියාගෙන් ඇසුවාය. සිද්ධියෙන් මාස ගණනක් ගතවී ඇත. පසුවදා ගමනක් ගොස් එන බව කී මිතුරා අදටත් මේ වෙළෙඳසලට පැමිණියේ නැත.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මිතුරා ඉස්සූ දුරකතනය බිරියගේ කනෙන් රිංගා නැවත අරන්
sampath Friday, 01 January 2021 04:59 PM
ව්යාපාරයක් කරන්න නම් හැකිතාක් මිතුරන්ගෙන් ඈත්වන්න.