(හක්මණ විශේෂ දෙනගම යසන්ත ආරියසේන)
වයෝවෘද්ධ මවට ලැබෙන වැඩිහිටි දීමනාව වංචා කළ පුතෙක් හා ලේලියක පිළිබඳ කතා පුවතක් දකුණු පළාතේ ග්රාමීය ප්රදේශයකින් වාර්තාවිය.
මවට සැලකීමට අවශ්ය බව සඳහන් කරමින් දැනට වසර කිහිපයකට පෙර තම නිවසට මව කැඳවාගෙන ආවත් ඇයට සැලකිලි හිමිවූයේ මාස කිහිපයකි. ලේලිය සහ නැන්දනිය අතර නිතර අඬදබර ඇතිවන්නට ද විය. වැඩිහිටි දීමනාව ලබාගැනීමට යාමට ඒමට අපහසු බව පවසා එය පුතාට ලබාගැනීමට හැකිවන ලෙස ක්රමයක් තරුණ යුවළ සකස්කර ගත් අතර මුල් මාස කීපයේදී එම ක්රමය භාවිතා කරමින් මුදල් රැගෙනවිත් මවට ලබාදීම සිදුකළේය.
අසූවන වියත් ඉක්මවා සිටි මවට රජයෙන් මාසිකව ලැබුණේ රුපියල් එක්දහස් නවසියයක මුදලක් පමණි. ඇය එම මුදලින් කොටසක් කෙසේ හෝ බැංකු ගිණුමක තැන්පත් කර කීයක් හෝ ඉතිරි කර ගැනීමට පුරුදුව සිටියාය. ඇයගේ බැංකු ගිණුම් පොත ලේලියට හසුවී ඇති අතර එහි මුදල් ද ගැනීමට උපක්රමයක් ඇය සැලසුම් කළාය. සැලැස්මට අනුව මව සමග බද්ධ ගිණුමක් ආරම්භකර පුතාට මුදල් ලබාගැනීමට හැකිවන ලෙස සැලසුම ක්රියාවට නැංවීමට තරුණ යුවළ කටයුතු කළහ.
රජයෙන් ලැබෙන දීමනාව මාස කිහිපයකින් තමන්ට නොලැබුණු නිසා ඒ පිළිබඳව සොයා බැලීමේදී මවට දැනගන්නට ලැබුණේ එම මුදල පුතා ලබාගෙන ඇති බවයි. ඊට අමතරව තම ගිණුමේ ඇති මුදල් ද ලබාගෙන ඇතැයි හෙළිවිය. අසරණ මව නීතියේ පිහිට පැතුවාය. පුතා සහ ලේලිය නීතිය ඉදිරියේ සියල්ල පිළිගත් අතර දින කිහිපයක් තුළ ලබාගත් සියලුම මුදල් නැවත ලබාදෙන බවට පොරොන්දු වී සිද්ධිය සමථයකට පත්කර ගැනීම සිදුවුවද ගම්වැසියන්ට සිද්ධිය සැලවීම නිසා එල්ලවූ දැඩි දෝෂාරෝපණ හේතුවෙන් යුවළ එම ගම්මානයෙන් පිටවී ගොස් වෙනත් නිවසක වාසය කරන බැව් පැවසේ.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මවගේ පින් පඩියට විද්ද පුතයි-ලේලියි ගමෙනුත් මාරුවෙලා
shantha Saturday, 01 June 2019 07:03 AM
මේක අලුත් දෙයක් නොවේ පින් පඩියට පෙන්සන් පඩියට විදින දරුවන් බොහොම ඉන්නවා . ඉදිරියටත් මේ වගේ දේවල් ගොඩක් වෙන්න පුළුවන් මොකද ළමය උපන්දා ඉඳල අර පන්ති මේ පන්ති යවල දරුවන්ගේ මොලේ කොලොප්පන් කලාම උනාම ළමයි අම්මල තාත්තල ගණන් ගන්නෙත් ඔයවගේ තමයි
sampath Monday, 03 June 2019 10:32 AM
මේ වගේ පොඩි මුදලක් වැඩිහිටියන්ට කෙසේවත් ප්රමාණවත් නැහැ. කොහොම වුණත් මේ සුළුමුදලක් ගන්න තරම් දරුවන් පෙළඹෙන්නේ නැති බැරිකම නිසයි. මේවගේ දේවල් දිහා උපේක්ෂාවෙන් බලන්න ඕනේ වගේම පුළුවන් අය උදව් කිරීම කළ යුතුයි.