(කෑගල්ල අධිකරණ චමින්ද වැවතැන්න)
දෑවැදි එපා කියා වසර පහකට පෙර පුතාට කැන්දාගෙන ආ ලේලියගෙන් ගුරු නැන්දම්මා දෑවැද්ද ඉල්ලූ පුවතක් කෑගල්ල ප්රදේශයේ ග්රාමයකින් වාර්තා වෙයි.
වාර්තාවන අන්දමට සිද්ධිය මෙසේය.
කෑගල්ල නගරයට ආසන්න ගමකි. මේ ගමේ මීට වසර දෙකකට පමණ ඉහතදී ගුරුවෘත්තියේ සේවය කොට විශ්රාම ලැබූ කාන්තාවක් සිටින්නීය. ඇය පුතුන් දෙදෙනකුගේ සහ දියණියකගේ මවකි. සැමියා ද විශ්රාමිකයෙකි. මෙම විශ්රාමික ගුරු මාතාවගේ මව්පියන් මිය යෑමෙන් පසු ඔවුන් භුක්ති විඳිමින් සිටි නගරය ආසන්නයේ ඉඩම් කඩම් ඇයට හිමි වූවාය. එම ඉඩම්වල වටිනාකම කෝටි ගණනකි. ඇයගේ වැඩිමහල් පුතා අවිස්සාවේල්ල ප්රදේශයේ ඇඟළුම් ආයතනයක සේවය කරයි. එම ඇඟළුම් ආයතනයේ සේවය කරමින් සිටින අවස්ථාවේදී තරුණයා අවිස්සාවේල්ල ප්රදේශයේ තරුණියක හඳුනා ගත්තේය. දරුවාගේ කල වයසත් සම්පූර්ණ වීමත් ගැන සිතූ විශ්රාමික ගුරුවරිය සහ ඇගේ සැමියා දෑවැදි කිසිවක් අවශ්ය නැති බවත් තියෙන ඉඩම් කඩම් රැක බලාගෙන ජීවත්වීමට හැකි තරුණියක් ප්රමාණවත් යැයි පවසා තරුණියගේ මව්පියන්ද දැනුවත් කර දෙපාර්ශ්වයේම කැමැත්ත පරිදි විවාහ මංගල්යය පැවැත්වීමට සූදානම් කෙරිණි.
විවාහ මංගල්යය ඉතා උත්කර්ෂවත් අයුරින් පළමු දින දෙහිඕවිට ප්රදේශයේදීත් දෙවැනි දින වූ මනාලයාගේ පාර්ශ්වයේ උත්සවය පින්නවල ප්රදේශයේ උත්සව ශාලාවකත් ජයටම ගැනීමට කටයුතු සිදුකර තිබුණි.
දෑවැද්ද අවශ්ය නැති බව මනාලයාගේ මව ප්රකාශ කිරීම හේතුවෙන් එදා මනාලිය මනාලයාගේ නිවසට පැමිණෙන අවස්ථාවේදී රැගෙන ආවේ තමන්ට අවශ්ය කරන ඇඳුම් පැළඳුම් ටික පමණි. පුතාගේ විවාහයෙන් පසුව නැන්දම්මා ලේලිය රැකියාවට යාමද නවතා දැමුවාය. ගෙදර දොරේ වැඩ ටික කරගනිමින් ජීවත්වන ලෙසද ඇය කිහිප වරක් ලේලියට කීවාය.
දැන් ලේලියට වයස අවුරුදු 3ක පිරිමි දරුවෙක් සිටී. තවත් දරුවකු බිහි කිරීමටද ඇය සූදානමින් සිටින්නීය. පුතා අවිස්සාවේල්ල ප්රදේශයේ ඇඟලුම් ආයතනයේ රැකියාවට පිටත්ව ගියාට පසු ගුරු නැන්දම්මා ලේලියගේ අඩු පාඩු කියමින් දෙදෙනා අතර කලක සිට මත ගැටුම් ඇතිකර ගත්තාය. ලේලිය කෑවත් හොඳ නැත. ඇය අමාරුවෙන් සැමියාගේ සහ තමාගේ රෙදි ටික සේදුවත් හොඳ නැත. ඇඟේ අමාරුවට ටිකක් නිදා ගත්තද නැන්දම්මාට හොඳ නැත. ගෙනාපු දෑවැද්දකුත් නැතැයි පවසමින් ඇයට දොස් කියන්නට පටන් ගත්තාය.
ඇය දින කිහිපයක් සිය සැමියාට මේ බව නොදන්වා සිටියද එන්න එන්නම දෑවැදි කතාව මතුවීම නිසා දුකට පත් ගැබිනි මව දිනක් ගුරු නැන්දම්මාගේ ප්රශ්නය තම සැමියාට කීවාය. පසුව ඔහුද සිය මවට මේ සම්බන්ධයෙන් කරුණු කාරණා පැහැදිලි කර දුන්නද ඇය සත පහකට එය ගණන් ගත්තේද නැත. බැරිම තැන දිනක් ඇඳුම් ටිකක් බෑගයකට දමාගෙන දරුවාත් සමග ගැබිනි මව යළි මව්පියන් ළඟට යන බව සැමියාට දැන්වීමෙන් පසුව ඔවුන් කුලී පදනම මත ගත් නිවසකට ගොස් ඇති බවද මේ වනවිට වාර්තා වෙයි.
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මඟුලේදී දෑවැද්ද එපා වූ ගුරු නැන්දම්මා ලේලි එක්ක ඇවිළෙයි
sampath Monday, 01 March 2021 06:48 PM
ලංකාවේ පවුල් ආරාවුල් වැඩි ප්රමාණයකට මුල දෙමව්පියන්..