(උණවටුන - ඩී.ජී. සුගතපාල)
අයහපත් දෙයක් පිටුපස යහපත් දෙයක් පැමිණීම සිරිතකි. කොරෝනා පසුපසද යහපත් දේවල් රැසක් පැමිණියේය. යහපත් සෞඛ්ය පුරුදු ඒ අතර ප්රධාන තැනක් ගත්තේය. එහෙත් මේ කතාව කොරෝනා නිසා සූදුවෙන් ඈත් වූ මිනිසකුගේ කතාවකි.
ඔහු ගාල්ල දිස්ත්රික්කයේ කෙළවර ගමක ජීවත් වූ පුද්ගලයෙකි. ස්ථිර රැකියාවක් නොකළද සූදු කෙළීම නම් ඔහුගේ ස්ථිර ක්රියාවක් වීය. ඇඳිරි නීතිය දිනවල ගමේ සූදු පිටියක් විය. ජංගම දුර කතන පණිවුඩයක් මගින් ඔහුට ඒ බව දැන ගන්නට ලැබිණි. ඔහුගේ සූදානම පිළිබඳ බිරිඳට දැනුණි.
‘‘හැබැයි සූදුවට ගිහිල්ල කෝටියක් දිනුවත් ගෙදර නම් ගේන්න එපා. තමුසේ සූදු කෙළිනවා. අපට පාරේ බැහැල යන්න විදියක් නැහැ. මට නම් ඔය සූදු සල්ලි සත පහක්වත් එපා. බිරිඳගේ ගෝරනාඩුව ඔහු සත පහකට ගණන් ගත්තේ නැත. නිවසේ තිබූ රුපියල් පන් දහස සාක්කුවේ දමාගත් ඔහු නතරවූයේ සූදු පිටියේය.
කිසිවකුටත් අදහා ගන්නට බැරි තරමට ඔහු මුළු සූදු පිටියම සුද්ධ කළේය. ඔඩොක්කුව පුරා මුදල් නෝට්ටුය. පැය කිහිපයකින් සූදුව අවසන් විය. සූදු පිටියේ සිටි සියල්ලෝම හිස් අතින් පිටව ගිය අතර ඔහු පමණක් ජයග්රාහි ලෙස නැගී සිටියේය. විශාල මුදලක් ඔඩොක්කුවේය. ඔහු ගමේ සූදු පොළකදී මෙතරම් මුදලක් කිසිම දිනක දිනා නැත.
එහෙත් ඔහුගේ සිතට සතුටක් නැත. ‘‘සුදු කෙළල රුපියල් කෝටියක් දිනුවත් ගෙදර නම් ගේන්න එපා’’ බිරිඳගේ හඬ රැව් පිළි රැව් දෙන්නට විය.
ඔහු තවත් දෙතුන් දෙනෙකු සමග ගමේ කඩේකට ගියේය. ‘‘මුදලාලි හාල් ගෝනි කීයක් විතර තියෙනවාද? ඔහු ඇසුවේය.
‘‘ඇයි පාරිභෝගික අධිකාරියේ රස්සාවක්වත් ලැබුණාද? හාල් මිටි පහක් තියෙනවා.’’ මුදලාලි කීවේය.
‘‘නැහැ මුදලාලි මට ඔය හාල් මිටි පහම දෙන්න. පරිප්පු තියෙන තරමක් දෙන්න. සීනිත් ගෝනියක් දෙන්න’’ ඔහු ඉල්ලා සිටියේය.
පුදුමයකි. ඔහු විහිළු කරනවා යයි මුදලාලි සිතුවේය. එහෙත් ඔහු සල්ලි මිටිගෙන ඒ සඳහා මුදල කොපමණදැයි විමසූවිට විහිළුවක් නොවන බව මුදලාලි දැන ගත්තේය. හාල් පරිප්පු, සීනිවලට අමතරව ඔහු රුපියල් පන් දහසක් හැර අතේ තිබූ හැම සතයකටම හරියන පරිදි බිස්කට් සබන් ආදී තවත් බඩුද ගත්තේය. කඩේ රාක්කද හිස්විය.
‘‘මට ලොකු ෂොපිං බෑග් පනහකුත් ඕනෑ. කීයද මුදලාලි බිල ‘‘ඔහු ඇසුවේය.
මුදලාලි බිල කීවේ තරමක් ගොත ගසමිනි. ඔහු කිසිම ලෝබ කමක් නැතිව සල්ලි ගණන් කර මුදලාලිගේ බිල ගෙව්වේය. අතේ ඉතිරිවූයේ රුපියල් පන් දහසක නෝට්ටුවක් පමණි. පසුව කඩේ ඉදිරිපිටම තබාගෙන අනෙක් අයද හවුල්කරගෙන සහනමලු සකස් කළේය.
ගමේ දුප්පත් පවුල්වලට කඩේ අසලට පැමිණෙන ලෙස ඔහු පණිවුඩයක් යැව්වේය. විනාඩි කිහිපයකදී කඩේ ඉදිරිපිට මිනිස් පොදියකි. ඔහු දන්නා ඉතාම දුප්පත් පවුල් පනහකට බෑග් පනහ බෙදුවේය. ඔහුගේ සිතට දැනුනේ විශාල සතුටකි. සියල්ලන්ම ගිය පසු ඔහු නැවත කඩේට ගොඩවිය.
‘‘මුදලාලි මම මීට පස්සේ කවදාවත් බූරුව ගහන්නේ නැහැ. අද තමයි මගේ අන්තිම බූරුව ගැහිල්ල’’ යනුවෙන් කී ඔහු ජයග්රාහී ලීලාවෙන් පිටව ගියේය.
මේ බව ඔහුගේ බිරිඳටද සැලවී තිබිණි. ඔහු සිනාසෙමින් ගෙට ගොඩවී රුපියල් පන් දහසක් බිරිඳගේ අත තබමින් ‘‘මෙන්න මම ගෙදරින් ගෙනිච්ච රුපියල් පන් දාහ’’ යනුවෙන් කීය.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බූරුවා ගැසීමේ අවසන් ජවනිකාවෙන් ගමටම සහන මලු
loli Tuesday, 26 May 2020 08:50 AM
සුපිරි චරිතයක්... ජය !!!