(මීරිගම විශේෂ පුෂ්පකුමාර මල්ලවආරච්චි)
මවුපියන් බොරුවෙන් ක්රියා කරමින් ඉහළ පෙළේ පවුලක තරුණියක ලේලිය කරගන්නට තැත් කරද්දී පුත්රයා තමන්ගේ ඇත්ත හෙළිවන පරිදි හැසිරී මවුපියන්ගේ බොරුව හෙළිකළ පුවතක් සියනෑවේ ගම්මානයකින් වාර්තා විය.
දෑතේ රස්සාවකින් දිවිය සරි කරගන්නා ගසට කොළට මෙන්ම වඩු බංකුවටද ලැදි තරුණයෙකි. නිසි වයස එළැඹීමෙන් පසු මව්පියෝ මේ පුත්රයාට මනාලියක සෙවූහ. මගුල් කපුවන් කිහිප දෙනකුගේ සහයද ලබා ගත්හ. එක් කපුවකු ගෙනා මංගල යෝජනාවක් මේ අතර සැමගේ කතාබහට ලක් වූයේ ඉහළ පැලැන්තියේ පවුලක එකක් නිසාය. යෝජිත මනාලිය රටේ නමගිය රාජ්ය ආයතනයක ඉහළ නිලයක් හෙඹවීය.
තරුණයා මනාලිය බලන්නට ගියේ හැඩවැඩ වීමෙන් පසුවය. සුපුරුදු සරම කමිසය වෙනුවට බටහිර පන්නයේ ඇඳුමින් සැරසුණේ කාගේත් ඉල්ලීම නිසාමය. ගමනට සතියක පමණ සිට පැයකට දෙක තුනක් හපන බුලත් විටද ඔහුට තහනම් කෙරිණි. කිරිවන් දත් දෙපල සමග ඔහු ගමන ගියේ කළ හැකි දෙයක් නැති තැනය. කඩවසම් මනාලයා දුටු මනාලිය එකපයින් කැමති වූවාය.
මනාලියගේ පාර්ශ්වයේ ඥාතීන්ද මනාලයාගේ ගේ දොර බලන්නට ආවේ ඉන් පසුවය. මංගල්ලය තීන්දු කෙරුණේ ඉන් පසුවය. තරුණයා මෙයට වැඩි කැමැත්තක් දැක්වූයේ ද නැත. මනාලයාගේ පාර්ශ්වයේ පිරිස මනාලයාට දිනෙන් දින තහනම් නියෝග දමන්නට වූයේය.
සරම කමිස ඉවත් කරන්නට මෙන්ම බුලත් විට හැපීම සඳහටම නවතා දමන ලෙසටද බල කිරීම් සිදුවූයේය. මවුපියන් උත්සාහ ගත්තේ ඉහළ වැටුපක් ලබන කැපී පෙනෙන පවුලක දියණිය තම ලේලිය කරගන්නටය.
එහෙත් තරුණයා සිටියේ මහත් අමාරුවෙනි. තම සුපුරුදු දිවිය වෙනස් කළත් රස්සාව හංගාගෙන සිටින්නට බැරි බව ඔහු දැන සිටියේය. මේ අතර මනාලිය සේවය කරන ආයතනයේ විනෝද චාරිකාවක යෙදෙන්නට ඔහුට ඇරියුම් ලැබිණි. ඔහු ඒ ගමන මගහරින්නටද ගත් උත්සාහයන් වැඩිහිටියන් නිසා වැළැකිණි.
නියමිත දිනය උදාවිය. ඔහු පුරුදු පරිදි සරමෙන් කමිසෙන් සැරසුණේය. ඒවායේද කලඑළියක් නොවීය. රැවුල කැපුවේද නැත.
පාන්දරින්ම බුලත් විටක රස බැලීය. කට රතු කරගෙන යෝජිත මනාලියගේ නිවෙසට ගියේ ගමනට එක්වන්නටය. ඒ කැමැත්තකින් නොවේ. වැඩිහිටියන් සතුටු කරන්නටය.
තම අනාගත සහකරුවා සමග විනෝද ගමනක යෙදෙන්නට ලැබුණු අවස්ථාව මහත් සතුටින් ගත කරන්නට සැරසී සිටි තරුණිය යෝජිත මනාලයා දුටු විගස වික්ෂිප්ත වූවාය. ඇඳුම පොඩිවෙලාය. කටේ බුලත් විටකි. වැවුණු රැවුල කැලෑවක් සේය. කිසි පිළිවෙළක් නැති බව ඇයට වැටහිණි. යෝජිත මනාලයාගේ මේ පෙනුමත් සමග ගමනේ යෙදුණහොත් තමන් මිතුරන්ගේ විහිළුවට ලක්වෙන බව ඇයට තේරිණි.
ඇය හදිසි අසනීප ගතියක් මවා ගත්තාය. ගමන අවලංගු කළාය. තරුණයාගෙන් ඒ ගැන සමාව ඉල්ලුවාය. තරුණයා ආපසු නිවස බලා ආයේ එදා හවසට දෙන්නට පොරොන්දු වූ වැඩ අවසන් කරන අදහස ඇතිවය.
තරුණයා නිවෙසට එන අතරදී කපු නිවෙසට පණිවිඩයක් කියා තිබුණි. ඒ මගුලට මනාලිය අකමැත්ත පළ කළ බවයි. දෙමව්පියන්ගේ දොස් පරොස් එල්ල වෙද්දී තරුණයා පැවසුවේ බොරුවෙන් සැමදා දිනන්ට බැරි නිසා තමන් ඇත්ත හෙළිවන ලෙස කටයුතු කළ බවයි.
විවිධ ප්රදේශවලට ගමන් කරමින් අවදානම් සහිත පොල් ගස් කම්බි යොදමින් ඇද දමා බඳින පිරිසක් මාතලේ යටවත්ත ප්රදේශයේ නිවසක කාන්තාවකගේ අතින් ඇදීම හේතුවෙන් ගුට
අලුත් අවුරුද්දට සාදමින් සිටි කැවිලිවලට සීනි යැයි සිතා ලුණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්රදේශයෙන් වාර්තා විය. වාර්තා වන ආකාරය
වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ
අත දරුවෙකු කරපින්නා ගෙන මහ රෑ පැමිණි කාන්තාවකට උපකාර කරන්නට ගොස් අකරතැබ්බකට මුහුණ පෑ තරුණයෙකු පිළිබඳ පුවතකි මේ.
අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ
එළැඹෙන අලුත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං” වූ පුවතක් කැබිතිගොල්ලෑව වාහල්කඩට නුදුරු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බුලත් විටක් කාලා පරණ තාලෙට ගිහින් මංගල්ලයක් කඩලා
දිමුත් Monday, 30 November 2020 06:29 AM
ඇති යාන්තම් පහුවෙලා හරි මොලේ පෑදුණා...
sampath Monday, 30 November 2020 01:53 PM
මේ මනුස්සයාගේ කිසිම වැරැද්දකත් නැහැ. මනාලි වැඩේ වරද්දගෙන... පොළවේ පයගහලා ඉන්න අව්යාජ මනුස්සයෙක් ලබන්න පිනක් නැතිකම.. මනමාලිට ඕවා වෙනස් කරගන්න තිබුණා. වඩු කාර්මිකයෙක් කියන්නේ සොච්චම් පඩියක් ගන්න කෙනෙක් නොවේ. මොකද ඒ මනුස්සයා කිසිම රැවටීමක් කරලත් නැහැ. අනුබල දීලත් නැහැ.