(කරන්දෙණිය - එම්. සුසිල් ප්රියන්ත)
මෑතක සිට ප්රියමනාප ලෙස හැසිරුණු සිය භාර්යාවගේ හොර ඇල්ලීමට ගොස් සර්ප ප්රහාරයකට ලක්වී ජීවිතය අනූනවයෙන් බේරාගත් අයකු පිළිබඳ පුවතක් දකුණේ ගමකින් වාර්තා විය.
ඔහු පෞද්ගලික ආරක්ෂක සේවයේ යෙදුණු අයෙකි. වැඩිමනත් ඔහුට ලැබුණේ රෑ වැඩ මුරයය. සිය භාර්යාව ගැන ඔහු සැක සිතුවේ අද ඊයෙක සිට නොවේ. සහේට ගත් දා සිටම ඔහු සිය භාර්යාව පිළිබඳව සැකයෙන් මෙන්ම සෙවිල්ලෙන් සිටියේය. ඒ ඈ කොයි කවුරුත් සමගම සුහදව කතාබහ කරන නිසාය. තමාට වඩා තරමක් රූපශ්රියෙන් සිටීම ඊට තවත් හේතුවක් විය.
මේ නිසාම දෙන්නා දෙමහල්ලන් අතර පොඩි පොඩි සැක, රණ්ඩු සරුවල් ඇති නොවුණාම නොවේ. දරුවන් ලැබුණු පසුව ද එය එසේම විය. සිය දරුවන් ඉදිරියේ රණ්ඩු සරුවල් වීම නොඉවසූ ඇය මේ සඳහා උපක්රම සෙව්වාය. ඒ ඔහුට තමා ගැන ඇති සැකය දුරු කරලීමටය.
මේ අතරවාරයේදී ගමේ කාන්තා සමිතිය මාර්ගයෙන් පවුල් අවුල් අවම කරවා ගැනීමේ වැඩමුළුවකට ඇය සහභාගි වූවාය. සිය සැමියාට ප්රියමනාප ලෙස හැසිරීම හා ඔහුගේ රැකියාව සඳහා පහසුකම් සැපැයීම පවුල් ආරවුල් අවම කරගැනීමට ප්රබල හේතුවක් බව එහි දේශකයෙක් කීවේය. ඒ අනුව වෙනදා දැලි පෙරාගෙන කිළිටි ඇඳුම් ඇඳගෙන සිටි ඇය එදා සිට සැමියා නිවෙසේ රැඳෙන වේලාවට ඔහුට ප්රියමනාප යයි සිතෙතැයි සිතෙන පිරිසුදු ඇඳුම් ඇන්දාය. සුවඳ විලවුන් ද පාවිච්චි කළාය. ආදර වදන්වලින් සිය සැමියා ඇමතුවාය.
ඇයගේ හදිසි මේ වෙනස්වීම සැමියාගේ සැකය වර්ධනය කිරීමට තවත් ප්රබල හේතුවක් විය. තමා රාත්රියේ වැඩ මුරයට ගිය විටදී සිය භාර්යාව වෙන අයකු සිය නිවෙසට ගෙන්වා ගනු ඇතැයි ඔහු සිතුවේය. මේ අමුතු ආලවන්තකම එන්න ඇත්තේ ඒ නිසා යයි ඔහුගේ සිතට වද දුන්නේය. සිය භාර්යාවගේ මේ හොරය අතටම අල්ලා ගන්නකම් ඔහුට ඉවසිල්ලක් නොවීය.
ඒ අනුව ඔහු ඒ සඳහා කදිම උපක්රමයක් යෙදීය. ඒ රාත්රී වැඩ මුරයට යන බව පවසා නිවෙසින් පිටව ගොස් රාත්රියේ කාටත් නොදැනෙන්න නිවෙස අසලට පැමිණ නිවෙස මුර කිරීමය. මේ වෙනස්වීමෙන් සිය සැමියාගෙන් කිසිම ප්රතිචාරයක් නොලැබෙන්නේ තමා ප්රියමනාප ලෙස හැසිරෙනවා මදි නිසා විය යුතු යැයි සිතූ ඇය එදා හවස් වරුවේම නා කියාගත්තේ වෙනදා භාවිත කරන සුවඳ සබන්වලට වඩා වැඩි සුවඳක් ඇති සබන් ඇඟේ ගාගනිමින්ය.
වෙනදාටත් වඩා කලින් ඔහුට රාත්රී ආහාරය සකස් කර දුන් ඇය රාහු කාලය යයි කියා වෙනදාට වඩා කලින් නිවෙසින් පිටවන ලෙස ද සැමියාට කීවාය.
අද නම් බිරියගේ හොරය අතටම අල්ල ගන්නවා යයි සිතමින් ඔහු රෑ වැඩ මුරයටයයි කියමින් නිවෙසින් පිටව ගියේය.
එදා රාත්රියේ සිය නිවෙස අසලින් කෙනකුගේ කෑගැසීමක් නිසා නින්දෙන් ඇහැරුණු ඔහුගේ බිරිය සිතුවේ සිය නිවෙසට හොරු පැන ඇති බවය. ඒ නිසාම ඇය “මෙන්න හොරු ඇවිල්ලෝ” යයි කෑමොර දුන්නේ මුළු ගමම එතැනට එක්රැස් කරවමින්ය. ඒ වනවිටත් ඔහු සර්පයකු දෂ්ට කිරීමෙන් නිවස ආසන්නයේ සිහි මූර්ජා වී වැටී සිටියේය. ගමේ අය එකතු වී ඔහු රෝහලට ගෙන නොගියේ නම් ඔහු නොඑන ගමන් ගොස්ය.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බ්රියගේ හොර අල්ලන්න සැඟවී සිටි සැමියාට සර්පයකුගෙන් පාඩමක්