රටේ පැවැති උණුසුම්කාරී තත්ත්වය මැද සෙනඟ පිරුණ බස් රථයක තරුණ යුවළකගේ අනඟ රැඟුම් දැක උද්දාමයට පත් වූ බස් කොන්දොස්තරවරයෙකු මුහුණ දුන් අපූරු පුවතක් කුරුණෑගල දිස්ත්රික්කයේ ප්රධාන මාර්ගයකින් වාර්තා වේ.
සිද්ධිය මෙසේය.
මෙදින බස් රථය මගීන්ගෙන් පිරී තිබුණි. පසුපස අසුනේ වාඩිවී සිටි තරුණ යුවළ ආදර බස් දොඩමින් මහත් පෙමින් වෙලී අනඟ රැඟුම්වල යෙදෙමින් සිට ඇති අතර කොන්දොස්තරවරයා ද මෙය දැකුමෙන් මහත් උද්දාමයට පත්ව සිටියේය.
කොන්දොස්තරවරයා ඇසිපිය නොහෙලා එදෙස බලාගෙනම සිටියේ මහත් උනන්දුවෙන් සහ දැඩි කැමැත්තෙනි. ඔහුට තමා සිටින තැනද, තමා කරන කටයුත්තද අමතකව යන්නට වැඩි වෙලාවක් ගත වූයේ ද නැත. කොන්දොස්තරවරයා වෙනම ලෝකයකය. මගහු අතර මගදී නැගීම ද, බැසීම ද සිදු කළහ. ඔවුන්ගෙන් මුදල් අයකර ගැනීමක් ද සිදුනොවීම මගීන්ට ද සතුටකි.
ඇතැම් මගීහු කොන්දොස්තර දෙසට මුදල් දිගු කරති. එහෙත් ඔහුට ඒ ගැන නිනව්වක් නැත. ඔහුගේ නිහඬතාව තේරුම් ගත් මගීන් සිනාසෙමින් බැස ගියේ මුදල් ද සාක්කුවේ දමා ගනිමිනි.
කිලෝ මීටර් 15ක් පමණ ගිය තරුණ යුවළ කඩිමුඩියේම බසයේ සීනුව නාදකර ලැඟුම්හලක් අසලින් බැස ගත්හ. ඒ සැනින් පියවි ලොවට පිවිසි බස් කොන්දොස්තරට තම රාජකාරිය සිහියට නැගුණි.
“මගින් නැගපු අය සල්ලි ගන්න... සල්ලි ගන්න” කොන්දොස්තර කෑ ගසන්නට වූයේය. නින්දෙන් අවදි වූවකු සේ කීපවරක් කෑ ගසන කොන්දොස්තර අමතා අසල සිටි මගියෙකු මෙසේ කීවේය.
“නැගපු අය බැහැලා ගියානෙ මල්ලි. දැන් ඉතින් මොනවා කරන්න ද, දැන් ඉඳන් නගින අයගෙන්වත් සල්ලි ගන්න. නැත්නම් රස්සාවත් නැතිවෙයි.”
ලැජ්ජාවෙන් මුහුණ රතු කරගත් කොන්දොස්තර සිදු වූ දෙයින් අන්ද මන්දව බිම බලා ගත්තේ, බසයේ සිටි සෙසු මගීන්ගේ ද මුවඟට සිනා නංවමිනි.
(නිකවැරටිය-ප්රියානි මංගලිකා)
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
කටුපොත අපේ කිට්ටුම නෑකෙනෙක් හදිසියේ මිය ගිහිල්ලා. මම දැන් මළ ගෙදරට යන්න ඕනෑ. ආරංචි වුණේ අද. රෝහණ සිය මිතුරන්ට කටුපොත සිදු වී ඇති මළගම ගැන විස්තර කීවේය. මළ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බසයේ අනඟ රැඟුමට කොන්දොස්තර මත්වෙලා