ගමේ දුප්පත් පවුලකි. මව පියා සහ දියණිය පවුලේ සාමාජිකයෝය. පියා රසකැවිලි සාදා බයිසිකලයෙන් ගෙනගොස් වෙළෙඳාම් කළ අතර මවද ඉඳහිට ලැබෙන කුලී වැඩක් කළාය. කොතරම් මහන්සි වුවද මව්පිය දෙදෙනා තම එකම දියණියගේ රැකවලෙහි යෙදීමට ද අමතක කළේ නැත. ඒ දියණියට තිබූ ආදරය නිසාමය.
මේ අතර දියණිය වැඩිවියට පත්වූවාය. අහිංසක මව්පියන්ගේ සතුට ඉතිරී ගියේය. දුවගේ කොටහළු මංගල්යය ජයටම ගන්න දෙදෙනාටම අවශ්ය විය. උත්සවය කරන ආකාරය ගැන සැලසුම් සකස් කළහ. ආරාධනා කරන පිරිස ගැනද සාකච්ඡා විය. ඔවුනගේ දුප්පත්කම ඔවුනට අමතක විය.
කෙසේ වෙතත් දුවගේ උත්සවය ජයටම ගතයුතු නිසා දෙදෙනා අවසානයේ තීරණයකට එළඹියහ. එනම් ගමේ සල්ලි පොලියට දෙන පොලී අක්කාගෙන් ණය මුදලක් ලබා ගැනීමටය. පොලී අක්කාගේ කට සැරය. නියමිත දිනට පොලිය නොදුන්නොත් මිදුලට පැමිණ මළගිය ඇත්තන්ට පවා දෙස් දෙවොල් තබන්නීය.
පොලී අක්කා තරමක් අදිමදිකොට ඔවුනට ණයක් දුන්නාය. ඔවුන් මහ ඉහළින් කොටහළු මංගල්ය උත්සවය සංවිධානය කෙරිණි. එදින රාත්රියේ බොහෝ දෙනෙකු පැමිණ දියණියට තෑගි බෝග දුන් අතර පොලී අක්කාද පැමිණ උත්සවය අවසන් වන තුරුම රැඳී සිටියාය. ඇය විශේෂ අවධානය යොමු කරමින් සිටියේ දියණියට දෙන ලියුම් කවර දෙසය.
පසු දින උදෑසනම පොලී අක්කා ඔවුන්ගේ නිවසට ආවාය. “කෝ ගනිල්ල සල්ලි. උඹලට ඕව වියදම් වුනාම කොහෙන් දෙන්නද? සුමානෙක පොලිය දුන්නම ඇති. “ඇයගේ හඬට නිවසට පිටතින් පැමිණ සිටි ඥාතීන් කිහිප දෙනෙක්ද කම්පනයට පත්වූහ. පෙර දින රාත්රියේ නව යොවුන්වියට පත් දියණියගේ අතට ලැබුණ සියලුම ලියුම්කවර පොලී අක්කා ඉදිරියේ විවෘත කෙරිණි.
කවරවල තිබූ නෝට්ටු සියල්ලම ගණන් කළේ පොලී අක්කාය. ඇයගේ ණය පියවීමට එම මුදල ප්රමාණවත් නොවීය. “ඉතිරි සල්ලි ලබන සතියේ දීපල්ලා” කියමින් ඇය එම මුදල රැගෙන ගියාය. එයට විරුද්ධවීමට අහිංසක දෙමව්පියන්ට හයියක් තිබුණේ නැත. නව යොවුන් දියණිය ද හැඬූ කඳුළින් සිටියාය.
එහෙත් ඇයට යාමට හැකි වූයේ ටික දුරක් පමණි. පැරැණි වෛරක්කාරයෙක් ඇය ඉදිරියට එමින් සිටියේය. පොලී අක්කාගේ කට කොතරම් සැර වුවද සතුරා එන විදිය එතරම් හොඳ නැති බව ඇයට වැටහිණි. ආපසු හැරෙන්නටත් බැරිය. ඇයට තවත් කිසිවක් හිතන්නට ඉඩ ලැබුණේ නැත.
ඇයගේ හිසෙන් ගලාගිය රුධිරයෙන් ගවුම් සාක්කුවේ තිබූ නෝට්ටු සියල්ලම සේදී ගියේය. පසුව එම පුද්ගලයා පොලිසියට ගොස් විලංගු දැමීමට තම දෑත් දිගු කළේය.
(උණවටුන ඩී.ජී. සුගතපාල)
විවිධ ප්රදේශවලට ගමන් කරමින් අවදානම් සහිත පොල් ගස් කම්බි යොදමින් ඇද දමා බඳින පිරිසක් මාතලේ යටවත්ත ප්රදේශයේ නිවසක කාන්තාවකගේ අතින් ඇදීම හේතුවෙන් ගුට
අලුත් අවුරුද්දට සාදමින් සිටි කැවිලිවලට සීනි යැයි සිතා ලුණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්රදේශයෙන් වාර්තා විය. වාර්තා වන ආකාරය
වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ
අත දරුවෙකු කරපින්නා ගෙන මහ රෑ පැමිණි කාන්තාවකට උපකාර කරන්නට ගොස් අකරතැබ්බකට මුහුණ පෑ තරුණයෙකු පිළිබඳ පුවතකි මේ.
අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ
එළැඹෙන අලුත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං” වූ පුවතක් කැබිතිගොල්ලෑව වාහල්කඩට නුදුරු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පොලී අක්කාගේ සල්ලි මිටිය ලෙයින් තෙත්වෙයි
sampath Saturday, 25 January 2020 06:55 AM
ගම්බද සහ නාගරිකව පොලියට මුදල්දීමත්, ගැනීමත් ඉතා සුලබයි. මේවායේ පොලී අනුපාතික ඇතැම්විට 1000% ඉක්මවනවා. මොකද කිසිම ප්රමිතියක් නෑ මේ නිශ ග්රාමීය ජනය තවතවත් කබලෙන් ලිපට වැටෙනවා. මේ සඳහා රජය මැදිහත් වී යම් ක්රමවේදයක් සැකසිය යුතුයි.