(නිකවැරටිය ප්රියාණි මංගලිකා)
මවගේ කොන්දේ කැක්කුමට වෙළඳ දැන්වීමක තිබූ දුරකතන අංකයකට කතාකර හන්දි තෙලක් ගෙන්වා ගැනීමට උත්සාහ කළ සය හැවිරිදි දැරියකගේ පියකු අකරතැබ්බයකට මුහුණදීමේ පුවතක් නිකවැරටියට ආසන්න පෙදෙසකින් වාර්තා විය.
සිද්ධිය මෙසේය.
දැරියගේ පියා රජයේ රැකියාවක නිරත අයෙකි. මෙදින උදෑසන මවගේ කොන්දේ කැක්කුමක් හේතුවෙන් දැරියට පාසල් යෑමට සිදුවූයේද නැන්දා කෙනකු සමගය. සුපුරුදු ලෙස මව නොමැතිවීම දැරියට දුකක්ද විය.
පාසල ඇරී පැමිණි දැරිය රූපවාහිනිය නරඹමින් සිටියාය. එහි වෙළඳ දැන්වීමක් දැරියගේ නෙත ගැටුණි. කොන්දේ කැක්කුම නිට්ටාවට සුව කරන බෙහෙත් තෙලක් පිළිබඳව එහි කියවිනි. දැරිය දුරකතන අංකයද ලියා ගත්තේ මව සුවපත් කරගන්නා අටියෙනි.
අසනීපව සිටි මවද තද නින්දේය. දැරිය එම දුරකතන අංකය අමතා මවගේ අසනීපය ගැන වෙද මහතාට කීවාය. කුඩා දැරියක බව නොදත් වෙද මහතා බෙහෙත් තෙල නිවසට ගෙනැවිත් දීමටද පොරොන්දු විය.
පියා වැඩ ඇරී නිවසට එනතුරු දැරිය මග බලමින් සිටියාය. පියා එනු දුටු දැරිය මහත් සතුටින් පියා ඉදිරියට ගියේ මවගේ අසනීපයට බෙහෙත් තෙලක් ලැබෙන බව කීමටය. දැරිය එය කියන්නට උත්සාහ දරද්දී එයට ඇහුම්කන් නොදීම පියා කඩිමුඩියේ මවගේ කාමරයට ගියේය.
ඉක්මනට ලෑස්ති වෙන්න බෙහෙත් ගන්න යන්න පියා මවට කීවේය.
ඕන නෑ. මට දැන් අමාරුවක් නෑ. මව එලෙස පිළිතුරු දුන්නාය.
අම්මගේ කොන්දේ කැක්කුමට බෙහෙත් තෙලක් ගේනවා දැරිය පියාට කීවාය. දැරියගේ විස්තරය ඇසූ පියා කම්මුලට අත තබා ගත්තේය. මවද තුෂ්නිම්භූතව බලා සිටියාය.
ඒ සැණින්ම නිවසේ දුරකතනය නාද විය. පියා ඇමතුමට පිළිතුරු දුන්නේය. දුරකතන ඇමතුම ලැබුණේ දැරිය බෙහෙත් තෙල ඇනවුම් කළ වෙද මහතාගෙනි.
ඇනවුම් කළ බෙහෙත් තෙල අපි ගෙදරටම ගෙනත් දෙනවා. මුදල රුපියල් 9000 යි ලෑස්ති කරලා තියන්න යැයි කීවේලු. කරකියා ගත හැකි දෙයක් නොවූ පියා වෙද මහතාට කාරුණිකව අමතා පොඩි දරුවෙකු කළ දෙයක් බව පවසා සමාවද අයැද සිටියේය.
සිද්ධියෙන් මහත් කෝපයට පත්වූ වෙද මහතා දඩාස් ගා දුරකතනය තබන අයුරු පියාටද ඇසුණේලු.
අලුත් අවුරුද්දට සාදමින් සිටි කැවිලිවලට සීනි යැයි සිතා ලුණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්රදේශයෙන් වාර්තා විය. වාර්තා වන ආකාරය
වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ
අත දරුවෙකු කරපින්නා ගෙන මහ රෑ පැමිණි කාන්තාවකට උපකාර කරන්නට ගොස් අකරතැබ්බකට මුහුණ පෑ තරුණයෙකු පිළිබඳ පුවතකි මේ.
අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ
එළැඹෙන අලුත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං” වූ පුවතක් කැබිතිගොල්ලෑව වාහල්කඩට නුදුරු
මී කතුරෙන් මීයන් අල්ලන අයුරු මුනුපුරකුට කියා දෙන්නට ගිය සීයා කෙනෙකුට ඇඟිලි දෙකක කොටස් අහිමිවීමේ පුවතක් හසලකට නුදුරු ගම්මානයකින් වාර්තා විය. හැටපස් හ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පොඩි දුවගේ ආදරේ වැඩිකමට තව පොඞ්ඩෙන් තාත්තාට ලොකු දඩයක්