(කරන්දෙණිය එම්. සුසිල් ප්රියන්ත)
පුතුගේ උපක්රමයට රැවටී මෙවර උසස් පෙළ විභාගයෙන් සරසවි වරම් අනිවාර්යයෙන්ම ලැබේ යයි උපකල්පනය කර රුපියල් ලක්ෂයකට වැඩි වටිනාකමින් යුත් ජංගම දුරකථනයක් මිලදී ගෙන දුන් මවුපියනට විභාග ප්රතිඵල ලැබීමෙන් පසු දෙලොව රත් වූ පුවතක් දකුණේ නගරයකින් වාර්තා වේ.
ඔවුහු ධන කුවේරයෝය. ව්යාපාර කිහිපයකම හිමිකරුවෝය. වැඩිමහල් දියණියන් දෙදෙනා විශ්වවිද්යාලයට යැවීමට මේ දෙමාපියෝ ඇති තරම් ධනය වැය කළෝය. සියලුම ගුරුවරුන් නිවසටම ගෙන්වා ඔවුන් දෙදෙනාටම ඉගැන්වූහ. ඒ ප්රතිඵල සියල්ලම ගඟට කැපූ ඉනිමෙනි.
ඔවුන්ගේ අවසාන ඉලක්කය වී තිබුණේ බාල පුතාය. ඔවුන්ගේ ලොකු විශ්වාසයක් තිබුණේ දියණියන් දෙදෙනාට බැරි වූ කාර්යය සිය බාල පුතු කරදේය යන්නය. ඒ ඔහු ඉගෙනීමට තරමක දැක්වූ දක්ෂතාව මතය. මේ නිසාම මවුපියෝ පුතාට සරසවි වරම් ලබා ගැනීමට හැකි සෑම වටපිටාවක්ම නිර්මාණය කළෝය. මෙවර විභාගයේ දී සරසවි වරම් ලැබුව හොත් ඔහු ආශා කරන ජංගම දුරකථනය ලබා දෙනුයේ යයි මවුපියන් කීවේ ඒ සඳහා පුතාට උත්තේජනයක් ලෙසය.
මෙවර විභාගය ලියූ විෂයන් තුනේම කෙටි ප්රශ්න පනහෙන් ප්රශ්න හතළිස් හතක්, හතළිස් හයක් හා හතළිස් පහක් නිවැරදිව ලකුණු කළ බව මාපියන්ට පුතා පෙන්නුවේය. ගුරුවරුන් ලවා පරීක්ෂා කර බැලීමේදී ඔහු එම ප්රශ්න පත්රයට අනුව ලැබූ ලකුණු ප්රමාණය අනුව පුතා විශ්වවිද්යාලයට යාම අනිවාර්ය බව එම ප්රශ්න පත්ර නිරීක්ෂණයට කළ ගුරුවරු කීය. එයින් උද්ධාමයට පත් මේ මවුපියන් තමන්ගේ පොරොන්දුව විභාග ප්රතිඵල ඒමටත් කලින් ඉටුකර දුන්නේ පුතාගේ ඉල්ලීම පරිදි නිවාඩු කාලයේ ඔහු ආශා කරන ජංගම දුරකථනය පරිහරණය කිරීමට ඉඩ සලසා දීමටය.
විභාග ප්රතිඵල නිකුත් විය. ඔහු සරසවි යාමට තියා ඒ අසලටවත් යාමට නොහැකිව විභාගය සමත් වූයේ යාන්තමටය. මේ විභාගයේදී පුතා කර තිබුණේ පාසලේ දක්ෂතම සිසුවා කෙටි ප්රශ්න පත්රයට සටහන් කර තිබූ සටහන් ඔහු ද සිය කෙටි ප්රශ්න පත්රවල සටහන් කර මවුපියන්ට පෙන්වීමය. ඒ තමා ආශා කරන ජංගම දුරකථනය මවුපියන්ගෙන් ලබා ගැනීමටය. කෙසේ වෙතත් මවුපියන් සතුටු වූයේ ඔහු විභාගයට සමත්ව තිබීම නිසා සිය ධන බලය යොදා විදෙස් රටකට යවා සිය පුතුට සරසවි වරම් ලබා දීමට ඇති හැකියාව ගැන සිතමිනි.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පුතුගේ විභාග උගුලේ අම්මා තාත්තා දෙන්නම අහුවෙලා