රජයේ ආයතනයකින් පහසුවෙන් තම කාර්යය ඉටුකර ගත හැකි අපූරු උපදේශයක් පිළිබඳ පුවතකි.
සිද්ධිය මෙසේය.
එය අගනුවර ප්රදේශයේ කාර්යබහුල මෙන්ම ජනතාව අතර නිතිපතා කතාබහට ලක්වන ප්රධානතම පෙළේ රාජ්ය ආයතනයකි.
පසුගිය දිනෙක බිම්තැන්න ප්රදේශයේ පාසල් ගුරුවරයකු උදෑසනින්ම එම ආයතනයට ගොඩවූයේ තම රාජකාරී කටයුතු කඩිනමින් ඉටු කරගෙන තම ගම් ප්රදේශය වෙත යාමට ඇති එකම බස් රථයට යළි ගොඩවීමේ අපේක්ෂාවෙනි.
පිළිගැනීමේ කවුළුවෙන් ලබාදුන් උපදෙස්වලට අනුව අදාළ ලේඛනයේ පිටපතක් ලබා ගැනීම සඳහා අවශ්ය පෝරමය පිරවූ හෙතෙම පිළිගැනීමේ නිලධාරියාගේ උපදෙස් මත එය නියමිත සේවා කවුළුව වෙත භාරදුන්නේ ඒ වන විටත් පෝලිම් ගැසී සිටි මුල් තුන් හතර දෙනා අතරට එක් වෙමිනි.
එහි සිටි නිලධාරිනිය අදාළ ඉල්ලුම්පත පරිගණකයෙන් පරීක්ෂා කර එහි කිසියම් සටහනක් තබා ඇයට වම් පසින් වූ කවුළුවේ සිටින ඊළඟ නිලධාරියාට දෙන ලෙස යළි ආපසු භාර දුන්නේ මද සිනහවකින්ද සංග්රහ කරමිනි.
ඊළඟ සේවා කවුළුව වෙත ගිය ඔහු ඉල්ලුම්පත එම කවුළුවේ සිටි නිලධාරියා අත තැබුවේ තම අවශ්යතාව ගැනද සිහිපත් කරමිනි.
තම සේවාදායකයා හෝ එම ඉල්ලුම්පත දෙසවත් නොබැලූ_ එහි සිටි නිලධාරියා “මේකේ අඩුපාඩු හදා ගෙන එන්නැයි” ගෝරනාඩුවක් කළේ පෝලිමේ සිටි සෙසු පිරිස් ද තිගැස්මකට ලක් කරමිනි.
පාසල් ගුරුවරයකු වූ හෙතෙම නිවැරදි ලෙස ඉල්ලුම්පත සම්පූර්ණ කර තිබුණද නිලධාරියාගේ ගෝරනාඩුව නිසාම මහත් තිගැස්මකට ලක් ව යළි පිළිගැනීමේ නිලධාරියා වෙත ගියේ එහි කිසියම් දෝෂයක් වේ දැයි ඔහුගෙන් දැන ගැනීමේ අදිටනිනි.
ඉල්ලුම්පත පිළිගැනීමේ නිලධාරියා අත තැබූ ඔහු සිද්ධිය විස්තර කළ විට ඔහුගෙන් ලැබුණේ අපූරු උපදෙසකි.
“මහත්තයෝ මට නම් මේකේ වැරැද්දක් පේන්න නැහැ. හැබැයි සමහරු එක එක වෙලාවට එක එක විදියයි. ඔයා දැන් ආපහු සැරයක් ගිහිල්ලා අලුත් කෙනෙක් විදිහට ඔය පෝරමය ඒ කෑගහපු මහත්තයට දෙන්න. කලින් ආව වගක් කියන්න එපා. දෙන ගමන් ඒ මහත්තයට දෙතුන් වතාවක් සර් කියන්නත් අමතක කරන්න එපා”.
අදාළ ලේඛන අතට ගත් ඔහු යළිත් පෙර කී නිලධාරියා වෙත ගොස් ලේඛන ඔහුට දී අවශ්ය ප්රමාණයටත් වඩා “සර්” යනුවෙන් කිහිපවිටක් අමතමින් බයාදු ලීලාවක් පෙන්වූවේ පිළිගැනීමේ නිලධාරියා දුන් උපදෙස් අකුරටම අනුගමනය කරමිනි.
මද සිනාවක් පාමින් සිය සේවාදායකයා දෙස බැලූ කලින් ගෝරනාඩු කළ නිලධාරියා අසුරු සැනින් සිය කාර්ය ඉටුකර දුන්නේ ගුරු භවතාද පුදුමයට පත්කරමිනි.
වියලුව වාර්තාකරු)
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දෙතුන් විටක් සර්...සර්... කිව්වා නම් වැඬේ ඊසි