(මීරිගම විශේෂ පුෂ්පකුමාර මල්ලවආරච්චි)
එකම දියණියගේ මංගල උත්සවය වෙනුවෙන් දෑවැදි දෙන්නට අල්මාරිය ඇතුළු ලී බඩු කට්ටලය දියණියට ලද පුතුගේ ඉඳුල් කටගාන දිනයේ ගෙන ගොස් බාරදුන් පියෙකු පිළිබඳව මාඔයට අසබඩ ගම්මානයකින් වාර්තා විය.
මේ පියා වෘත්තීය වඩු මහතෙකි. කැටයම් ශිල්පයට ද නමගිය දක්ෂයෙකි. ඔහුගේ නිපැයුම් සඳහා ඇත්තේ දැඩි ඉල්ලුමකි. ඔහුට එකම දියණියකි. ඔහු ඇයට මහත්සේ ආදරය කළේය. දියණිය ගේ මංගල්ලය තීන්දු වූයේ කපුවකුගේ මැදිහත්වීමෙනි.
මනාලියගේ පියාගේ ලී කැටයම් හා වඩු වැඩ පිළිබඳ පැවති දක්ෂතාව ද මනාලයාගේ පාර්ශවයට මේ මංගල්ලයට කැමැත්ත දක්වන්නට විශේෂ හේතුවක් වූයේය. මංගල්ලය තීන්දු කෙරිණි. විවාහයට දින නියම විය.
මගේ දුවට ගෙදරට ඕන කරන සියලුම ලී බඩු මගේ ගාණේ හදලා දෙනවා. පියා ආනාගත බෑණාට පොරොන්දු වූයේය. අල්මාරිය, කණ්ණාඩි මේසය, කෑම මේසය හා පුටු ආදිය ද තමන්ගේ අතින්ම නිම කරදීම ඔහුගේ අදහස විය. එදා පටන් පියා එකින් එක ලී බඩු හදා නිම කරන්නට ගත්තේය.
දැන් සියල්ල සූදානම්ය. මගුලට ඇත්තේ තවත් දින කිහිපයකි. මංගල්යය වෙනුවෙන් විය පැහැදම් කෙරුණු නිසා අතේ සතේ ද නැත. මෙසේ කල්පනාවෙන් කල්ගත කරන අතරේ හදිසි ඇණවුමක් ආයේය. ඒ අල්මාරියකටය.
“කීය වුණත් කමක් නැහැ බාස් උන්නැහැ. අපිට දවසින් දෙකින් අල්මාරියක් හදලා දෙන්න” ගැනුම්කරු ඉල්ලීය. දුවගේ මඟුල අත ළඟ තිබිය දී අල්මාරියක වැඩ පටන් ගන්නා එක අමාරුය. බිස්නස් එක පැහැර හරින්නට ද නොහැකිය. ඒ වගේම අතට මුදල් හිඟයක් ද පවතී.
ටික වේලාවක් කල්පනා කළ බාස් උන්නැහේ සිය තීරණය ප්රකාශ කළේය. “මහත්තයා මට අල්මාරියක් හදන්න නම් වේලාවක් නැහැ. ඒ තරමට වැඩ. එක අල්මාරියක් තියෙනවා, හැබැයි මට ලක්ෂයක්වත් ඕනෑ. අඩු කරන්න නම් කියන්න එපා”.
ගැණුම්කරු කිසිත් නොදොඩා රුපියල් ලක්ෂයක මුදල ඔහු අත තැබීය. අල්මාරිය පටවා ගත් ගැණුම්කරු පිටව ගියේය. “දුවේ ඔයාට අල්මාරිය මම ඉක්මනට හදලා දෙනවා” පියා දියණියට පැවැසුවේ වෙන කළ හැකි දෙයක් නැති තැනය.
මංගල උත්සවය අවස්ථාවේ දී ද පියා මනාලයාට සිය පොරොන්දුව එක හෙලා ඉටු කරන බවත් ටිකක් ප්රමාදවීම ගැන කණගාටුවන බවත් පැවසීය. බෑණා මාමණ්ඩියට පැවසුවේ ඒකට කමක් නැහැ තාත්තේ කියාය.
මංගල උත්සවයෙන් පසු පියා අත ඉක්මන් කර අල්මාරියේ වැඩ පටන් ගත්තේය. එහි වැඩ අවසන් වේගෙන එද්දීත් පෙර සේම ඉල්ලුමක් ආයේය. මේ ආකාරයට අල්මාරි හත අටක්ම තැනූ පියා ඒවා විකුණුවේ මංගල උත්සවයෙන් පසු පැවති මුදල් අගහිඟකම ද නැති කරගන්නටය. මේ අතර දියණියට පුතකු ලැබිණි.
මුණුපුරාගේ ඉඳුල් කට ගාන දිනයේ පියා ලොරියකට සියලු බඩු පටවාගෙන ගොස් බෑණාට බාර දුන්නේ “මෙන්න පුතේ මාගේ පොරොන්දු වූ දෑවැද්ද තරහ නැතිව බාරගනින්” කියමිනි.
විවිධ ප්රදේශවලට ගමන් කරමින් අවදානම් සහිත පොල් ගස් කම්බි යොදමින් ඇද දමා බඳින පිරිසක් මාතලේ යටවත්ත ප්රදේශයේ නිවසක කාන්තාවකගේ අතින් ඇදීම හේතුවෙන් ගුට
අලුත් අවුරුද්දට සාදමින් සිටි කැවිලිවලට සීනි යැයි සිතා ලුණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්රදේශයෙන් වාර්තා විය. වාර්තා වන ආකාරය
වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ
අත දරුවෙකු කරපින්නා ගෙන මහ රෑ පැමිණි කාන්තාවකට උපකාර කරන්නට ගොස් අකරතැබ්බකට මුහුණ පෑ තරුණයෙකු පිළිබඳ පුවතකි මේ.
අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ
එළැඹෙන අලුත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං” වූ පුවතක් කැබිතිගොල්ලෑව වාහල්කඩට නුදුරු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දුවගේ දෑවැද්ද පුතුගේ ඉඳුල් කටගාන දවසේ ගෙනත් දීලා
සෙන්ජී Wednesday, 26 December 2018 08:42 AM
කොහොම නමුත් බාසුන්නැහේ පොරොන්දු ඉටු කිරීම ගැන සතුටු වන්න.
Harindra Thursday, 27 December 2018 03:07 AM
උතුම් තාත්තෙක්.