(මීරිගම විශේෂ පුෂ්පකුමාර මල්ලවආරච්චි)
තිස් පස් හැවිරිදි මවක පාසල් වියේ පසුවන දරුවන් තිදෙනා සහ සැමියා අතරමං කර හැට හැවිරිදි ඩ්රයිවර් මාමා සමග අතිනත පටලවාගෙන ගිය සිද්ධියක් පසුගියදා මීරිගම පොලිසියේ දී දැකගත හැකි විය.
මීරිගම පොලිසියේ පොලිස් පරීක්ෂක සෙනෙවිරත්න මහතා හමුවේ දිග හැරුණු කතාව මෙසේය.
තිස් පස් හැවිරිදි මේ තිදරු මවගේ සැමියා ආරක්ෂක අංශයේ සාමාජිකයෙකි. ඔහු පවුලේ වැඩ කටයුතු සඳහා කුඩා ලොරියක් මිලදී ගත්තේ කලකට පෙරය. දරුවන් තිදෙනා තවමත් පාසල් වියේය. බිරිඳ සැමියා නැති ගෙදරට නිතරම ආගිය රියදුරා ඇමතුවේ මාමා යනුවෙනි.
රියදුරු මාමාත් ගෘහනියත් අතර තහනම් ඇසුරක් වැඩුණි. කල් යත් යත් මේ බව සැමියාට ද දැන ගැනීමට ලැබිණි. දෙදෙනා අතර බහින්බස්වීම් ඇතිවිය. ඒවා ගහ මරා ගන්නා තැනට වැටෙද්දී සිද්ධිය පිළිබඳව මීරිගම පොලිසියේ පැමිණිල්ලක් සටහන් කෙරුණි.
පැමිණිල්ල විභාගයට ගිය පොලිස් නිලධාරියා අමාරුවක වැටුනේ සැමියා දරුවන් තිදෙනා සමග පසෙක බලා සිටිය දී කාන්තාව රියදුරු මාමාගේ අතේ එල්ලී මට මාමා ඕනෑයි කීම නිසාය. දෙපක්ෂය පොලිසියට කැඳවාගෙන යාමට සිදුවූයේ ඒ නිසාය.
ගෙදර ලොරියේ සියලු දෙනාටම යාමට බැරි බව කී කාන්තාව ත්රිරෝද රථ දෙකක් ගෙන්වූවාය. මාමා සමග එක් රියකට ගොඩවූ කාන්තාව පොලිසියට යද්දී සැමියාට දරුවන් සමග අනෙක් ත්රිරෝද රථයේ නැගී පොලිසියට යාමට සිදුවිය.
දෙපක්ෂය කැඳවූ පොලිස් පරීක්ෂකවරයා දන්නා තරමින් හොඳ නරක කියා දුන්නේය. අනාගතයේ ඇති විය හැකි විපාක පිළිබඳව ද දැනුම්වත් කරනු ලැබුවේ දරුවන් තිදෙනකු අසරණ වීමෙන් සමාජයට සිදුවන අවැඩ ගැන කියා දෙමිනි. කෙතරම් කාලය ගත කළත් පලක් නොවීය.
“මට මාමා ඕනෑ මම මාමා එක්ක යනවා” කාන්තාව පැවසුවේ මාමාගේ අතේ එල්ලී සුරතල් වෙමිනි. මාමා ද කටහඬ අවදි කළේය. දුවට මාව ඕනෑම නම් මම එපා කියන්නේ කොහොමද ඔහු කීවේය. අන්තිමේ තමන් මාමා සමග යන බව පොලිස් පොතේ සටහන් කර නව යුවළක් මධුසමයට යනවා සේ කාන්තාව පොලිසියෙන් පිටව ජයග්රාහී ගමනින් පියමැන්නේ ආදරණීය සැමියාත් කඳුළු පිරි තෙන් හයක් ඇතිව දරුවන් තිදෙනාත් බලා සිටියදීය.
අලුත් අවුරුද්දට සාදමින් සිටි කැවිලිවලට සීනි යැයි සිතා ලුණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්රදේශයෙන් වාර්තා විය. වාර්තා වන ආකාරය
වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ
අත දරුවෙකු කරපින්නා ගෙන මහ රෑ පැමිණි කාන්තාවකට උපකාර කරන්නට ගොස් අකරතැබ්බකට මුහුණ පෑ තරුණයෙකු පිළිබඳ පුවතකි මේ.
අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ
එළැඹෙන අලුත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං” වූ පුවතක් කැබිතිගොල්ලෑව වාහල්කඩට නුදුරු
මී කතුරෙන් මීයන් අල්ලන අයුරු මුනුපුරකුට කියා දෙන්නට ගිය සීයා කෙනෙකුට ඇඟිලි දෙකක කොටස් අහිමිවීමේ පුවතක් හසලකට නුදුරු ගම්මානයකින් වාර්තා විය. හැටපස් හ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
තිස් පස් වියේ තිදරු මව හැට වියේ ඩ්රැයිවර් මාමා එක්ක හනිමුන් ගිහින්
john abrahan Friday, 01 March 2019 10:21 PM
වැඩ කරු...
raheem Saturday, 02 March 2019 12:19 PM
නොදකින් මෙහෙමත් ගැහැණු...
A Haper Monday, 04 March 2019 04:33 AM
"දෙදෙනා අතර බහින්බස්වීම් ඇතිවිය. ඒවා ගහ මරා ගන්නා තැනට වැටෙද්දී සිද්ධිය පිළිබඳව මීරිගම පොලිසියේ පැමිණිල්ලක් සටහන් කෙරුණි." ගැහැණු කෙනාට ගුටි දෙන්න කිසිම මිනිහෙක්ට අයිතියක් නෑ. එක විවාහක බිරිඳටත් එහෙම්මයි. වෙන රටක නම් මිනිහව කූඩුවට දාලා තමයි අනිත් එ්වා ගැන බලන්නේ...