විදේශ රැකියාවක නිරතව සිට තෙවසරකට පසු මව්බිමට ආ පුතා තම පියාගෙන් රුපියල් පන් දහසක් මාරු කරන්න ඇද්දැයි අසා තේ බොන්න යෑමට කතා කරද්දී නන්නාඳුනන අය සමග තේ බොන්න යන්න බැරි බව පැවසූ පියෙකු පිළිබඳව පසුගියදා සියනෑවේ නගරයකින් වාර්තා විය.
පුතා ඩුබායි දේශයේ රැකියාවට ගොස් වසර තුනක් පමණ විය. ඔහු දෙසතියකට පමණ පෙර ලංකාවට පැමිණියේය. ඒ සමගම පුතා නිරෝධායනයට යොමු කෙරිණි. පුතා ගමට එන බව පවුලේ කිසිවකුටත් නොදන්වා සිටියේ පවුලේ පිරිස විශ්මයට පත් කරවන අදහසිනි.
මේ තරුණයාගේ පියා නගරයේ කුඩා වෙළෙඳසලක් පවත්වාගෙන යන්නෙකි. හැට හැවිරිදි පමණ වියේ පසු වන ඔහු පසුගියදා දහවල් සිටියේ තම වෙළෙඳසලේය. තරුණයෝ දෙදෙනෙක් කඩයට ගොඩ වූහ. එක් අයෙක් එළියේ සිටියදී අනෙක් තරුණයා ඇතුළටම ගියේය. ඔවුන් දෙන්නා සිටියේ මුව ආවරණ පැළඳගෙනය. ‘රුපියල් පන්දාහක් මාරු තියෙනවාදැ’ යි මේ තරුණයා ඇසීය. ‘අනේ මාරු නම් නැහැ’. මුදලාලි පිළිතුරු දුන්නේ තරමක කේන්තියකිනි. ‘එහෙනම් අපි තේ එකක් බොන්න යමු’. ආගන්තුක තරුණයා මුදලාලිට යෝජනා කළේය.
‘මම දැන් තේ එකක් බීවා විතරයි. ඒ නැතත් නන්නාඳුනන අයත් එක්ක තේ බොන්න නම් යන්න බැහැ’. මුදලාලි කියද්දි කිසිත් නොදෙඩූ තරුණයා මිතුරා සමග හෝටලයක් දෙසට පියමං කළේය.
ටික වේලාවක් ගත විය. පෙරකී තරුණයා යළි පෙර සඳහන් කළ වෙළෙඳසලට ආවේය. මුදලාලි සමග කතා කරමින් සිට මුව ආවරණය ගැලවූයේය. වික්ෂිප්ත වූ මුදලාලි ටික වේලාවක් තරුණයා දෙස බලා සිටියේ අදහාගත නොහැකිවය.
‘අනේ මගේ පුතේ, මට උඹව අඳුනගන්න බැරි වුණානේ. කවද්ද පුතේ ලංකාවට ආවේ’’ ආදි ප්රශ්න වැලක් ඔහුගෙන් ඇසීය.
පියාගේ ප්රශ්නවලට පිළිතුරු දුන් ‘පුතා මම ගෙදර යනවා’ කියා පිටව ගියේ අනතුරුවය. සිද්ධ වූ අලකලංචියෙන් පසු පියා අසල කඩයට ගියේ තමන්ට පුතා අඳුනාගන්නට බැරි වූ බව කියන්නටය. ‘කොල්ලව මං ගණන් ගත්තේ නෑ කියලා හිතුවාද දන්නේ නැහැ. මගේ හිතට අමාරුයි වෙච්ච දේට. පියා හිතවතුන් සමග පැවසුවේ තම හිත නිදහස් කර ගන්නටය.
මීරිගම විශේෂ පුෂ්පකුමාර මල්ලවආරච්චි
සිය අතුරුදන් සැමියා ගැන හෝඩුවාවක් දැනගැනීමට දේවාලයකට ගිය බිරියට එම දේවාලය තුළදී සැමියා හමුවීමේ සිද්ධියක් සබරගමුව පළාතේ එක්තරා ගමකින් වාර්තාවේ. සිද්
පවතින ආර්ථික අගහිඟකම් හමුවේ නෑදෑ පිරිවර මැද වැයබර අඩුකර ගැනීමට තැනට උචිත නුවණ පාචිච්චි කළ නිවෙස් හිමියකු පිළිබඳව පුවතක් කලාවැව අවට මහවැලි ජනපද ගම්මා
සිසුන්ගේ කෑම පැකැට්ටුවෙන් රෙදි ගලවා ගත් අපූරු ගුරුවරයකු පිළිබඳ පුවතක් දකුණු පළාතේ පාසලකින් අසන්නට ලැබේ. පාසලේ පැවති ක්රීඩා උත්සවය සඳහා සහභාගී වන සි
විහාරස්ථානයක සල්පිල් වෙන්දේසියක දී තරුණ තරුණියන් තරග වැදී මිලට ගත් භාණ්ඩයක් නොවටිනා දෙයක් වීමෙන් වූ අලකලංචියකි. මෙය වාර්තා වන්නේ දකුණේ ගම්මානයකිනි.
සුද්දන්ගේ ක්රමයට සුද්දාට ආචාර සමාචාර කරන්න ගොස් සුද්දාගේ කළු බැල්ලියගෙන් හොඳම ආචාර සමාචාරයක් ලැබ ජීවිතය අනූනවයෙන් බේරාගත් කළු සුද්දකු පිළිබඳව අ
සාදයේදී පදම වැඩිවූ මිතුරාට අමුතු රසාස්වාදයක් ලබා ගැනීමට අමුතුම සුප් එකක් පානය කරන්නට සලස්වා හිරේ විලංගුවේ නොවැටී අනූනවයෙන් බේරුණු මිතුරන් පිරිසක් ප
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
තාත්තාට රට ඉඳන් ආ පුතා මතක නැතිවෙලා