ජනාධිපතිවරණයේ ජය සැමරීම සඳහා පැවති උත්සවයක් අවසානයේදී සිදුකළ මධුවිත සාදයකදී මත්පැන් වෙනුවට වෙනත් බීමක් ගත් මැම්බර් මහත්වරුන් දෙදෙනකු සහ තවත් පිරිසක් පිළිබඳ කතාවක් දකුණු පළාතේ ග්රාමීය ප්රදේශයකින් වාර්තාවේ.
ජනපතිවරණය නිමවී දින කිහිපයක් ගතවීමෙන් පසුව ඡන්ද ව්යාපාරය සඳහා සහාය දැක්වූ හිතවතුන්ට සහ ගම්වාසීන්ට ස්තුති කිරීමේ උත්සවයක් සංවිධාන කර තිබුණි. සැන්දෑ කාලය එළඹෙන විට උත්සවය නිමවූ අතර රාත්රී කාලයේ එම ස්ථානයේ සහ තවත් ස්ථාන කිහිපයක මධුවිත සාද සංවිධානය කර තිබුණි.
මැම්බර් මහත්වරු දෙදෙනාගෙන් අයෙකු උත්සවය පැවති ස්ථානයේ සහ අනෙකා වෙනත් තැනක මිතුරන් සමග පදමට මධුවිත සප්පායම් වීම සිදුකර ඇති අතර ජ්යෙෂ්ඨ මැම්බර් මහතා සිටි ස්ථානයේ තිබූ මධුවිත අවසන් වීම නිසා සිය ගජමිතුරු මැම්බර් සගයාට දුරකථන ඇමතුමක් දී බෝතලයක් ද රැගෙන එන ලෙස පවසා තිබේ. සිය ජ්යෙෂ්ඨයාගේ ඇමතුමට ප්රතිචාර දක්වමින් සාදය පැවැත්වූ ස්ථානයේ මේසය යට තිබූ බෝතලයක්ද රැගෙන නවක මැම්බර් මහතා ඉක්මනින්ම සිය ජ්යෙෂ්ඨයා සිටින ස්ථානයට ගියේය. අඩ අඳුරේ පදමට සප්පායම් වී සිටි පිරිසට ලැබුණු බෝතලය දැක සතුටින් ඉපිල ගිය අතර ජ්යෙෂ්ඨ මැම්බර් මහතා බෝතලය විවෘත කොට අඳුරේම කටේ හලාගත් අතර ගෝලයාද එයට දෙවැනි නොවීය. පිරිසට බෝතලය හිස් කිරීමට විනාඩි පහක්වක් ගත නොවූ බවද පැවසේ.
බෝතලය හිස්කර විනාඩි දහයක් පමණ ගතවන විට එක් අයෙක් දෙදෙනෙක් වමනය කිරීම සහ වැසිකිළි යාම ආරම්භ කර ඇති අතර එය සියලු දෙනා අතර පැතිර යාමට වැඩි කාලයක් නොවීය. සියලුම දෙනා වමනය දැමීම සහ වැසිකිළියාම පිළිබඳව සැක සිතූ එක් අයෙක් සිය ජංගම දුරකථනයේ ආලෝකයෙන් වමනය පරික්ෂාකර ඇති අතර ඒවා දිලිසෙමින් ඝණ ද්රව්යයක ස්වරූපයෙන් යුක්ත නිසා විමසිලිමත්ව බැලීමේදී කාරණය අවබෝධ වී ඇත. නවක මැම්බර් මහතා හදිසියේ රැගෙන විත් ඇත්තේ උත්සවයේ පහන දැල්වීම සඳහා ගෙනැවිත් තිබූ මේසය යට තිබූ පොල් තෙල් බෝතලය බව පසුව පැහැදිලි වී ඇති අතර පිරිස සිද්ධිය වසන් කර ගැනීමට විවිධ ප්රයත්න දැරුවද පසුදින වන විට සිද්ධිය ප්රදේශය පුරා පැතිරීගිය රස කතාවක් බවට පත්වීම වැළැක්විය නොහැකි විය.
(හක්මන විශේෂ -දෙනගම යසන්ත ආරියසේන)
අලුත් අවුරුද්දට සාදමින් සිටි කැවිලිවලට සීනි යැයි සිතා ලුණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්රදේශයෙන් වාර්තා විය. වාර්තා වන ආකාරය
වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ
අත දරුවෙකු කරපින්නා ගෙන මහ රෑ පැමිණි කාන්තාවකට උපකාර කරන්නට ගොස් අකරතැබ්බකට මුහුණ පෑ තරුණයෙකු පිළිබඳ පුවතකි මේ.
අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ
එළැඹෙන අලුත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං” වූ පුවතක් කැබිතිගොල්ලෑව වාහල්කඩට නුදුරු
මී කතුරෙන් මීයන් අල්ලන අයුරු මුනුපුරකුට කියා දෙන්නට ගිය සීයා කෙනෙකුට ඇඟිලි දෙකක කොටස් අහිමිවීමේ පුවතක් හසලකට නුදුරු ගම්මානයකින් වාර්තා විය. හැටපස් හ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ජයපැන් සාදයේ ‘අමුතු සුදියෙන්’ මැම්බර්ලා වැසිකිළියේ