(වියලුව වාර්තාකරු)
ඉදිකිරීම් සමාගමක සේවය කරන චීන කම්කරුවකුට බුලත් විට කන හැටි උගන්වා ඔහුට හුණු තැවැරූ බුලත් කොළයක් දුන් සිංහල කම්කරුවෙකුට සිය සාක්කුවට අත දමා දුංකොළ කෑල්ලක්, පුවක් කැබැල්ලක් හා කරාබු නැටි කීපයක් දිගු කළ චීන කම්කරුවෙකු පිළිබද පුවතක් වාර්තා විය.
සිද්ධිය මෙසේය.
එය චීන සමාගමක් යටතේ සිදු කෙරෙන මාර්ග ව්යාපෘතියකි. චීන ජාතික කම්කරුවෝ මෙන්ම සිංහල ජාතික කම්කරුවෝ ද එහි ඉදිකිරීම්වල නිරත වුහ.
භාෂාව බාධකයක් වුවද හස්ත සංඥා යොදා ගනිමින් සිදුකරගත් අදහස් හුවමාරුව නිසාම දෙපාර්ශ්වයේ පිරිස ටික කලකදීම කුලුපග මිතුරන් විය.
සිංහල කම්කරුවෝ චීන ජාතිකයන්ට තම ආහාර පානවලින් සංග්රහ කළ අතර සිංහල භාෂාවේ ඇතැම් වචන ද කියා දුන්හ.
චීන ජාතිකයෝ ද ඔවුන් සතු දුම්වැටිවලින් මෙන්ම විවිධ ආහාරවලින්ද සිංහල කම්කරුවන්ට සැලකීමට අමතක නොකළහ.
සිංහල කම්කරුවෙකු දිනක් ආහාර විවේකයේ දී බුලත් විට කන හැටි චීන ජාතිකයෙකුට කියාදී හුණු ටිකක් තැවැරූ බුලත් කොළයක්ද ඔහු අත තැබුවේ ඒ සඳහා ඇවැසි සෙසු කළමනා තමා අත නැති බව හස්ත සංඥාවෙන් කියා පාමිණී.
ඒ මොහොතේ චීන ජාතිකයා සිය පසුම්බියට අත දමා පුවක් කැබැල්ලක්, කරාබු නැටි කීපයක් මෙන්ම දුංකොළ කැබැල්ලක් ද සිය සිංහල ජාතික මිතුරා අත තැබුවේ විට කෑමට බුලත් හා හුණූ පමණක් ප්රමාණවත් නොවන බවත් ඒ සඳහා දුංකොළ හා පුවක් අනිවාර්යයෙන්ම තිබිය යුතු බවත් පැහැදිලි සිංහලයෙන්ම සිය සිංහල මිතුරාට කියා දෙමිනි.
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
චීන කම්කරුවා සිංහල කම්කරුවාගේ කනෙන් රිංගලා
himal Monday, 27 November 2017 06:15 AM
කවුරුවත් කාගෙවත් කනෙන් රිංගලා නෑ. දෙන්නම හොඳ යාළුවො බවයි ප්රවෘත්තියෙන් පේන්නේ.
BamunuarachchiThursday, 30 November 2017 06:12 AM
හරියට හරි කවුරුත් කාගෙවත් කනින් රිංගන්න හදලා නැත....... තමාට තිබෙන විදිහට ළඟ සිටි කෙනාට සංග්රහ කර සිංහල කම පෙන්වා ඇත. දැන් නායකයින් කියන්න දැන් ඒගොල්ලන්ගේ කන් ඉස්සරට වඩා හිඳින් ඇහෙන බවයි.
sam Monday, 27 November 2017 06:56 AM
අද මෙන් විශාල ශ්රී ලාංකික පිරිසක් මෙල්බර්න් වල නොසිටි, මීට වසර විසිපහකට පමණ පෙර කාලයක, අපේ මිතුරෙකුගේ මගුල් ගෙදරකදී විවාහ රෙජිස්ට්රාර්වරිය (ඕස්ට්රේලියානු කාන්තාවක්) කිරිබත් සමග හරි හරියට ලුණු මිරිස් බෙදා ගන්නවා දුටු අයෙක් ඇයට ලුණු මිරිසේ "සැර" ගැන කියා දෙන්න ගියා. ඇය ගත් කටටම මේවා කට්ට සම්බල් බවත් අපට වඩා හොඳට ඇයට මිරිස් කන්න පුළුවන් බවත් කිව්වා පමණක් නොවෙයි ඒක ඔප්පු කරලාත් පෙන්නුවා.
NIMAL Friday, 01 December 2017 06:03 AM
බුලත්විට උපත ගැන මම අහල තියෙන්නේ චීන ජන කතාවක්. මම හිතන්නේ චීන්නු ඒ ගැන දන්නවා.