(හසලක වාර්තාකරු)
වඳින්නට ගිය දේවාලය ඉහේ කඩා වැටුණා වාගේ දෙයක් හසලක ප්රදේශයේ තරුණයකුට මුහුණ පාන්නට සිදුවූයේ කාන්තා ආරවුලක් බේරන්නට ගොස් ඔහු සැමියකුගේ ගුටි පූජාවකට මැදි වූ හෙයිනි.
මෙදින ඉරිදා දිනයකි. 28 හැවිරිදි වියේ පසුවූ ඔහු මෙදින කිසියම් අවශ්යතාවකට සිය යතුරුපැදියෙන් ගමනක් යමින් සිටියේය. එය පටු තරමක් පිටිසර මාර්ගයකි. ඔහු යන මාර්ගයේ ඉදිරියෙන් කාන්තාවන් දෙදෙනකු එක් තරුණ කාන්තාවකට පහරදෙන අයුරු ඔහුට දැක ගත හැකිවිය. එම ස්ථානයට ගිය ඔහු යතුරුපැදිය එම ස්ථානයේ නතර කරනවාත් සමගම පහර කෑමට ලක් වූ තරුණ කාන්තාව ඔහු අසලට දිව විත් මේ දෙන්නා තමන්ට පහර දෙන බවත් ඔවුන්ගෙන් තමන් බේරා ගන්නා ලෙසත් අඬමින් පැවසුවාය.
ඔහු අසලට පැමිණි අනෙක් කාන්තාවන් දෙදෙනා නැවත ඇයට බැණ වදිමින් නැවතත් පහර දෙන්නට සූදානම් වන විට ඔහු යතුරු පැදියෙන් බැස එය වළක්වා සිද්ධියට හේතුව ඔවුන් දෙදෙනාගෙන් විමසූ විට ඔවුන් පැවසුවේ තමන් දෙන්නා නොකී කතාවක් ඇය තැන තැන ගොස් පැවසීම නිසා අසල්වැසි කාන්තාවන් කීප දෙනකු තමන් සමඟ අමනාපයක් ඇති කරගෙන තිබෙන බවයි.
අද දින තමන් ගමේ කඩයට යන විට තරුණ කත පාරේදී මුණ ගැසුණු බවත් එය විමසීමේදී ඇය පහර දෙන්නට වූයෙන් තමන්ද ඇයට පහර දුන් බව ඔවුන් පැවසීය. මෙවැනි හැසිරිම්වලින් තමුන්ගේ දරුවන්ටත් සැමියන්ටත් පාරේ බැහැලා යන්න බැරි වෙන තත්ත්වයක් උදාවෙන බවත් හිරේ විලංගුවේ වැටීමට පවා මේ කාරණා දුර දිග යන බවත් කියා ඔහු ඔවුන් තිදෙනාටම අවවාද කර යතුරුපැදියේ නැගී යන්නට සූදානම් වෙන විට පහර කෑමට ලක්ව දැඩි අපහසුවෙන් පසු වූ තරුණ කත ඔහුගෙන් ඉල්ලා සිටියේ තමන් නිවසට ගොස් ඇරලවා යන ලෙසයි.
එම ඉල්ලීම මත ඇය යතුරුපැදියේ නංවාගෙන ඇගේ නිවෙස කරා යන ගමනේදී (මීටර් 300 ක් පමණ යන විට) ඉදිරියෙන් උදැල්ලක්ද කර මත තබාගෙන ඇගේ තරුණ සැමියා පාරේ ඔවුන් ඉදිරියට එනු දැක ඇය පැවසුවේ තම සැමියා ඉදිරියෙන් එන බවත් යතුරුපැදිය නතර කරන ලෙසත්ය.
ඇගේ ඉල්ලීම මත ඔහු අසල යතුරුපැදිය නතර කරනවාත් සමඟම තරුණ කත යතුරුපැදියෙන් වහා බැස හඬා වැටෙමින් සැමියා අසලට දිවගියාය. ඒ වෙන විටත් ඇයගේ හිස කෙස් අවුල්වී ඇඳ සිටි හැට්ටයේද කොටසක් ඉරී ගොස් තිබිණි.
මෙයින් කලබලයට පත් සැමියා සිතුවේ මේ තරුණයා තම බිරියට කිසියම් කරදරයක් කරන්නට ඇතැයි කියාය. ඒ සිතුවිල්ල මත බිරිය පසෙකට තල්ලුකර දමා කරේ තිබූ උදැල්ල පසෙකට විසිකර යතුරු පැදි කරු කරා වහා දිව විත් ‘මොකද්ද මේ කරපු කැත වැඩේ. මම ඉතුරු කරන්නේ නෑ’ යැයි කියමින් යතුරුපැදිය මත සිටි තරුණයාට පහර පිට පහර දෙන්නට විය.
මේ සිද්ධිය දුටු තරුණිය වහා සැමියා කරා දිව විත් ඔහුගේ අතේ එල්ලී ඔහුට පහර නොදෙන ලෙසත් තමන් කරදරයකට පත්වී සිටියදී මේ අයියා තමන් බේරාගෙන ආ වගත් පැවසුවාය.
එවිට පහර දීම නතරකර මොකද්ද සිද්ධිය යැයි ඇයගෙන් විමසූ විට ඇය සියලු තතු සැමියාට පැවසූ පසු ‘අනේ බුදු මහත්තයෝ මට සමාවෙන්න. මම කලබල වුණා වැඩියි. මට මෙයාගේ කෑ ගැසීමයි මෙයාගේ විලාසයයි දැක්කම මට හිතුණේ මහත්තයා මෙයාට යම් කරදරයක් කරන්නට ඇති කියලයි. අනේ මට සමාවෙන්න’ කියා දෑත එක්කොට තරුණයාට වඳින්නට සූදානම් වෙනවාත් සමඟම තරුණයා තම යතුරුපැදිය පණ ගන්වා යන්නට ආ ගමනත් පසෙක තබා නැවත නිවස බලා ගියේ පහරකෑමෙන් ඇති වූ වේදනාවද යටපත් කර ගනිමිනි.
සිය අතුරුදන් සැමියා ගැන හෝඩුවාවක් දැනගැනීමට දේවාලයකට ගිය බිරියට එම දේවාලය තුළදී සැමියා හමුවීමේ සිද්ධියක් සබරගමුව පළාතේ එක්තරා ගමකින් වාර්තාවේ. සිද්
පවතින ආර්ථික අගහිඟකම් හමුවේ නෑදෑ පිරිවර මැද වැයබර අඩුකර ගැනීමට තැනට උචිත නුවණ පාචිච්චි කළ නිවෙස් හිමියකු පිළිබඳව පුවතක් කලාවැව අවට මහවැලි ජනපද ගම්මා
සිසුන්ගේ කෑම පැකැට්ටුවෙන් රෙදි ගලවා ගත් අපූරු ගුරුවරයකු පිළිබඳ පුවතක් දකුණු පළාතේ පාසලකින් අසන්නට ලැබේ. පාසලේ පැවති ක්රීඩා උත්සවය සඳහා සහභාගී වන සි
විහාරස්ථානයක සල්පිල් වෙන්දේසියක දී තරුණ තරුණියන් තරග වැදී මිලට ගත් භාණ්ඩයක් නොවටිනා දෙයක් වීමෙන් වූ අලකලංචියකි. මෙය වාර්තා වන්නේ දකුණේ ගම්මානයකිනි.
සුද්දන්ගේ ක්රමයට සුද්දාට ආචාර සමාචාර කරන්න ගොස් සුද්දාගේ කළු බැල්ලියගෙන් හොඳම ආචාර සමාචාරයක් ලැබ ජීවිතය අනූනවයෙන් බේරාගත් කළු සුද්දකු පිළිබඳව අ
සාදයේදී පදම වැඩිවූ මිතුරාට අමුතු රසාස්වාදයක් ලබා ගැනීමට අමුතුම සුප් එකක් පානය කරන්නට සලස්වා හිරේ විලංගුවේ නොවැටී අනූනවයෙන් බේරුණු මිතුරන් පිරිසක් ප
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
ගෑනු ගෝරියක් ලිහන්න ගිහින් අහක තිබූ තොප්පියක් වැටිලා