(මෝදර සී. ඉග්නේෂස් ඇන්තනි)
ලොකු තුවාලයක් ඇති යාචකයකු සේ හැසිරුණ පුද්ගලයකු තමන් කළ බොරුව අසුවී ගුටිබැට කද්දී සෙනඟ ඉදිරිපිට වැඳ වැටී සමාව ඉල්ලා පලාගිය පුවතක් නගරයේ ජනාකීර්ණ ප්රදේශයකින් වාර්තා වේ.
සිද්ධිය මෙසේය.
ඔහු ගම්බද තිදරු පියෙකි. විවාහකයෙකු වුවත් රස්සාවක් නොකර ඔහු දරු පවුල ජීවත්කර ඇත්තේ මෙලෙස රඟපා හිඟා කෑමෙනි. රස්සාවක් කරනවා කියා කරේ බෑගයක් එල්ලාගෙන ඔහු ගමේ සිට නගරයට දිනපතා බස්රථයෙන් එන්නේ හොඳට හැඳ පැළඳගෙනය. නගරයේ පාළු තැනකට හෝ වෙනත් ස්ථානයකට ගොස් ඇඳ සිටි ඇඳුම් ගලවා කිලිටි සරමක් ඇඳ කකුලේ තුවාලයක් තිබෙන බව පෙන්වීම සඳහා වෙලුම් පටියකින් බැඳ ගැනීම ඔහු පුරුද්දක් ලෙස කරගෙන ගියේය.
රට ඉඳි ස්වල්පයක් ගෙන පොඩිකර ඊට උඩින් අයිස් කැටයක් තියා ඕජස් ගලන විදියට පෙන්වා කකුලේ තබා ඔහු වෙලුම් පටියකින් බැඳ ගන්නේ විශාල තුවාලයක් තිබෙන විදියටය.
ගැලවූ ඇඳුම් බෑගයේ දමා ඔහු ඊට පස්සේ එන්නේ ප්රසිද්ධ ස්ථානයක් අසලටය. දවසකට පල්ලියක් අසලට ද තවත් දවසකට පන්සලක් අසලට ද තවත් දවසකට කෝවිලක් අසලට ද ඔහු යන්නේ පුරුද්දටය.
එදා අඟහරුවාදා දවසකි. කෝවිලේ ද උත්සවයකි. විශාල සෙනඟක් රැස්වී සිටියහ. මඟ දෙපස හිඟමන් යදිමින් සිටි යාචකයින් අතර ඔහු ද විය. උත්සවය බලන්න ආ තරුණ පිරිසක් එහා මෙහා ඇවිද්දහ. ඔවුහු තුවාලයක් තිබෙන මේ යාචකයා ද දුටුවෝය. මීට පෙර දැක ඇති බැවින් ටිකක් විපරමින් ඉඳිමුයි කියා ඔවුන් පැත්තකට ගියහ. බොහෝ දෙනා ඔහුට සල්ලි දෙන හැටිත් ඔවුහු බලාගෙන සිටියහ.
උත්සවය අවසන් විණි. පැමිණි පිරිස් යන්නට වූහ. සිටි යාචකයෝද එකා දෙන්නා එතැනින් පිටවී යන්නට පටන් ගත්හ. ලැබුණු සල්ලි එකතු කරගත් තුවාලයක් ඇති යාචකයා ද බෑගය කරේ දමාගෙන බොහෝ අසීරුවෙන් ගාටමින් යන්නට විය. මෙලෙස ගමන් කරන ඔහු දැක තරුණයෝ ඔහුට ළඟාවී උදව්කරන්නට උත්සාහ ගත්ත ද ඔහු ඊට අකමැති වී මම තනියම යන්නම් කියා ඉදිරියට ගියේය. ඔහු ගමන් කළේ කැලෑවක් සහිත ස්ථානයකටය.
ටික වෙලාවකින් කැලයෙන් එළියට ආවේ හොඳට ඇඳ පැළඳගෙන සපත්තු දමා සිටි පුද්ගලයෙකි. මේ සියල්ලක්ම විපරමින් සිටි තරුණයෝ මොහු වෙත ගොස් කෝවිල ළඟ හිඟාකෑවේ? කෝ දැන් තුවාලේ යැයි ඇසුවේ මහා හඬිනි. මේ හඬට අහළ පහළ සිටි කිහිප දෙනෙක් ද එතැනට ආහ.
යාචකයාට තරු පෙනිණි. එක්කෙනකු දෙදෙනකුගේ අත් පා ඔහුගේ සිරුර හරහා ගියේ විදුලි වේගයෙනි. යාචකයාගේ බෑගය පරීක්ෂා කර බැලූ තරුණයන්ට එහි දැකගන්නට හැකි වූයේ කිලිටි සරමක් වෙලුම් පටියක් සහ මුදල් පමණි. තවත් පහරවල් කීපයකට මුහුණ දුන් ඔහු අනේ මහත්තයෝ මට ගහන්න එපා ඇත්ත කියන්නම් කියා ඔහු කළ සියලු දේවල් වැමෑරුවේය.
අතපය හොඳට තියෙනවනේ රස්සාවක් කරන්න බැරිද? ඇයි මේ බොරු කරන්නේ. මීට පස්සේ මේ පැත්තට එන්න එපා කියමින් තරුණයන් තව තවත් සලකත්ම ඔහු ඔවුන්ට වැඳ වැඳ එතැනින් නික්ම ගියේ පසුපස නොබලාමය.
සිය අතුරුදන් සැමියා ගැන හෝඩුවාවක් දැනගැනීමට දේවාලයකට ගිය බිරියට එම දේවාලය තුළදී සැමියා හමුවීමේ සිද්ධියක් සබරගමුව පළාතේ එක්තරා ගමකින් වාර්තාවේ. සිද්
පවතින ආර්ථික අගහිඟකම් හමුවේ නෑදෑ පිරිවර මැද වැයබර අඩුකර ගැනීමට තැනට උචිත නුවණ පාචිච්චි කළ නිවෙස් හිමියකු පිළිබඳව පුවතක් කලාවැව අවට මහවැලි ජනපද ගම්මා
සිසුන්ගේ කෑම පැකැට්ටුවෙන් රෙදි ගලවා ගත් අපූරු ගුරුවරයකු පිළිබඳ පුවතක් දකුණු පළාතේ පාසලකින් අසන්නට ලැබේ. පාසලේ පැවති ක්රීඩා උත්සවය සඳහා සහභාගී වන සි
විහාරස්ථානයක සල්පිල් වෙන්දේසියක දී තරුණ තරුණියන් තරග වැදී මිලට ගත් භාණ්ඩයක් නොවටිනා දෙයක් වීමෙන් වූ අලකලංචියකි. මෙය වාර්තා වන්නේ දකුණේ ගම්මානයකිනි.
සුද්දන්ගේ ක්රමයට සුද්දාට ආචාර සමාචාර කරන්න ගොස් සුද්දාගේ කළු බැල්ලියගෙන් හොඳම ආචාර සමාචාරයක් ලැබ ජීවිතය අනූනවයෙන් බේරාගත් කළු සුද්දකු පිළිබඳව අ
සාදයේදී පදම වැඩිවූ මිතුරාට අමුතු රසාස්වාදයක් ලබා ගැනීමට අමුතුම සුප් එකක් පානය කරන්නට සලස්වා හිරේ විලංගුවේ නොවැටී අනූනවයෙන් බේරුණු මිතුරන් පිරිසක් ප
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
ගමෙන් එන මහත්තයා ටවුමෙ හිඟා කා මාට්ටුවෙලා
sana Thursday, 18 March 2021 11:01 AM
දුප්පත් මිනිහෙක් බොරු කියලා හිඟා කන එකේ ඇත්ත හොයන්න කියලා ඒ පුද්ගලයාට ගුටි බැට දෙනවා. මහ ලොකු සමාජ ශෝධකයින් නම් ගිහිල්ලා සිල්වත්තු විදිහට ඉන්න පාතාල චණ්ඩින්ට ගිහින් ගහන්නේ නෑ...