(නිකවැරටිය/ ප්රියාණි මංගලිකා)
කොරෝනා වසංගත තත්ත්වයෙන් ආරක්ෂා වීමට මීටරයේ දුර ගලපා ගන්නට බසයේ කවුලුවෙන් හිස පිටතට දමාගෙන ගිය බස් මගියකු පිළිබඳ පුවතක් කුරුණෑගල දිසාවේ එක්තරා පෙදෙසකින් වාර්තාවේ.
සිද්ධිය මෙසේය -
මෙම පුද්ගලයා ග්රාමීය පෙදෙසක මැදිවියේ පුද්ගලයෙකි. හෙතෙම වර්තමානයේ පවතින කොරෝනා වයිරසයෙන් බේරීමට සියලු සනිපාරක්ෂිත ක්රමවේද අනුගමනය කරන්නෙකි.
මෙදින මෙම පුද්ගලයාට හදිසියේ ගමනක් යෑමට සිදුවිය. මුඛ ආවරණ ද නිසි පරිදි පැළද, විෂබීජ නාශක බෝතලයක්ද බෑගයේ දමාගෙන ගමනට පිටත් වූයේය. පෞද්ගලික මගී ප්රවාහන බසයකට නැගුණ ඔහු දෙදෙනකු අසුන් ගන්නා අසුනක කෙළවරට විෂබීජ නාශකද යොදා සෞඛ්යාරක්ෂිත ලෙස ගමන යෑමට පිටත් වූයේය.
මඳ දුරක් යනවිට අතර මගදී නැගුණ අයකු මෙම පුද්ගලයා සිටින අසුනේ අනෙක් පස වාඩි වූයේය. එයින් කලබලයට පත්වූ මෙම පුද්ගලයාට සමාජ දුරස්ථභාවය ගැන සිහියට නැගිණි. ‘‘දෙයියනේ මීටරයක් දුර නෑනේ. මේ මනුස්සයා මගේ ඇඟෙත් වදිනවා’’ ඔහු දස අතේ කල්පනා කරමින් හැකි තරම් අසුනේ කෙළවරට වුවද මීටරය ගලපා ගත්තට නොහැකි වීමෙන්. කවුළුවේ වීදුරුව හැර හිස එළියට දමා ගත්තේය. ඉන් ඔහුට යම් සැනසීමක් ද ලැබුණි.
එහෙත් පැති කන්නාඩියෙන් එය දුටු රියදුරාට නම් යකා නැග්ගේය. ඔහු බසය නවතා මෙම පුද්ගලයා සිදු කරන අනතුරුදායක ක්රියාව ගැන දොස් නැගුවේය.
‘‘මොනවද මනුස්සයෝ ඔය කරන්නේ. බෙල්ල කඩාගෙන මැරෙන්නද හදන්නේ.’’ යැයි රියදුරු කෑගැසීය. එය අසා සිටි මෙම පුද්ගලයා හිස ආපසු ගෙන ‘‘ඩ්රයිවර් මහත්තයා මම එහෙම කළේ සීට් එකේ මීටරේ දුර නැති නිසානේ. මේ බස් එකෙත් පොලීසියෙන් කොළ අලවලා තියෙන්නේ මීටරෙන් ඉන්න කියලා. අර බලන්නකෝ’’ යනුවෙන් කියා ඇත.
බස් රථයේ සිටි සියලු දෙනාටම සිනාව නවතා ගැනීමටද නොහැකි වූයේලු.
පවතින ආර්ථික අගහිඟකම් හමුවේ නෑදෑ පිරිවර මැද වැයබර අඩුකර ගැනීමට තැනට උචිත නුවණ පාචිච්චි කළ නිවෙස් හිමියකු පිළිබඳව පුවතක් කලාවැව අවට මහවැලි ජනපද ගම්මා
සිසුන්ගේ කෑම පැකැට්ටුවෙන් රෙදි ගලවා ගත් අපූරු ගුරුවරයකු පිළිබඳ පුවතක් දකුණු පළාතේ පාසලකින් අසන්නට ලැබේ. පාසලේ පැවති ක්රීඩා උත්සවය සඳහා සහභාගී වන සි
විහාරස්ථානයක සල්පිල් වෙන්දේසියක දී තරුණ තරුණියන් තරග වැදී මිලට ගත් භාණ්ඩයක් නොවටිනා දෙයක් වීමෙන් වූ අලකලංචියකි. මෙය වාර්තා වන්නේ දකුණේ ගම්මානයකිනි.
සුද්දන්ගේ ක්රමයට සුද්දාට ආචාර සමාචාර කරන්න ගොස් සුද්දාගේ කළු බැල්ලියගෙන් හොඳම ආචාර සමාචාරයක් ලැබ ජීවිතය අනූනවයෙන් බේරාගත් කළු සුද්දකු පිළිබඳව අ
සාදයේදී පදම වැඩිවූ මිතුරාට අමුතු රසාස්වාදයක් ලබා ගැනීමට අමුතුම සුප් එකක් පානය කරන්නට සලස්වා හිරේ විලංගුවේ නොවැටී අනූනවයෙන් බේරුණු මිතුරන් පිරිසක් ප
දකුණේ රාජ්ය අනුග්රහය ලබන එක්තරා ආයතනයක “සර්” කියා ගැනීමට මහත් ගිජුකමක් දැක්වූ නිලධාරියකුගෙන් තමාගේ කටයුත්ත ඉටු කර ගැනීමට ලිපියක් ලියා ඒ තුළ සර් යය
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
කොරෝනාවෙන් බේරෙන්න බසයෙන් එළියට ඔළුව දාලා