තම නාන ළිඳ ළඟ තිබූ බිරිඳගේ කිලිටි රෙදි බේසම වෙනුවට කළුවරේම අසල්වැසි කතකගේ රෙදි බේසමක් සේදූ සැමියකු පිළිබඳ පුවතක් කුරුණෑගල දිස්ත්රික්කයේ එක්තරා පෙදෙසකින් වාර්තා විය.
සිද්ධිය මෙසේය.
ඔහු රැකියාවක නියුතු තරුණ සැමියෙකි. මෙදින ඔහු වැඩ ඇරී නිවසට එනවිට තම බිරිඳ රෝගාතුරව නිදාගෙන සිටියේලු. තමාට කොන්දේ අමාරුවක් හටගත් බව ඇය අමාරුවෙන් සැමියාට කීවාය. එයටද ප්රතිකාරයක් කළ සැමියා බිරිඳට විවේකීව සිටින ලෙස කියා රාත්රී ආහාරයද සකසා දියනාගැනීම සඳහා වත්ත පහළ නාන ළිඳ ළඟට ගොස් ඇත.
ළිඳ අසල ඇති බිරිඳගේ කිලිටි රෙදි බේසමද නෙත ගැටුණ සැමියා කඩිමුඩියේ එම රෙදි බේසමද සෝදා නිවසට ආවේලු.
පසුදින උදෑසන බිරිඳට ද කෑම සැකසූ සැමියා රැකියාවට යාමට සැරසුණි. “බබා යමුද බොහෙත් ටිකක්වත් ගන්න” සැමියා බිරිඳට කීවේය. “ඕන් නෑ බබා දැන් අඩුයි” බිරිඳ කීවාය. “එහෙනම් පරිස්සමින් ඉන්න බබා” කියා සැමියා බිරිඳගෙන් සමුගෙන රැකියාවට නික්ම ගියේය.
මෙම ළිඳෙන්ම දියනෑමට පැමිණෙන අසල්වැසි කාන්තාව පෙර දින ළිඳ ළඟ තබා ගිය රෙදි බේසම සේදීමට මෙදින උදෑසන ළිඳ ළඟට පැමිණියාය. තමාගේ යට ඇඳුම් ද සහිත රෙදි බේසම සෝදා තබා තිබෙනු දුටු කාන්තාව මහත් සතුටින් රෙදි බේසම ද රැගෙන නිවසට ගියාය.
මෙදින සවස කාර්යාලයේ වැඩ නිමවා බිරිඳගේ රෝගී තත්ත්වය ගැනද සිතමින් සැමියා වහ වහා නිවස වෙත එමින් සිටියේය. අසල්වැසි කාන්තාව කොට ඇඳුමක් ද හැඳ අඟර දඟර ගමනින් වැට අද්දරට පැමිණියාය. “අනේ අයියා... ඔයාට බොහොම ස්තුතියි... අපේ මහත්තයා කවදාවත් මගේ රෙද්දක් හෝදන් නෑ. ඔයා නම් රත්තරන් මහත්තයෙක්.” අල්ලපුගෙදර ඇය අමුතු ලෙන්ගතු කමකින් කීවාය.
කිසිවක් ගණනකට නොගත් සැමියා වහා නිවසට පැමිණියේ බිරිඳගේ සුවදුක් බැලීමටය. ඇඳ මත කෙඳිරිගාමින් සිටි බිරිඳ දුටු සැමියාද මහත් කලබලයට පත්විය.
“ඇයි බබා අමාරුද” ඇඳ මත වාඩි වෙමින් සැමියා බිරිඳගෙන් ඇසීය. “ඊයේ රෙදි බේසමයි අද එකයි දෙකම හේදුවා. මට නැගිටගන්න බැරි තරමට කොන්ද කකියන්න ගත්තා” බිරිඳ මහත් වේදනාවෙන් කීවාය.
තමා පෙර දින සෝදා ඇත්තේ අසල්වැසි කාන්තාවගේ රෙදි බේසමක් බව වටහා ගත් සැමියා මහත් කලබලයට පත්විය. සියල්ල වසන් කරගත් සැමියා ත්රිරෝද රථයක් ගෙන්වාගෙන බිරිඳ වෛද්යවරයෙක් වෙත රැගෙන ගියේලු.
(නිකවැරටිය ප්රියානි මංගලිකා)
විවිධ ප්රදේශවලට ගමන් කරමින් අවදානම් සහිත පොල් ගස් කම්බි යොදමින් ඇද දමා බඳින පිරිසක් මාතලේ යටවත්ත ප්රදේශයේ නිවසක කාන්තාවකගේ අතින් ඇදීම හේතුවෙන් ගුට
අලුත් අවුරුද්දට සාදමින් සිටි කැවිලිවලට සීනි යැයි සිතා ලුණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්රදේශයෙන් වාර්තා විය. වාර්තා වන ආකාරය
වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ
අත දරුවෙකු කරපින්නා ගෙන මහ රෑ පැමිණි කාන්තාවකට උපකාර කරන්නට ගොස් අකරතැබ්බකට මුහුණ පෑ තරුණයෙකු පිළිබඳ පුවතකි මේ.
අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ
එළැඹෙන අලුත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං” වූ පුවතක් කැබිතිගොල්ලෑව වාහල්කඩට නුදුරු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කළුවරේ ළිඳට ගිය සැමියා බිරිඳට උදවුවට වෙන කතකගේ රෙදි බේසම පිරිසුදු කරලා