(කරන්දෙණිය - එම්. සුසිල් ප්රියන්ත)
හදවතේ සිදුරක් ඇති සිය සහෝදර සේවකයාගේ දරුවාට ප්රතිකාර ගැනීම සඳහා රුපියල් ලක්ෂයක ණය මුදලක් ලබාගැනීමට උදව් කළ සේවකයින් පිරිසක් එම ණය මුදල අදාළ සේවකයාට ලබා නොදී ඔවුන් අතර බෙදා ගෙන මාසික ණය වාරිකය ඔහුට ගෙවන්නට සැලැස්වූ අපූර පුවතක් දකුණු පළාතේ පළාත් පාලන ආයතනයකින් වාර්තා විය.
එතරම් දැනුමක් තේරුමක් නැති ඔහු මේ පළාත් පාලන ආයතනයේ කැළි කසළ ඉවත් කිරීමේ සේවයේ යෙදී සිටින්නෙකි. දුප්පත්කමේ පහළටම වැටී ඇති ඔහු දිවි ගෙවූයේ මහත් ආර්ථීක දුෂ්කරතා රැසක් මධ්යයේය. එය තවත් තීව්රවූයේ දරුවාගේ අසනීපයත් සමගය.
හදවත් රෝගී දරුවාට ප්රතිකාර ගැනීම සඳහා මුදල් අවශ්ය බව සහෝදර සේවකයින් පිරිසකට ඔහු පවසන්නේ මේ අතරවාරයේදීය. ආයතනයක වැඩ කරන නිසාත් ඔහුට මාසික වැටුපක් ලැබෙන නිසාත් මේ සහෝදර සේවක පිරිස යම් ආයතනයකින් ණය මුදලක් ලබාගත හැකි බව පවසන්නේ ඔහුගේ ඊට කැමැත්ත ලබාගැනීමේ අරමුණින්ය.
මුදල එම ආයතනයෙන් ලබා ගැනීමට අවශ්ය පෝරම පිරවීම තබා විදුලි පණිවුඩ පෝරමයක්වත් පිරවීමට දැනුමක් නොතිබූ ඔහුට මේ ණය මුදල ලබාගැනීම සඳහා අවශ්ය පෝරම පිරවූයේ සහෝදර සේවක පිරිස විසින්මය. ඔහුට තිබුණේ ඒවාට සිය අත්සන තැබීම පමණය.
ඒ අනුව ඔහුට අදාළ ණය මුදල අනුමත විය. ණය මුදල ලබාගැනීම සඳහා ඔවුන් සමග ගිය සේවක පිරිස ඔහුගේ අතට ණය මුදල ලබා නොදුන්නේ ඔහු එම මුදල අනවශ්ය ලෙස වියදම් කරනවා යයි කියමින්ය. එසේ කියමින් කාලය ගෙවූ මේ පිරිස ඔහුට ණය මුදල දුන්නේ නැත. ඔවුන් එය බෙදා ගත්තේ ඔහු මේ ගැන කාටවත් නොපවසනු ඇතැයි හැඟීමෙන් යුතුවය.
ඔහුගේ මාසික වැටුපෙන් මේ ණය මුදලට අදාළ ණය වාරිකය කපා දැමිණි. සිය පඩිපත අඩුවීම පිළිබඳව සොයා බැලීමෙන් ඔහුට මෙය අනාවරණය වීමත් සමගම ඔහු මේ පිළිබඳව පළාත් පාලන ආයතනයේ සභාපතිවරයාට ද දැනුම් දුන්නේය. මේ අසාධාරණය නොඉවසූ සභාපතිවරයා ඔහුගේ මාසික වැටුපෙන් ණය වාරිකය කැපීම නතර කර දැමුවේය. සභාපතිවරයා මේ මුදල් ගත්තා යයි කියන සේවක පිරිසගෙන් මේ පිළිබඳව විමසීමේදී ඔවුන් මේ මුදල් ගත්තේ නැතැයි කීම නිසා මේ අසරණ සේවකයාට සාධාරණයක් ඉටු කිරීමට නොහැකි විය.
අසරණ සේවකයාගේ ණය මුදල බෙදා ගත්තාට කිසිඳු සාක්ෂියක් නැති බැවින් මෙය දෙවියන්වත් බලා ගනු ඇතැයි සභාපතිවරයා සැනසුම් සුසුම් හෙලුවේය.
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
කටුපොත අපේ කිට්ටුම නෑකෙනෙක් හදිසියේ මිය ගිහිල්ලා. මම දැන් මළ ගෙදරට යන්න ඕනෑ. ආරංචි වුණේ අද. රෝහණ සිය මිතුරන්ට කටුපොත සිදු වී ඇති මළගම ගැන විස්තර කීවේය. මළ
අමුතු ආගන්තුක සත්කාරයක් කළ ගැමියකු ගැන පරගල ප්රදේශයෙන් වාර්තා වෙයි. සිද්ධිය මෙසේය. ඔහු අධ්යාපනය නොලද, තරමක මෝඩ පහේ ගැමියෙකි. විවාහක ඔහු රජයේ අනවසර ඉඩ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කබලෙන් ළිපට වැටුණු සේවකයාට සේවක පිරිසකගෙන් අපූරු උදවුවක්
KANDEPOLA Wednesday, 19 June 2019 07:18 AM
නියම ශ්රී ලාංකිකයින් පිරිසක්....
දිමුත් Wednesday, 19 June 2019 12:58 PM
ඔය වංචා කරපුවට පොලියත් එක්ක කවදාහරි ලැබෙයි.
abaraa Thursday, 20 June 2019 02:12 AM
ගණන් ගන්න එපා ...අපේ ගමේ එහෙම තමා...
janahitha Thursday, 20 June 2019 03:05 PM
බොහෝ විට පැනල උදවු කරන්න එන අයගෙන් හැම කෙනෙක්ම පරිස්සම් විය යුතුයි. ඕනෑම ආයතනයකම ඔය වගේ හොර මගඩිකාරයෝ ඉන්නවා. මේ නිසා හැමෝම පරිස්සම් විය යුතුයි. විශේසයෙන් ණය වලට අත්සන් කරන්න පෙර දෙවරක් නොවෙයි සිය සැරයක් සිතා බැලිය යුතුයි.
Perera Thursday, 20 June 2019 10:27 PM
වසර 2500ක ආඩම්බර සංස්කෘතික ඉතිහාසයක් තියෙන ලෝකෙම උතුම්ම රටක් ලංකාව. මේ කතාව ලංකාවේ වෙන්න බැහැ .